OKHURULA 1
1
Okhusandibwa khwa Baisiraeli Emisiri
1Kano namera kabaana ba Yakobo abali okhutsia n'naye Emisiri. Siamulala nende abeinzu yiye bali,#Okhuch. 46:8-27 2Rubeni, Simioni, Lawi, Yuda, 3Isakari, Sabuloni, Benjameni, 4Dani, Nafutali, Gadi nende Asheri. 5Ne abandu bosi abolwibulo lwa Yakobo bali abandu amakhumi kane nakataru. 6Ma olunyuma, Yosefu, nabaana babwe nende olwibulo yilwo nibafwa, 7nebutswa abetsukhulu babwe Abaisiraeli bebulana okhusila ma nibenjiha, nibaba abetsingufu khandi nibasilana musibala sie Misiri.#Ebikh. 7:17
8Kho omuruchi omucheni oraali niyamanyakhwo Yosefu nachaaka okhwamiha Emisiri.#Ebikh. 7:18 9Kho yabool'la abandu baabe mbu, “Abaisiraeli yaba nabenji okhusila khandi bakhuyombel'langa netsingufu. 10Lihe niliakhabaho, bakhetsukhila nibabukila abasuku befwe khulwa okhukhulwana ma bamihe esibala siefwe. Okhwola khurune injila yokhubekal'la balekhe okhwinjila.”#Ebikh. 7:19 11Kho Abaisiraeli babara hasi wabasinjil'li bokhubahachia okhukhola emilimo emisiro khulwo okhubasandia. Abaisiraeli bombokhela omuruchi uyo amataala kokhubiikhamwo ebindu akalangwanga Pitsomu nende Ramase. 12Nebutswa oluhono lwa Abaamisiri basandinjia Abaisiraeli, nilwo olwa nabo bameetekhanga okhwinjiha nende okhulanda musibala yimwo. Ma Abaamisiri nibatang'a khulwa Baisiraeli. 13Kho bahachia abandu ba Isiraeli okhukhola emilimo emitinyu sila tsimbabasi, 14nibara obulamu bwabwe mubutinyu khulwo khukhola emilimo emitinyu mukhusienya litoyi nende okhulonga amatifwali nende emilimo chindi chiosi echiomumukunda. Mumilimo chiabwe chiosi Abaamisiri babahachia okhutiya butinyu sila tsimbabasi.
15Kho omuruchi we Misiri nal'loma khu Shifira nende Pua abakhasi babili abakhonyel'langa abakhasi Baheburania okhwibula. 16Nababool'la mbu, “Olwa mwibusianga abakhasi Baheburania namwire omwana naba nali omusiani, nebutswa nali omukhaana muramwira tawe.” 17Nebutswa abakhasi bokhwibusia yabo bali abaria Nyasaye, kho sibakhola akomuruchi yababool'la tawe; musilenje yisio sibayira abasiani tawe. 18Kho omuruchi yalanga abakhasi yabo nabareeba mbu, “Mukholanga mbwo busina? Esichilanga nimureera abasiani nisina?”
