Mariko 9

1Yesu yababoolera ati, “Mubwadyeeri mbaboolera endi, aliwo abaandu baandi hu beemere ano, abacha ohubona obwaami bwa Nasaae nibwiichire neende obunyala, nibatoola ohufwa.”

Ohukaluuhanisibwa hw'efwaani ya Yesu

(Mat 17:1-13; Luk 9:28-36)

2 # 2 Pet 1:17,18. Luunyuma lw'endaalo chisaasaba, Yesu yabukula Petero neende Yakobbo neende Yowaana, yaabayira hu lugulu luleeyi boong'ene; yakaluuhanisibwa nibabona, 3ebyefwaalo byae byaang'enaang'ena, neende obwarachaari bumilamilana muno, ohuhira bi silabya syosi siri hu syaalo syahanyala ohulabya. 4Abweene ao waboneherao Elija alala neende Musa; nibali ohulomaloma neende Yesu. 5Petero yeemao yaboobera Yesu ati, “Omwaami, #9:5 Oba ati, OmweekesaMu Luibburania mbwe, “Rabbi” silai muno efwe ohuba ano; leha efwe hwoombahe ebikaali bidatu, silala esyao, silala esya Musa, haandi silala esya Elija.” 6Petero yali awuungire n'ahayiiswe neende esyohuboola, olwohuba bali batiire muno. 7#Mat 3:17; Mrk 1:11; Luk 3:22. Esireesi syabafuuniha, mani ekono lyatulira mu sireesi omwo niliboola liti, “Wuno niye Omwaana waange muheerwa; #9:7 Oba Omwaana waange, “owaange” oba “oyo” Muheerwa mumuwulire.” 8Abweene ao nibachaaka ohwewuunja bulai, haba sibabonaho omuundu wuundi yeesi naali nabo ohutusaho Yesu yeeng'ene. 9Nibali mbwe hubeehirira aasi w'olugulu, Yesu yabalagira obutabooleraho omuundu yesi ebyo bi bali nibabweene, ohwoola lu Omwaana w'Omuundu aliba n'amalire ohusyuuha ohutula mu bafu. 10Mani babiiha esiindu esyo mu myooyo kyaabwe, nibeteebanaanga abeene ohumanya bi mboosi echo mbwe “Ohusyuuha ohutula mu bafu” cheekesa siina. 11#Mal 4:5; Mat 11:14. Nae bamuteeba bati, “Lwasiina, abeekesa b'Amalako baboola bati Elija niye ohoyere ohutaangira ohwiicha?” 12Nae Yesu yababoolera ati, “Elija niye otaangira ohwiicha atekehe ebiindu byoosi bibe koti lu bihoyere ohuba; nae ebyandiikwa bidiira hu Omwaana w'Omuundu byeekesa siina, biti mbwe ahoyere ohusaanda muno haandi ayirwe koti omusyuule? 13Nae ese mbaboolera endi Elija yamala ohwiicha, mani bamala ohumuhola syoosi sibadaha, koti sa lubyamulomalomaho mu byandiiko byoolerefu.”

Yesu awonia omusyaani oliho esihyeeno

(Mat 17:14-21; Luk 9:37-43a)

