Ahẹ Ụgama 47
47
Ohomorihi ọ vị ohinọyị ẹhẹ nị
(Ahẹ ezi Ikora ana yà ịnị ụvọ ọga ọjahẹ)
1Avaba ẹwụ nịnị anẹhẹ, waa kụ̀rà ụvọ, dị ịnẹ awụ nịnị òo hine
dị waa jị ahẹ gama Ohomorihi nịnị baaba.
2Â nyị ka ọza òo hí angwa Ẹnẹyịmavara ana nẹba hu keekere
Ọnị ọ vị ohinọyị ọbanyị ana nyị avaba ẹhẹ nị.
3Ọ raà mẹ ka ya nyị ẹbẹẹba anẹkụra ana vọ
mị ka ẹyị ọ mẹ ka ò huna avaba anẹkụra nị.
4Ohomorihi ọ nyị ẹtẹ ayịị yị nị
Ẹtẹ ọnọọ vị ọnị ọ sị yị aza anị oni o sì ịrẹyị anị
Aza anị ê sì ịrẹyị ẹtẹ ọnọọ ẹtẹẹtẹrẹ.
5Ohomorihi o si hu aa vàa hịrẹ
ọ màa na, dị aza ee nowu, di e yee hú ọpanyị, dị ẹ yaa jẹ ịrajẹ nị.
6Waā jị ahẹ dị wa sịị kụ́ Ohomorihi avọ nịnị
mị ka waa jị ahẹ kụ́ ohinọyị ayị
wa vavọọ jị ahẹ kụ́ ọ nịnị.
7Ohomorihi ọ vị ohinọyị avaba anẹhẹ nị
waā jị ahẹ dị wa sịị kụ́ ọ nịnị.
8Ohomorihi ọ raà rị ohinọyị tụ́ ịrẹsụ avaba anẹhẹ
Ọ yaayịtẹ aha ohinọyị anị.
9Ohinọyị anẹkụra nịnị ẹ raà kụ́ gụ na vaka aza Ohomorihi Abụrahamị
Ohomorihi ộ nyị ụkata hu avaba aza ana kụ́ gụ
ọnị ọ nyị ụbanyị hu keekere nị.
Àwon tá yàn lọ́wọ́lọ́wọ́ báyìí:
Ahẹ Ụgama 47: EBTP
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Ebira First Bible © Bible Society of Nigeria, 2014.