Ahẹ Ụgama 67
67
Ahẹ ana a sị kụ́ avọ
(Ahẹ ana yà ịnị ụvọ ọga ọjahẹ; ahẹ ene eē hú agidibò tụ́).
1Ohomorihi ọ̀ navọ ọ̀ vayị ayị, dị ọ̀ mẹ ka ò zee yi.
Mị ka ọ̀ navọ kwogwo ọ̀ mẹ ka ò zee yi.
2Ohomorihi, wàa vavọọ mẹ, aza vaa yẹ ịsa ọnị ụụ̄ mẹ,
avaba anẹhẹ vaa yẹ ka ẹwaā dọ ọzaa há nị.
3Ohomorihi, navọ ahịka vị avaba aza va aa kụ́ wụ avọ nị,
mị ka à kà ka avaba aza ẹ̀ẹ kụ́ wụ avọ.
4Navọ kwogwo wa mẹ ka anẹhẹ ẹ̀ẹ jẹ dị ẹ̀ẹ jị ahẹ.
Ịzẹyịza ẹwụ aa sịị mẹ̀ ọkarẹyị aza nị.
Ẹwụ aa sị oze zụ̀ anẹhẹ nị.
5Ohomorihi, navọ ahịka vị avaba aza va aa kụ́ wụ avọ nị.
Mị ka à kà ka avaba aza ẹ̀ẹ kụ́ wụ avọ.
6Ịsa ịnị aarẹ ệ mẹ ẹtẹẹtẹrẹ.
Ohomorihi, ẹwụ ana vị Ohomorihi ayị, wa raà mẹ ka ò zee yị.
7Mị ka Ohomorihi ọ raà mẹ ka ò zee yi.
 vọrọ ka avaba anẹhẹ saka-saka ẹ̀ sị ụbanyị yọ.
Àwon tá yàn lọ́wọ́lọ́wọ́ báyìí:
Ahẹ Ụgama 67: EBTP
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Ebira First Bible © Bible Society of Nigeria, 2014.