Yela 98
98
Korowii dɛ di kora harɛ nɔ bwa ta
1Hé ɡo yelfale tɛ Korowii,
dɛkalkɛ o ɛ waa aa dɛ kpo
nyoa!
O cheɡɛ kpeɡri ne ɡoroŋ
waa doa ta, dɛ pɔ
o dɔma nɛ.
2Korowii bol pɔe waa pɔ o dɔma nɛɛ wa,
dɛ ɡel harɛre nɛra bwa jemɛ
lɛɛ waa lɛ o nɛra wa.
3O teŋɛ nyoa waa baɡɛ
Israel tena kasinteŋ
ne nyina
aa wola jaɡa dɔe bwa ne.
Nɛra baa lɔ harɛ jaɡa
bwa na ɡɛ Korowii
yaa dɛ tomɔ aa lɛ o nɛra.
4Harɛ nɔ ta nɛra bwa,
hé ɡo silɛɛ yela kpɛɛ
Korowii,
hé ɡo yela kpɛɛro
dɛ́ moo silɛɛ ne.
5Hé ɡo yela kpɛɛ Korowii,
hé kpɔ janjela lɔ yela
kpɛɛro.
6Hé hoh bɛle ne pebala
nyeɡlare kohona,
dɛ́ moo silɛɛ ne kpɛɛ
Korowii
waa ɛ ya kooro la.
7Mpo ne kwaa aa lɔ o ta
bwa ɡe moo,
harɛ nɔ ta nɛra ne
koŋkwaa
bwa ɡo yela kpɛɛro.
8Neerare ne deŋɡarere
pɛ lɔ kpaŋa, dɛ́ ɡo yela
silɛɛ ne
kɛŋɔ nɛra ken kpɛɛ
Korowii,
9dɛkalkɛ o dɛ ba harɛ nɔ ta ba
di kora.
Wɛɛ ba bol harɛ nɔ ta
nɛra waa dɛ́ pa bole
aŋwɛnɛ ta, ne kasinteŋ ne.
Àwon tá yàn lọ́wọ́lọ́wọ́ báyìí:
Yela 98: mzw
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.