Зекерья 11
11
Месихнинъ келюви ве ред этилюви акъкъында
1 #
Еш 2.13
Эй, Ливан, къапуларынъны ач,
атеш кедрлеринъни якъып ёкъ этсин.
2 #
Еш 2.13; Ехез 27.6 Эй, кипарис тереги, агъла!
Кедр тереги йыкъылды,
юксек тереклер ёкъ олды!
Агъланъыз, эй, Башан эменлери!
Чытырман дагъ йыкъылды!
3 #
Ехез 19.1-3; Йрм 25.34 Чобанларнынъ агълагъанлары эшитиле,
чюнки отлакълары бошап къалды.
Яш арсланларнынъ ырылдысы эшитиле,
чюнки Иорданнынъ гъуруры ёкъ олды.
4РАББИ-Таалям бойле дей:
– Соймакъ ичюн айырылгъан къойларны отлат. 5#Ехез 34.3; Хош 12.8; Сыр 3.17Сатын алгъан адамлар къойларны соялар, амма джеза къазанмайлар. Саткъанлар исе: «Аллагъа шукюр, бай олдым!» – дейлер. