OKHURULA 2
2
Okhwibulwa khwa Musa
1Munyinga yitsio omusiani mulala okhurula mulwibulo lwa Lawi yateesia omukhaana womulwibulo lwabwe. 2Omukhasi uyo yabelekha ma niyebula omwana omusiani. Olwa nyina yalola nali omwana welikondo lilahi yamubisa khulwemiesi chitaru.#Ebikh. 7:20; Heb. 11:23 3Nebutswa olwa aranyala okhutsilil'la okhumubisa, yabukula esikapo esialombwa khutsisala tsiebimwelo ma nabukula elamu nachihomela musikapo tsana okhwikal'la amaatsi okhwinjilamwo. Yara omwana musikapo tsana ma nasira mwitookho khundulo khwomuchela. 4Mbotso nyene omwana uyo yasinjil'la ehale okhulola akeetsa okhwekholekha khuye.
5Omukhaana womuruchi yeetsa hamuchela okhwesinga, olwa abarumikhilibe bali nibachendanga khundulo khwomuchela. Yalola esikapo mwitookho hamuchela ma naruma omurumikhili uwe omukhaana okhusibukula. 6Olwa yasifuunula yalola omwana omusiani. Omwana tsana yali nalakayanga ma omukhaana womuruchi namubelel'la. Yaboola mbu, “Uno nimulala khubaana ba Baheburania.”
7Kho mbotso nyene omwana tsana namureeba mbu, “Nzie khulanjile omukhasi Muheburania akhulel'le omwana uyu?”
8Omukhaana womuruchi nakalusia “Yanza otsie.” Kho omukhaana uyo natsia okhuleera nyina mwana mwene. 9Omukhaana womuruchi namubool'la “Obukule omwana uyo ma undel'le, nase nakhurunje.” Kho yabukula omwana namukhusia. 10Olunyuma, omwana niyamal'le okhukhula yamuhila khumukhaana womuruchi owamubukula singa omusiani uwe. Naboola mumwoyo kukwe mbu, “Ndamuhinia okhurula m'maatsi kho nzia okhumulanga Musa#2:10 Musa Muluheburania liboolanga okhuhiinia esioba..” #Ebikh. 7:21
Musa yelukhila musibala sia Midiani
11Olwa Musa yali niyakhul'le, yatsia okhukonya abandu babwe, Abaheburania ma nalola obwa bahachibwa okhukhola emilimo emitinyu. Khandi yalola Omumisiri niyeeranga Omuheburania mulala khubandu babwe.#Heb. 11:24#Ebikh. 7:23-28 12Nahenga yiyi ne yiyi ne olwa aralola omundu, yeera Omumisiri ma namubisa mumuyekhe. 13Litukhu lialondakhwo khandi yatsia okhubakonya ma nalola abasaatsa Abaheburania babili nibakhupananga. Nabool'la owali nesikha mbu, “Busina ibe okhupakanga Omuheburania wasio?”
14Omundu uyo namukalusia mbu, “Niwina owakhukhola okhuba omuruchi nende omukhalachi wefwe? Wenyanga okhunzira singa wayir're Omumisiri?” Ma Musa naria ma nabool'la m'mwoyo kukwe mbu, “Siahene abandu bamanyile akandakhol'le.” 15Olwomruchi yakahul'la, yenya okhwira Musa, nebutswa Musa yelukha ma natsia okhumenya musibala sia Midiani.
Litukhu elala olwa Musa yali niyekhaye hasitaho,#Ebikh. 7:29; Heb. 11:27 16abakhaana ba Yetsero omwesaalisi wa Midiani bane nabataru betsa okhutaha amaatsi nibaketsusia mumataramu akokhunywesisiamwo amakondi ka samwana nende tsimbusitsie. 17Nebutswa abaayi bandi bakhungania abakhaana ba Yetsero. Kho Musa yatsia okhubahabina ma nabanywesisia amakondi kabwe nende tsimbusi. 18Olwa bakalukha khusamwana wabwe Yetsero, yabareeba mbu, “Busina mucheleye bwangu olwaleelo.”
19Abakhaana yabo nibamukalusia mbu, “Omumisiri yali okhukhuhabina okhurula khubaayi khandi yali okhukhutayila amaatsi khandi nanywesia esiayo siefwe.”
20Yetsero nabareeba mbu, “Omumisiri tsana ali hena? Busina m'mulekhele esioba? Tsie mumulange yetse khulie n'naye.”
21Kho Musa yahuchil'la okhumenya nende Yetsero ne Yetsero yamuhelesia omukhaanawe Sipora mbu amuteesie. 22Sipora niyebula omwana omusiani, ma Musa namukulikha Gerishoni; okhuba yaboola mumwoyo kukwe mbu “Ndi omucheni musibala sino.”
23Emihika eminji nichiahweye omuruchi we Misiri yamala afwe, nebutswa Abaisiraeli batsilil'la okhubinda mukhusalisibwa khwabwe ma nibalakaya mbu bakhonywe. Nyasaye yahulila okhulakaya khwabwe, 24khandi nahul'la okhubinda khwabwe ma niyetsul'la indakano yiye nende Aburahamu, Isaka, nende Yakobo.#Okhuch. 15:13-14 25Yalola obwa Abaisiraeli bali mubutinyu bwobusumba ma nababelel'la.
