Yela 99
99
Korowii Ɛ Koranar Bwa Kooro
1Korowii dɛ di kora,
asɛ harɛre nɛra bwara
ɛɛ chel.
O soɡe kookara ta nyundua
Kerobim baah ta,
asɛ harɛ ɛɛ jiɡri.#Kaa 25:22
2Korowii kan dɛ do
bwɛjen Saayɔn
dɛɛ di kora harɛre nɛra
bwa nɛ.
3Nomɛlbwa ɛɛ kpɛɛ o sɔn
waa kana dɛ dɔ jirima
laanee,
onee do ɡoroŋ kohona.
4Korowii ɛ kooro,
dɛ dɔ kpeɡri kohona,
dɛɛ nyin waa aa toɡra,
o ɡelɔ kasinteŋ do Israel
harɛ ta.
O ba wa aa toɡra
dɛ do wer ne.
5Hé kpɛɛ Korowii yaa dɛ tomɔ
la, hé ɡuŋi
o kookara sie dɛ́ tomɔ,
onee do ɡoroŋ kohona!
6Dɛ Mosis ne Arɔn fa ɛ o sɔfore,
asɛ Samoɛl che o sɔn ta dɛɛ
soŋo. Ba soŋe Korowii,
asɛ o no ba be.#Kaa 28:1; 1Sa 7:5
7O cheɡɛ bam waa do
jaŋne kaa nyundua ta,
dɛ bol waa ba be,
asɛ ba teŋɛ mmarare
ne waa waa do ba a ta.#Kaa 33:9
8N Naa Korowii yaa dɛ tomɛ,
he no he nɛra wesoŋa.
A lole kɛ he tɛr ba deŋne te,
kɛ he ɡelɔ ba jemɛ kɛ
he kpɔ wechɔɡa dɛɛ kɛ.
9Hé kpɛɛ Korowii yaa dɛ tomɔ,
dɛɛ tomɔ o bwejen waa do
ɡoroŋ ta.
Korowii yaa dɛ tomɔ la do
ɡoroŋ.
Àwon tá yàn lọ́wọ́lọ́wọ́ báyìí:
Yela 99: mzw
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.