14Mani niboola eyiri abeeki, babona esidiiyiha sihoongo muno nisibebodoohaanie, mani abeekesa b'Amalako nibali ohuyiinganaanga nabo. 15Abweene ao abeeki nibabona Yesu, besiinduha muno, mani beeruha baachia yaali, baamuheesa. 16Nae Yesu yabateeba ati, “Siina syeene si muli ohuyiinganiraangaho nabo?” 17Nae mulala hu baandu bali mu sidiyiiha yamukobolamo ati, “Omweekesa, ndeetere omwaana waange yooli, olwohuba aliho esihyeeno sy'ohuwuumumala 18mani buli lu simuniina, simuubbaanga aasi; mani abira efiro muhanwa niyeesia ameeno mani amala abbaangalala. Sabire abeeki bao ohusiirusa nae sibanyalire.” 19Nae Yesu yabakobolamo ati, “Eee, eng'we oluse lutaamanyire Nasaae, njia ohuba naang'we ohwoola liina? Njia ohubeesimiirisa ohwoola liina? Mumundeetere ano.” 20Baleeta omusyaani oyo eyiri Yesu; nae esihyeeno esyo nisyabona Yesu, abweene-na-bweene ao syaniina omusyaani oyo, syaamususuucha, yaakwa aasi, yekalaangasa, n'abira efiro muhanwa. 21Yesu #9:21 Mu Lugiriki bati Oyo yateeba laatang'ene mwaana oyo ati, “Yahaba ati ohumala embaka siina?” Nae yaboola ati, “Ohutula mu budoto bwae. 22Buli siha simusukunaanga mu muliro neende mu maachi, siti simusihirise; mani niwahanyalaho ohuhola esiindu syoosi, tukwiire esisa otuhoonye.” 23Nae Yesu yamuboolera ati, “Mbwe niwahanyalaho! Ebiindu byoosi binyaliha eyiri oyo ofukiirira.” 24Abweene ao, laatang'ene mwaana oyo yaayula #9:24 yaayula: Ebyandiiko bihuluundu bihale biindi bimeedaho biti, ‘neende amasika amaangi.’ n'aboola ati, “Ese fukiirira; ewe ndehere hulw'ohutaba neende efukiirira hwaange ohwo!” 25Nae Yesu niyabona ati esidiiyiha syali sichaakire ohwiiruha nisyebuusa alala, yahabuhira esihyeeno esyo n'aboola ati, “Ewe esihyeeno sy'obudiimbe haandi esy'ohukwiisa esiru, hulagira endi, tula mu mwaana oyo, haandi otamukaluhaangamo ehabi liindi.” 26Mani nisyamala ohwaayula neende ohumususuucha bubi muno, syamutulamo, mani omusyaani oyo yaaba koti omulaambo kwafwa hale; mani abaandu bahira obuungi baaboola bati, “Amalire ohufwa.” 27Nae Yesu yamusesa n'amudiirire omuhono, mani yaasiingira yeema. 28Yesu niyali n'amalire ohwiingira mu nyuumba, abeeki bae bamuteeba nibali boong'ene bati, “Lwasiina efwe sihunyalire ohwiirusa esihyeeno esyo?” 29Nae Yesu yababoolera ati, “Esihyeeno sifwaana koti sino, sisinyala ohwiiruswa neende esiindu syoosi ohutusaho ohulaama hwoong'ene.” #9:29 ohulaama hwoong'ene: Ebyandiiko bihuluundu bihale biindi bimeedaho biti, ‘nae alala neende ohusiiba.’

Yesu haandi alomaloma hu hufwa hwae

(Mat 17:22-23; Luk 9:43b-45)

30Yesu neende abeeki bae batula ao, baahalakania mu Galilaaya. Yesu siyakanyaho omuundu yeesi amanye atyo; 31olwohuba yali niyeekesaanga abeeki bae n'ababoolera ati, “Omwaana w'Omuundu achia ohudiiswa mu mahono k'abaandu baandi, bamwiite; mani n'amalire ohwiitwa, oluunyuma lw'endaalo chidatu, achia ohusyuuha.” 32Nae abeeki bae sibanyala ohumanya enomanoma eyo, mani baatya ohumuteeba.

Wiina ohiramo oluyaali mu baasye?

(Mat 18:1-5; Luk 9:46-48)

33Boosi boola Kaperanaumu; mani Yesu niyali amalire ohwiingira mu nyuumba, yabateeba ati, “Mubeere nimuyiinganiraanga siina hu ngira?” 34#Luk 22:24. Nae abeeki boosi bawuleera sa chi; olwohuba nibali hu ngira bali bayiinganeenge abeene-na-beene oyo owali nabahiramo oluyaali. 35#Mat 20:26,27; 23:11; Mrk 10:43,44; Luk 22:26. Yesu yeehala aasi mani yaalaanga ehumi-na-babiri abo; yababoolera ati, “Omuundu yeesi oba n'achia ohuba omwiimirisi, ahoyere ohuba ow'enyuma ohira mu boosi, haandi ohuba omuhalaabani wa boosi.” 36Yesu yabukula omwaana muyere, yaamweemesa akati waabwe; yaamwaakata mu mahono kae, yaababoolera ati, 37#Mat 10:40; Luk 10:16; Yow 13:20. “Oyo yeesi owaakaanira omwaana ofwaana koti wuno mu liita lyaange aba yanjakaaniire; nae haandi oyo owunjakaanira, aba siyanjakaaniire sa, nae aba yakaaniire oyo owaanduma.”

