जकर्याह 14
14
परमेसवर का दिन
1सुणो, यहोवा का एक इसा न्याय का दिन आणआळा सै#14:1 यहोवा का एक इसा न्याय का दिन आणआळा सै जिस दिन वो खुद न्यायी होगा अर वो माणस नै परमेसवर की इच्छा नै छोड़ कर अपणी इच्छा पूर्ति कै खात्तर न्ही रहण देवैगा फेर उसकी महिमा, पवित्रता फेर उसके राह की धर्म-निष्ठा प्रगट होवैगी। जिस म्ह यरुशलेम का धन लूट कै तेरे बिचाळै बाँट लिया जावैगा। 2क्यूँके मै सब जात्तां नै यरुशलेम तै लड़ण कै खात्तर कठ्ठा करुँगा, अर वो नगर ले लिया जावैगा। अर घर लूटे जावैंगे अर जनानियाँ भ्रष्ट करी जावैंगी; नगर के आध्धे माणस गुलाम्मी म्ह जावैंगे, लेकिन प्रजा के बाकी माणस नगर म्ह ए रहण पावैगें। 3फेर यहोवा लिकड़कै उन जात्तां तै इसा लड़ैगा जिसा वो पिछले बखत म्ह संग्राम कै दिन म्ह लड्या था। 4अर उस दिन वो जैतून के पहाड़ पै पैर धरैगा, जो पूर्व की और यरुशलेम कै स्याम्ही सै; फेर जैतून का पहाड़ पूरब तै लेकै पश्चिम ताहीं बीचों बीच तै पाटकै घणा बड़ा खड्डा हो जावैगा; फेर आध्धा पहाड़ उत्तर की और अर आध्धा दक्षिण की और हट जावैगा। 5फेर थम मेरी बणाई होई उस तराई तै होकै भाग जाओगे, क्यूँके वो खड्डा आसेल ताहीं पोंहचैगा, बलके थम इसे भाज्जोगे जिसे उस भूकम्प#14:5 यहूदा म्ह राजा उज्जियाह के दिनां म्ह एक बड़ा भूकम्प आया था अर उसनै 781 ईसा पूर्व तै 740 ईसा पूर्व ताहीं राज करया। इसकै बारे म्ह आमोस. 1:1 अर यशा. 6:4 म्ह दिया गया सै। के डर तै भाजे थे जो यहूदा के राजा उज्जियाह के दिनां म्ह होया था। फेर मेरा परमेसवर यहोवा आवैगा, अर सारे पवित्र माणस उसकै गैल होवैंगे।#14:5 मत्ती 24:30-31; 1 थिस्स. 3:13; यहूदा. 1:14
6उस दिन कुछ उजियाळा ना रहवैगा#14:6 उस दिन कुछ उजियाळा ना रहवैगा यो और भी घणा न्याय के दिन का बखान सै परमेसवर जो खुद प्रकाशमान सै उसके धोरै धरती की रोशनी फीक्की पड़ जावैगी।, क्यूँके ज्योतिगण सिमट जावैंगे। 7अर लगातार एके दिन होवैगा जिसनै यहोवा ए जाणै सै, ना तो दिन होगा, अर ना रात होवैगी, लेकिन साँझ के बखत उजियाळा होगा।#14:7 प्रका. 21:23; 22:5
8उस दिन यरुशलेम तै जीवन का पाणी फूट लिकड़ैगा उसका एक हिस्सा पूरब के ताल अर दूसरा पश्चिम के समुन्दर की और बहवैगा, अर धूप के दिनां म्ह अर सर्दी के दिनां म्ह भी बराबर बैहन्दा रहवैगा।#14:8 यहे. 47:1; प्रका. 22:1,17
9फेर यहोवा सारी धरती का राजा होवैगा; अर उस दिन एके यहोवा अर उसका नाम भी एके मान्या जावैगा।#14:9 प्रका. 11:15
