Xo̱jo̱n Salmoo̱ 53
53
Xota̱ xi ndajiín tsꞌenchꞌó Néná
Só xi katsꞌénda Ndabii̱.
1Xota̱ xi kitikjo̱a̱a̱ bi̱ tsó ngi̱jin ini̱ma̱a̱: Jmí Nénájín.
Xota̱ xi je jatson boá, kó ni xi ndajín boá xi tsꞌén,
nde ngojín xi ni xi nda tsꞌén.
2Néná, ndeskande nkꞌajmii̱, kotsijee̱n xota̱ nga̱sondiee̱,
tsi̱ꞌe̱ nga sku̱i̱e̱ tsi tjín xí ka̱makjiín,
ko̱jo tsi tjín xí mejeén ko̱ngase Néná.
3Ta̱nga ngayeje xotaa̱ nga je katsꞌénkjii̱n yojoo̱ Néná,
ngayeje xotaa̱ nga je jatson,
jmíjín xi tsꞌén ni xi ndaa̱, nde ngojín.
4Kui xota̱ xi ndyi̱tsꞌèn ni xi ꞌniú ndajiín,
a bejín nga xota̱ na̱xi̱ńdána ndyi̱kjiniejon xikó maá tsi pan xi ndyi̱kjinie,
kó a bejín nga jmí Néná xí tsꞌénkáxoma.
5Achichí katsakjónní ki̱a̱ nínga jmí nijín xi ka̱ma ko̱nda̱konní,
ngatꞌa̱ Néná boá xi atítsojoboa ńdaa̱ xota̱ xi kjo̱a̱xchán sa̱ꞌínjoo̱ ji.
Jí boá xi katseꞌée̱ kjo̱a̱soboá, ngatꞌa̱ Néná boá xi katsꞌénchꞌó.
6¡ꞌYá xí ka̱maa̱ tsi sa̱ngíyá ndeskande ki̱a̱ tji̱ngi̱ Sioo̱n,
xi kꞌo̱xiéꞌá na̱xi̱ńdá Israee̱l katsaki!
Kjiꞌanga Néná sa̱ꞌínkjindibáꞌóyá nginí xota̱ na̱xi̱ńdaá ngije kamándé.
¡Tsjangatamaa̱ xota̱ tji̱e̱e̱ Jakoo̱b, tsjangatꞌieé xota̱ Israee̱l!
Àwon tá yàn lọ́wọ́lọ́wọ́ báyìí:
Xo̱jo̱n Salmoo̱ 53: MAIX
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014