Oyo otatuyiingania aba ali naafwe

(Luk 9:49-50)

38Nae Yowaana yaboolera Yesu ati, “Omweekesa, hubweene omuundu wuundi niyeerusa emisaambwa mu liita lyao, #9:38 omuundu wuundi: Ebyandiiko bihuluundu bihale biindi bimeedaho biti, ‘otaali mulala hweefwe.’ mani hwaamukayira olwohuba saali mulala hweefwe.” 39Nae Yesu yaboola ati, “Mutamukayira; olwohuba abulao onyala ohuhola omulimo kw'amaani mu liita lyaange, haandi abweene ao yaanomanomaho bubi. 40Olwohuba oyo otatuyiingania, aba ali alala naafwe. 41#Mat 10:42. Mbaboolera obwadyeeri endi, buli obaberesa amaachi k'ohung'wa olwohuba muli abaandu ba Kristo, haba saacha hufwiirwa omukabo kwae.

Amateemo kakwiisa mu syonoono

(Mat 18:6-9; Luk 17:1-2)

42“Oyo okera mulala hu bayere bano abafukiiriramo yaakwa mu syonoono, #9:42 yaakwa mu syonoono: Mu Lugiriki bati, ‘yeegumula.’ syahahirire yaaboywa okukina kuhoongo mu kosi mani yaasukunwa mu nyaanja. 43#Mat 5:30. Nae omuhono kwao nikukera waakwa mu syonoono, kutemeengeho; olwohuba ohwiingira mu bulamu butaakama nooli neende omuhono mulala, bihira ohuchia mu nyaanja y'omuliro neende amahono koombi, #9:43 nyaanja y'omuliro: Mu Lugiriki bati, ‘Geyena.’ eyiri omuliro kutasima. [44Eyo, enyeende chibalya haba sichahafwe daawe, haandi omuliro kubasaamba haba sikusima daawe.] 45Nae ohukulu hwao nihukera waakwa mu syonoono hutemeengeho, olwohuba ohwiingira mu bulamu butaakama nooli n'ohukulu hulala bihira ohuchia mu nyaanja y'omuliro nooli neende amakulu koombi. [46Eyo ‘enyeende chibalya haba sichahafwe daawe, haandi omuliro kubasaamba haba sikwahasime daawe’.] 47#Mat 5:29. Nae emoni yao niyikera waakwa mu syonoono, yichomoleengemo; olwohuba ohwiingira mu bwaami bwa Nasaae nooli neende emoni ndala bihira ohuchia mu nyaanja y'omuliro neende emoni choombi. 48#Yis 66:24. Eyo ‘enyeende chibalya haba sichahafwe daawe, haandi omuliro kubasaamba haba sikwahasime daawe.’ 49Olwohuba buli muundu achia ohuluungibwa n'omuliro. #9:49 buli muundu achia ohuluungibwa n'omuliro: Ebyandiiko bihuluundu bihale biindi bimeedaho biti, ‘haandi buli siyaanwa syahaluungwe neende omuunyu.’ 50#Mat 5:13; Luk 14:34,35. Omuunyu mulai nikwo; nae omuunyu nikuwaamo echamu lyakwo, kunyala kutye ohukaluswamo echamu elyo? Mubecheengemo echamu, haandi mumenyeenge neende omuleembe abeene-na-beene.”

Àwon tá yàn lọ́wọ́lọ́wọ́ báyìí:

Mariko 9: SAMIA

Ìsàmì-sí

Daako

Ṣe Àfiwé

Pín