10गेबा नगर तै लेकै यरुशलेम के दक्षिण की और के रिम्मोन नगर ताहीं सारी धरती अराबा की तरियां हो जावैगी। लेकिन वो ऊँच्ची होकै बिन्यामीन के फाटक तै लेकै पैहले फाटक की जगहां ताहीं, अर कुण्यां आळे फाटक ताहीं, अर हननेल के गुम्मट तै लेकै राजा के दाखरस कुण्डा ताहीं अपणी जगहां म्ह बसैगी। 11माणस उस म्ह बसैंगे क्यूँके फेर सत्यानाश का श्राप ना होवैगा; अर यरुशलेम बेधड़क बसी रहवैगी।#14:11 प्रका. 14:11 12अर जितनी जात्तां नै यरुशलेम तै युद्ध करया सै उन सारया नै यहोवा इसी मार तै मारैगा, के खड़े-खड़े उनका माँस सड़ जावैगा, अर उनकी आँख अपणे गोलकां म्ह सड़ जावैंगी, अर उनकी जीभ उनके मुँह म्ह सड़ जावैगी। 13अर उस दिन यहोवा की और तै उन म्ह बड़ी घबराहट बेठ्ठैगी, अर वे एक दुसरे के हाथ नै पकड़ैगें, अर एक दुसरे पै अपणे-अपणे हाथ ठावैंगे। 14यहूदा भी यरुशलेम म्ह लड़ैगा, अर सोन्ना, चाँदी, कपड़े वगैराह च्यांरु और की सारी जात्तां की जायदाद उस म्ह बटोळी जावैगी। 15अर घोड़े, खच्चर, ऊँट अर गधे बलके जितने पशु उनकी छावनियाँ म्ह होवैंगे वे भी इसे महामारी तै मारे जावैंगे।
राष्ट्रों के राजा की आराधना करणा
16फेर जितने माणस यरुशलेम पै चढ़ण आळी सारी जातियाँ म्ह तै बचे रहवैंगे, वे हर साल राजा नै यानिके सेनाओं के यहोवा नै दण्डवत करण, अर झोपड़ियां का त्यौहार मनाण कै खात्तर यरुशलेम नै जाया करैंगे। 17अर धरती के कुलां म्ह तै जो माणस यरुशलेम म्ह राजा, यानिके सेनाओं के यहोवा नै दण्डवत करण कै खात्तर ना जावैंगे, उनके ओड़ै बारिस न्ही होवैगी#14:17 उनके ओड़ै बारिस न्ही होवैगी बारिस परमेसवर की सांसारिक आशीष म्ह सबतै महत्त्वपूर्ण मान्नी जावै थी जो माणसां के सांसारिक कल्याण कै खात्तर होवै थी।। 18अर जै मिस्र का कुल ओड़ै ना आवै, तो के उनपै वो मरी ना पड़ैगी जिसतै यहोवा उन जातियाँ नै मारैगा जो झोपड़ियां का त्यौहार मनाण कै खात्तर ना जावैंगे?
19यो मिस्र का अर उन सारी जातियाँ का पाप ठहरैगा, जो झोपड़ियां का त्यौहार मनाण कै खात्तर न्ही जावैंगे। 20उस बखत घोड़यां की घंटियाँ पै भी यो लिख्या रहवैगा, “यहोवा कै खात्तर पवित्र।” अर यहोवा के भवन की हाण्डी उन कटोरयां कै लायक पवित्र ठहरैगी, जो वेदी कै स्याम्ही रहवैं सैं। 21बलके यरुशलेम म्ह अर यहूदा देश म्ह सारी खाणा बणाण आळी हाण्डी सेनाओं के यहोवा कै खात्तर पवित्र ठहरैगी, अर सारे मेलबलि करण आळे आ आकै उन हाँड़ियाँ म्ह माँस पकाया करैंगे। फेर सेनाओं के यहोवा के भवन म्ह फेर कनानी व्यापारी ना पाया जावैगा।
Àwon tá yàn lọ́wọ́lọ́wọ́ báyìí:
जकर्याह 14: BGC
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.