Xo̱jo̱n Salmoo̱ 124
124
Néná ngatsjéni̱xtjin nga bosikójojne̱
1Tsi Nénájín xi kisꞌijñajo̱jne̱,
bi̱ nga tsó ngotꞌe̱ ꞌne̱, xota̱ Israee̱l:
2Tsi Nénájín xi kisꞌijñajo̱jne̱,
kjiꞌanga ngayeje xota̱ nga̱sondiee̱ askjanjo̱jne̱,
3katjénjén tikónra̱jne̱, kjiꞌanga achichí ꞌniú katsꞌénxchánjo̱jne̱.
4Kamáraa̱ kijíjo̱tjiboajne̱ xikoó ndáfoaa̱ ngo ndejèꞌ,
kó ngaskande kjásenrajne̱ jachó ngaꞌniuú tsobo̱a̱,
5kó kui ndáfoa xi ꞌniú tsꞌénmongaa̱,
kamáraa̱ jaꞌanié ini̱ma̱jne̱ nga katsꞌénkꞌién ngándájne̱.
6¡Ngatamachikonñé Néná, ngatꞌa̱ Kuí boá xi katsjandièjín,
nga kui xota̱ xi ꞌniú ndajiín katsꞌénxi̱jne̱ nga iskjiniejne̱ katsaki!
7Xikó maá ngo ni̱sie xi jatjongii̱ yojoo̱, ki̱a̱ chja̱ya̱a̱ nda̱ xi tsoboaá,
bo̱a̱ má tsꞌén jatjongi ini̱ma̱jne̱.
¡Kamáxi̱ kui chja̱ya̱a̱, kó jatjongijne̱ yojojne̱!
8Kjo̱a̱bosíko̱jojne̱, Jaꞌeén Néná boá nínga ndibání,
Kui xi katsꞌénda nkꞌa jàn ko̱jo nga̱sondiee̱.
Àwon tá yàn lọ́wọ́lọ́wọ́ báyìí:
Xo̱jo̱n Salmoo̱ 124: MAIX
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014