Xo̱jo̱n Salmoo̱ 43
43
1¡Ti̱ꞌin ji nga kixi̱ si̱ꞌansenna Ji Ne, kó ꞌna̱xiéꞌéní!
ꞌNa̱xiéꞌéní ngi̱ya tsja xota̱ xi bejiín Ji,
ko̱jo kjo̱a̱a̱ xota̱ xi ꞌniú ndajiín, ko̱jo xi ꞌboṉcha̱a̱.
2Ngatꞌa̱ jí boá xi Ne xi tsjangaꞌniúna.
Ánní nga kiniꞌínchꞌíní.
Míkjo̱a̱a̱ nga ndasen tikón an,
kjo̱a̱a̱ nga kondra̱na kjo̱a̱ni̱ma̱ tjítsꞌénkꞌátiona.
3Nangíyé Ji ndiꞌíi̱ xí tsꞌentsíjee̱n ko̱jo kjo̱a̱kixi̱i̱,
ngatꞌa̱ kuí boá xi ko̱kóna ndi̱yà,
kó kuí boá kjo̱jona ki̱a̱ na̱xi̱ ndikóo̱n,
ko̱jo ki̱a̱ ngi̱ndie nínga tindyin Ji.
4Kósꞌe̱ kꞌosꞌi̱e̱n an nínga tikón ṉchaa̱n Néná,
kui Néná xí kjo̱a̱tsjana, ko̱jo kjo̱a̱mojnóna.
Kó ki̱a̱ boá nínga sa̱ꞌintsjaà nga sa̱ꞌinkjièn án soó arpaa̱,
ngatꞌa̱ Jí boá xi Néna Ji, Ne tsa̱ꞌa̱n.
5Míkjo̱a̱a̱ nga ngiti̱ kjimaꞌniútakínjín ji ndí ini̱ma̱.
Míkjo̱a̱a̱ nga achichí ni xi kjimaa̱ ngi̱jin yojona.
Chiyéràa̱ Néná, ngatꞌa̱ to̱kó sa̱ꞌintsjáñáa̱.
¡Néná boá xí ꞌboxiéꞌána, kó kuí boá xi Ne xi tsa̱ꞌa̱n!
Àwon tá yàn lọ́wọ́lọ́wọ́ báyìí:
Xo̱jo̱n Salmoo̱ 43: MAIX
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014