Xo̱jo̱n Salmoo̱ 138
138
Achichí ndaxota̱ Néná
Só xi katsꞌénda Ndabii̱.
1Ji Ne, ndokꞌóchjì tsjaa ngayejeni ini̱ma̱na,
Ngindyi̱ko̱n ne xi ngasee̱ mejénna nga Ji xi siee salmo̱.
2Mejénna kosien an tikóna xtji̱e̱e̱n nínga tikón Ndiꞌandikóo̱n,
kó tsjaa ndokꞌóchjì kjo̱a̱a̱ Jaꞌée̱n, ko̱jo kjo̱a̱a̱ kjo̱a̱ni̱ma̱takóo̱n,
ko̱jo kjo̱a̱a̱ kjo̱a̱ꞌniátakóo̱n, ngatꞌa̱ ée̱n ko̱jo Jaꞌée̱n katseꞌée̱ kjo̱a̱je,
nga kui xi nkꞌa ngase kꞌuíndo kjo̱a̱a̱ ngayeje nii̱.
3Ni̱xtjin nga Ji tsíchji̱a̱a̱, kiniꞌínsénní,
kó katseꞌé nginíi̱ ngaꞌniú ini̱ma̱na.
4Ngayeje já ree̱ kui nga̱sondiee̱ xi ngatsꞌèntsjaà Ji Ne,
kjiꞌanga ku̱i̱ntꞌiè én xí ndokjo̱e̱ Ji.
5Nga sie kjo̱a̱a̱ ndi̱yà xí tsi̱ꞌe̱ Néná:
¡Achichí je kjo̱a̱je xi tjiín Néná!
6Kó ndatsi achichí kjo̱a̱je xi tjiín Néná, ti̱ kuí xí tsꞌènsénnii̱ xota̱ xi ni̱ma̱kjo̱a̱a̱,
ta̱nga xota̱ xi nkꞌakoo̱n ta̱ kjin tsí kotsijennii̱.
7Kó nda tsi ngamasiee̱n ni xi nda̱ kjimana tikónjin an,
Jí boá xi si̱ꞌinkꞌiñí nginíní.
Kjuíntie Ji ndse̱ kje̱n kondra̱na xi ndyi̱tsꞌénxchaán,
kó ndse̱ kixi̱i̱ boá xi kꞌo̱xiéꞌána.
8Néná sa̱ꞌínkjatjosón ni xi je tjíndaa̱ nganda tsa̱ꞌa̱n.
¡Ji Ne, kjo̱a̱ni̱ma̱takóo̱n ngatsjéni̱xtjin nga tikón,
ngata̱ ꞌbíjñímasínjín Ji ni xi je katsꞌénda ndse̱!
Àwon tá yàn lọ́wọ́lọ́wọ́ báyìí:
Xo̱jo̱n Salmoo̱ 138: MAIX
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014