Yela 101
101
Kooro nyobaɡa
Kooro Devid yel
1N Naa Korowii,
mɛɛ ɡo yelaa kpɛɛ
he nyina ne he
kasinteŋ haa dɔa wa,
mɛɛ ɡo yelaa kpɛɛre.
2Mɛɛ dɛɛ nyiŋi
n we-ɛɛla bini kɛrɛdɛɛ.
Saŋ besoo he ba cha mɛ nɔ?
Mɛɛ kpɔ bambidɛɛɡee
so n dem,
3dɛ́ laa n te kpɔ wechɔɡa ta.
N hah nɛra baa berɛ habɔɔ
kpo hen Korowii la
we-ɛɛla,
n ne ba toole wobɛlbwa
bini.
4N ne nɛnchɔɡa
baah ɛɛ do jaŋnee.
Mɛɛ laa n tenee
kpɔ wechɔɡa ta.
5Nomɛlbwa waa sɔah
dɛɛ chɔɡ o dɔŋ la,
mɛɛ doŋu le n be.
N ne nomɛlbwa waa
dɛ na o nyu aa won pɛ.
6Mɛɛ ɡeloo n sie do
n nɛra Israel tena
ba wa aa dɔ kasinteŋ la
nɛ, ásɛ n ne ba
pɛ so n koodem.
Nɛra ba wa aa wera kɛrɛdɛ
laanee mɛɛ ba ɡela baa
tom mɛ.
7Nomɛlbwa waa dɛ neɡre o
dɔŋ,
aa n demii so.
Nyosonteŋna ɡe aa won
che n sie.
8Mɛɛ dɛɛ kpoo nɛra
ba nyu bini aa kpeɡa
harɛ nɔ ta tɔpere bɛlbwaa.
Mɛɛ doŋi wechɔɡ-ɛɛra bwaa
le Korowii bwɛjen nɔ taa.
Àwon tá yàn lọ́wọ́lọ́wọ́ báyìí:
Yela 101: mzw
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.