Ahẹ Ụgama 70
70
Aduwa oyi sì ọgụvọ
(Ahẹ 40.13-17)
(Ahẹ Idevidi ana yà ịnị ụvọ ọga ọjahẹ. Ahẹ ana a sị tamayị ịrẹyị)
1Ohomorihi, aarịhịnị navọ wa va dọ mị tụ́.
Navọ we jintu va gụ mị ụvọ, Ẹnẹyịmavara.
2Navọ wa va mẹ̀ ụhị nyị aza ene ee sì ka ẹnị ẹ̀ dọ mị ụhwẹ.
Navọ asị ẹnịnị kụkụ yẹ ịsị ẹ yaa mẹ.
3Navọ aza ana aa jẹ ka mba, ịrẹyị ô tù mị ẹ̀ va hyẹdụ dị ụhị ọ̀ nyị wa.
4Ohomorihi, navọ avaba aza ana ka wụ vẹ ẹ̀ va nyị ịnẹ ohine, dị ẹ̀ẹ jẹ.
Aza ana aa jẹ ka ụụ̄ dọ ọzaa ha ẹ̀ vaa kà a pooro ka Ẹnẹyịmavara ộ nyị ụbanyị.
5Ịzẹyịza onosiye mị vị nị, ẹ yị nyị ịsị mị nyị.
Ohomorihi, navọ we jintu va gụ mị ụvọ.
Ẹnẹyịmavara, ẹwaa dọ mịị tụ́ nị,
navọ wa wụsẹ va ba mi owu.
Àwon tá yàn lọ́wọ́lọ́wọ́ báyìí:
Ahẹ Ụgama 70: EBTP
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Ebira First Bible © Bible Society of Nigeria, 2014.