Ahẹ Ụgama 43
43
1Ohomorihi navọ wa sị zụ̀ ka mẹ yị rị ịvị
Navọ wa dọ irenu amị kụ́ agụvị ka aza edivi ẹ sị dà pè mi
Navọ wa dọ mị tụ́ hụụnị ụvọ aza edivi ẹnẹẹ ene ee cheeche.
2Ẹwa vị Ohomorihi amị nị
ịda awụ mi zwe va vaka ka asị a nyị ịsị ẹ zụ kanyị mị nị
Vi u wéé reè hi ayị amị nị?
Ụ wáá ka ọnịvị amị ẹ̀ maanị mịị mẹ ẹchakaa mi di mee su ùnèe zị nị?
3Navọ ahịka ẹtohweyi ọnịrị ịzẹyịza awụ aa zụ̀ mị oze nị
Navọ ahịka ẹnị mị sị aa nọ ịnị ataba awụ ọnị ụ yà nị.
4Màa vavọọ nyị ẹtohweyi ọnịrị ịzẹyịza awụ,
mê re oze aa nọ aha ịsọvọ awụ haara
Dị ma vavọọ aa nọ ịda ẹwụ Ohomorihi amị ana aā mẹ ka maa jẹ ịrajẹ, dị ịnẹ amị òo hine
Dị mị sị agidibò dị maa sịị jị ahẹ kụ́ wụ avọ
Ohomorihi, ẹwa vị Ohomorihi amị nọ!
5hyakụ vọrọ ka ma maanị và ẹngụ hi di mee du ayị
Maa sị ayị amị tụra Ohomorihi
mâ yẹ ka mị rẹ vanaa kụ́ ọ avọ
Ọnị ọ vị Ohomorihi amị ana aā dọ mịị tụ́ nị.
Àwon tá yàn lọ́wọ́lọ́wọ́ báyìí:
Ahẹ Ụgama 43: EBTP
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Ebira First Bible © Bible Society of Nigeria, 2014.