Malaki 4
4
Oludaalo lw'Omwaami luli aambi ohwoola
1Omwaami w'Obunyala aboola ati: “Olwohuba bone, oludaalo luli ohwiicha, olwaaduha koti etanuuru, lu abo abehuduumbasa neende abonooni bachia ohusambirwaho koti ebikoha. Hu ludaalo olwo, bahasaambwe mani basihirisirwe elalira, mani bahaye ohudoong'ao kata esituundu silala.” 2Nae eng'we abanjisamo oluyaali, obunyala bwaang'we buwonia bwahatuleyo koti elyuuba ly'obuluungifu, eliri neende amaani kawonia mu hwaaduha hwaalyo. Mwahabe mu muleembe, mani mwaaduumakala koti emoosi ndooto mu ehoonge. 3Hu ludaalo lu ndahaholereho esyo, mwahayiingire ababi, olwohuba mwahabaseenakire mu makulu koti abaseenakira ekohe.
4Mwiichulise ebyo bi omuhalaabani waange Musa yabeekesa koti amalako neende ebilagiro, bindamuberesera hu Lugulu lwa Sinai, abiberese Abaisiraeli.
5 #
Mat 11:14; 17:10-13; Mrk 9:11-13; Luk 1:17; Yow 1:21. Bone, oludaalo ludinyu lw'Omwaami nilusisiiri ohwoola, njia ohubatumira Elija omunabbi. 6Mani achia ohuleeta alala balataang'ene baana neende abaana baabwe, mani haye ohwiichia ohusihirisira elalira esyaalo syae.
Àwon tá yàn lọ́wọ́lọ́wọ́ báyìí:
Malaki 4: SAMIA
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
©Bible Society of Uganda, 2019