Kaala 11
11
Ijipt tena bibanloɡla sewa wa
1Asɛ Korowii berɛ ŋɔ Mosis be ŋɔ, “N dɛ ba deŋnetɛra beŋkpoŋ kpɔe ba ta Ijipt kooro la ne o nɛra nɛɛ ja. A habɔɔ la, wɛɛ ɡeloo he kaa. Doŋa kwaraa wɛɛ ba heyaa doŋa. 2Berɛ ɡel Israel tena no kɛŋɔ, ba baala ne haahna bwa soŋe ba bala Ijipt tena suuɡaswɛm ne suuɡapoŋa kwa.” 3Korowii ɡelɔ Ijipt tena sie lɛ Israel tena la nɛ, asɛ kooro ne o nomonome ne harɛ la ta nɛra bwa kpɔ Mosis ɛ nɛnjen.
4Belaa Mosis ŋɔ Ijipt kooro be ŋɔ, “Kenii Korowii ɛɛ bol, dɛ wɛɛ valɛ harɛ nɔ bwa ta harambaŋaa, 5ásɛ dɛ kpoo Ijipt tena bibanloɡla bwa. Dɛ́ le kooro waa soɡe kara ta bibanloɡle nɛ, dɛ́ ba le yomhaah waa lɔ nam ta bibanloɡle nɛ dɛ nae biloɡla. 6Nɛra ɛɛ dɛɛ dooɡe lɔŋɔree dɛɛ wi kohona harɛ la ta a dɔŋa aa wola chiɡ bwa. A dɔŋa ɡe aa chiɡ kpa bwa. 7Kɛ Israel tena te bini la, nyoate aa nɛn kɛɛ kondɛɛre kwaraa wor. Anee dɛ́ ɡel he jemɛ kɛŋɔ Korowii dɛ nyin o nɛra Israel tena dɛ ɡel ba korɛ Ijipt tena bini. 8He nomonome nɔ bwa ɛɛ berɔɔ ba n be, dɛ́ ba ɡuŋ mɛ dɛ́ ŋɔ ń kaa, n ne n nɛra bwa baa teŋɛ n nɛ. Ásɛ mɔɔ ń kaa.” Belaa Mosis kpɔ bandia kohona le kooro sie kaa.
9Korowii fa bol Mosis be ŋɔ, “Ijipt kooro ɛɛ ɛ deŋnekpeɡii dɛ́ vɛh he be noe, ásɛ n nyokpowaa maa ɛ Ijipt harɛ la do kan.” 10Mosis ne Arɔn ɛ nyokpowe-ɛɛla nɔ bwa kooro sie. Korowii ɡelɔ o deŋne ta do kpeɡri o ta ɡelɛ Israel tena la le o harɛ ta kaa.#Jɔn 12:37
Àwon tá yàn lọ́wọ́lọ́wọ́ báyìí:
Kaala 11: mzw
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.