Salmos 100
100
Tsochjéheni kjuasáya Díos
1Chrotsjera, chrókócháhara la chrókjuíkosáyehéra Itꞌéni Díos,
jahara kaín chojni siín chjasintajni.
2Chrókócháhara, chrókjuíkosáyehéra Itꞌéni Díos.
Chrókócháhara, chrókóchjinara ti itjen chꞌan.
3Chrokjuatso̱anra kixin Itꞌéni mé Díos.
Jehe chꞌan mé tsíkjichꞌéna chꞌan ti jeheni
la jeheni mé kuènté chꞌan.
Jeheni mé chjasin kuènté Díos la ko kolélo kuènté chꞌan.
4Chrokꞌuixe̱hénra ti nda̱sin ndója ni̱nkué chꞌan,
chróchje̱héra Díos kjuasáya.
Chrotsjera, chrókjuíkosáyehéra Díos.
Chrochje̱héra Díos kjuasáya kjuachaxíen ihni̱é chꞌan.
5 #
1Cr. 16:34; 2Cr. 5:13; 7:3; Esd. 3:11; Sal. 106:1; 107:1; 118:1; 136:1; Jer. 33:11. *Kixin Itꞌéni Díos la jína chꞌan.
Jehe chꞌan la ti̱konoéhe̱ chꞌan ti jeheni nkochríxín,
la tjinki̱tsa chꞌan ti jeheni nánó tsjeje̱ la ko nánó tsꞌixehen.
Àwon tá yàn lọ́wọ́lọ́wọ́ báyìí:
Salmos 100: poeNTplus
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2016, Wycliffe Bible Translators, Inc. All rights reserved.