Xo̱jo̱n Salmoo̱ 110
110
Néná tsjaá ngaꞌniú ree̱
Só xi katsꞌénda Ndabii̱.
1Néná bi̱ katsoó Ndi̱a̱na:
Kꞌi̱e̱ ti̱ndyintꞌení nínga kixi̱i̱, ngi̱ndie nínga botixoma An,
ngaskande kꞌuindo An ngindie ndsa̱ki ji kondra̱a̱.
2Néná ndeskande kꞌi̱e̱ na̱xi̱ńdáꞌniú Sioo̱n sa̱ngíyànii̱ ki̱cha̱ xi ko̱ti̱xomeni Ji,
tsi̱ꞌe̱ nga ko̱ti̱xome ji ngamasiee̱n xota̱ xi kondra̱a̱.
3Ni̱xtjii̱n ngaꞌniúu̱, xota̱ na̱xi̱ńdáa̱ ngayejeni kon nga ji sa̱ꞌínxátꞌaa̱,
ki̱a̱ kjo̱a̱tsjakjiꞌii̱ kjo̱a̱tsjiee̱,
ki̱a̱ nga̱són na̱xi̱ ndikoón, kó ndeskande nga kjo̱tjo tsꞌueé,
ka̱makjindiyà nginí ji xikoó xoñoo̱.
4Néná jè katsjá tsꞌoa, kó ko̱síkjojín ni xi je tsíchji̱a̱ nga bi̱ katsó:
Jí boá xi chináꞌmi Ji ngatsjéni̱xtjin,
xikoó xá chináꞌmi xi tsíchji̱a̱ni Melkisendee̱k.
5Ndi̱a̱a̱ ki̱a̱ tikón xtji̱e̱e̱n nga fojníi̱,
kó sa̱ꞌínkjiékjo̱a̱ já ree̱, kjiꞌanga ko̱kó kjo̱a̱xcha̱án.
6Ki̱a̱ ko̱tíjé ngi̱jii̱n na̱xi̱ńdaá, kó ku̱i̱ꞌíkitsie maá xota̱ xi je jesón,
ko̱kján to̱ko̱ xotaa̱, ki̱a̱ ngo tꞌanangi xi tiyá.
7Xo̱ngàndántꞌié xi tikón tꞌa ndi̱ya̱à, ki̱a̱ kꞌuíní ndáfoa,
kó bo̱a̱ tsꞌén nga ka̱ma skjinínkꞌá nginí to̱ko̱ nga sa̱kó ngaꞌniú nginií.
Àwon tá yàn lọ́wọ́lọ́wọ́ báyìí:
Xo̱jo̱n Salmoo̱ 110: MAIX
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014