Àwon tá yàn lọ́wọ́lọ́wọ́ báyìí:
OKHURULA 2: EBAIBO
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
OKHURULA 2
2
Okhwibulwa khwa Musa
1Munyinga yitsio omusiani mulala okhurula mulwibulo lwa Lawi yateesia omukhaana womulwibulo lwabwe. 2Omukhasi uyo yabelekha ma niyebula omwana omusiani. Olwa nyina yalola nali omwana welikondo lilahi yamubisa khulwemiesi chitaru.#Ebikh. 7:20; Heb. 11:23 3Nebutswa olwa aranyala okhutsilil'la okhumubisa, yabukula esikapo esialombwa khutsisala tsiebimwelo ma nabukula elamu nachihomela musikapo tsana okhwikal'la amaatsi okhwinjilamwo. Yara omwana musikapo tsana ma nasira mwitookho khundulo khwomuchela. 4Mbotso nyene omwana uyo yasinjil'la ehale okhulola akeetsa okhwekholekha khuye.
5Omukhaana womuruchi yeetsa hamuchela okhwesinga, olwa abarumikhilibe bali nibachendanga khundulo khwomuchela. Yalola esikapo mwitookho hamuchela ma naruma omurumikhili uwe omukhaana okhusibukula. 6Olwa yasifuunula yalola omwana omusiani. Omwana tsana yali nalakayanga ma omukhaana womuruchi namubelel'la. Yaboola mbu, “Uno nimulala khubaana ba Baheburania.”
7Kho mbotso nyene omwana tsana namureeba mbu, “Nzie khulanjile omukhasi Muheburania akhulel'le omwana uyu?”
8Omukhaana womuruchi nakalusia “Yanza otsie.” Kho omukhaana uyo natsia okhuleera nyina mwana mwene. 9Omukhaana womuruchi namubool'la “Obukule omwana uyo ma undel'le, nase nakhurunje.” Kho yabukula omwana namukhusia. 10Olunyuma, omwana niyamal'le okhukhula yamuhila khumukhaana womuruchi owamubukula singa omusiani uwe. Naboola mumwoyo kukwe mbu, “Ndamuhinia okhurula m'maatsi kho nzia okhumulanga Musa#2:10 Musa Muluheburania liboolanga okhuhiinia esioba..” #Ebikh. 7:21
Musa yelukhila musibala sia Midiani
11Olwa Musa yali niyakhul'le, yatsia okhukonya abandu babwe, Abaheburania ma nalola obwa bahachibwa okhukhola emilimo emitinyu. Khandi yalola Omumisiri niyeeranga Omuheburania mulala khubandu babwe.#Heb. 11:24#Ebikh. 7:23-28 12Nahenga yiyi ne yiyi ne olwa aralola omundu, yeera Omumisiri ma namubisa mumuyekhe. 13Litukhu lialondakhwo khandi yatsia okhubakonya ma nalola abasaatsa Abaheburania babili nibakhupananga. Nabool'la owali nesikha mbu, “Busina ibe okhupakanga Omuheburania wasio?”
14Omundu uyo namukalusia mbu, “Niwina owakhukhola okhuba omuruchi nende omukhalachi wefwe? Wenyanga okhunzira singa wayir're Omumisiri?” Ma Musa naria ma nabool'la m'mwoyo kukwe mbu, “Siahene abandu bamanyile akandakhol'le.” 15Olwomruchi yakahul'la, yenya okhwira Musa, nebutswa Musa yelukha ma natsia okhumenya musibala sia Midiani.
Litukhu elala olwa Musa yali niyekhaye hasitaho,#Ebikh. 7:29; Heb. 11:27 16abakhaana ba Yetsero omwesaalisi wa Midiani bane nabataru betsa okhutaha amaatsi nibaketsusia mumataramu akokhunywesisiamwo amakondi ka samwana nende tsimbusitsie. 17Nebutswa abaayi bandi bakhungania abakhaana ba Yetsero. Kho Musa yatsia okhubahabina ma nabanywesisia amakondi kabwe nende tsimbusi. 18Olwa bakalukha khusamwana wabwe Yetsero, yabareeba mbu, “Busina mucheleye bwangu olwaleelo.”
19Abakhaana yabo nibamukalusia mbu, “Omumisiri yali okhukhuhabina okhurula khubaayi khandi yali okhukhutayila amaatsi khandi nanywesia esiayo siefwe.”
20Yetsero nabareeba mbu, “Omumisiri tsana ali hena? Busina m'mulekhele esioba? Tsie mumulange yetse khulie n'naye.”
21Kho Musa yahuchil'la okhumenya nende Yetsero ne Yetsero yamuhelesia omukhaanawe Sipora mbu amuteesie. 22Sipora niyebula omwana omusiani, ma Musa namukulikha Gerishoni; okhuba yaboola mumwoyo kukwe mbu “Ndi omucheni musibala sino.”
23Emihika eminji nichiahweye omuruchi we Misiri yamala afwe, nebutswa Abaisiraeli batsilil'la okhubinda mukhusalisibwa khwabwe ma nibalakaya mbu bakhonywe. Nyasaye yahulila okhulakaya khwabwe, 24khandi nahul'la okhubinda khwabwe ma niyetsul'la indakano yiye nende Aburahamu, Isaka, nende Yakobo.#Okhuch. 15:13-14 25Yalola obwa Abaisiraeli bali mubutinyu bwobusumba ma nababelel'la.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019