Ahẹ Ụgama 61
61
Ọza ana mẹ̀ aduwa ka Ohomorihi ò sere ọnị
(Ahẹ Idevidi oni o hú agidibò tụ́, ana yà ịnị ụvọ ọga ọjahẹ).
1Ohomorihi, navọ kwogwo wa ba mi owu, dị wa wụ́ aduwa amị.
2Wéē re ka mẹ yị gụrị eehi vụrụ-vụrụ ịzị mị yà aa hị́ wụ aanị
Ọ kụ́ mị tụ́, ộ ta du mi eyi
Navọ we sì aha sị mị tẹ dị asị a nyị ịsị ẹ zụ mẹ mị.
3Ohomorihi, ẹwụ ee sere mị ka asị a nyị ịsị ẹ mẹ̀ mị, nọ
Wẹ yị zẹẹ vụrụ-vụrụ ka ọnịvị ò re oze kanyị mị.
4À kà ka ini eehi awụ mị yà pooro ịnị ẹhẹ amị nị, di me re aha vaka tụ́ ịda awụ.
5Ohomorihi wâ wụ́ ịsị mị ka mị vaa mẹẹ wụ
Aza ana àa sị ụbanyị wụ â nyị ịsị u sịị̄ yị wa
wa raà sị ịsa ọnọọ mị.
6Navọ kwogwo wa mẹ ka ohinọyị ò kú orubo ọcha, ò kú orubo ẹya.
7Ohomorihi, navọ kwogwo ohinọyị ọ̀ maanị yị yà eyi awụ dị ọọ mẹ ohinọyị pooro
Navọ we sere e anka u mè sii sì ịrẹyị ọza, dị ụ rẹ nyị ịzẹyịza.
8Wàa maanị mẹ, dị maa jị ahẹ kụ́ wụ avọ pooro
Ịsị mị ka maa mẹẹ wụ, dị mị vavọọ aa mẹ̀ ẹ wụ eyinị-eyinị.
Àwon tá yàn lọ́wọ́lọ́wọ́ báyìí:
Ahẹ Ụgama 61: EBTP
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Ebira First Bible © Bible Society of Nigeria, 2014.