19Abakhasi yabo nibakalusia mbu, “Abakhasi Abaheburania sibali singa abakhasi Bamisiri tawe. Bebulanga munjila indoro, ne abaana babwe bebulwanga kata mulala khu ifwe nasili okhwolaho.” 20-21Ne sichila abakhasi abebusianga yabo bali nibaria Nyasaye, yabakhol'la aketsimbabasi ma nabahelesia tsinyumba tsiabwe abene. Ne Abaisiraeli bameetekha okhwinjiha ma nibaba abetsingufu. 22Ma olwokhumal'likha omuruchi yamala nahaana lilako khubandube bosi: “Mubukule omwana omusiani wosi Omuheburania owibuywe mumufuube mumuchela kwa Naili, nebutswa mureera abaana abakhaana tawe.”#Ebikh. 7:19
Àwon tá yàn lọ́wọ́lọ́wọ́ báyìí:
OKHURULA 1: EBAIBO
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
OKHURULA 1
1
Okhusandibwa khwa Baisiraeli Emisiri
1Kano namera kabaana ba Yakobo abali okhutsia n'naye Emisiri. Siamulala nende abeinzu yiye bali,#Okhuch. 46:8-27 2Rubeni, Simioni, Lawi, Yuda, 3Isakari, Sabuloni, Benjameni, 4Dani, Nafutali, Gadi nende Asheri. 5Ne abandu bosi abolwibulo lwa Yakobo bali abandu amakhumi kane nakataru. 6Ma olunyuma, Yosefu, nabaana babwe nende olwibulo yilwo nibafwa, 7nebutswa abetsukhulu babwe Abaisiraeli bebulana okhusila ma nibenjiha, nibaba abetsingufu khandi nibasilana musibala sie Misiri.#Ebikh. 7:17
8Kho omuruchi omucheni oraali niyamanyakhwo Yosefu nachaaka okhwamiha Emisiri.#Ebikh. 7:18 9Kho yabool'la abandu baabe mbu, “Abaisiraeli yaba nabenji okhusila khandi bakhuyombel'langa netsingufu. 10Lihe niliakhabaho, bakhetsukhila nibabukila abasuku befwe khulwa okhukhulwana ma bamihe esibala siefwe. Okhwola khurune injila yokhubekal'la balekhe okhwinjila.”#Ebikh. 7:19 11Kho Abaisiraeli babara hasi wabasinjil'li bokhubahachia okhukhola emilimo emisiro khulwo okhubasandia. Abaisiraeli bombokhela omuruchi uyo amataala kokhubiikhamwo ebindu akalangwanga Pitsomu nende Ramase. 12Nebutswa oluhono lwa Abaamisiri basandinjia Abaisiraeli, nilwo olwa nabo bameetekhanga okhwinjiha nende okhulanda musibala yimwo. Ma Abaamisiri nibatang'a khulwa Baisiraeli. 13Kho bahachia abandu ba Isiraeli okhukhola emilimo emitinyu sila tsimbabasi, 14nibara obulamu bwabwe mubutinyu khulwo khukhola emilimo emitinyu mukhusienya litoyi nende okhulonga amatifwali nende emilimo chindi chiosi echiomumukunda. Mumilimo chiabwe chiosi Abaamisiri babahachia okhutiya butinyu sila tsimbabasi.
15Kho omuruchi we Misiri nal'loma khu Shifira nende Pua abakhasi babili abakhonyel'langa abakhasi Baheburania okhwibula. 16Nababool'la mbu, “Olwa mwibusianga abakhasi Baheburania namwire omwana naba nali omusiani, nebutswa nali omukhaana muramwira tawe.” 17Nebutswa abakhasi bokhwibusia yabo bali abaria Nyasaye, kho sibakhola akomuruchi yababool'la tawe; musilenje yisio sibayira abasiani tawe. 18Kho omuruchi yalanga abakhasi yabo nabareeba mbu, “Mukholanga mbwo busina? Esichilanga nimureera abasiani nisina?”
19Abakhasi yabo nibakalusia mbu, “Abakhasi Abaheburania sibali singa abakhasi Bamisiri tawe. Bebulanga munjila indoro, ne abaana babwe bebulwanga kata mulala khu ifwe nasili okhwolaho.” 20-21Ne sichila abakhasi abebusianga yabo bali nibaria Nyasaye, yabakhol'la aketsimbabasi ma nabahelesia tsinyumba tsiabwe abene. Ne Abaisiraeli bameetekha okhwinjiha ma nibaba abetsingufu. 22Ma olwokhumal'likha omuruchi yamala nahaana lilako khubandube bosi: “Mubukule omwana omusiani wosi Omuheburania owibuywe mumufuube mumuchela kwa Naili, nebutswa mureera abaana abakhaana tawe.”#Ebikh. 7:19
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019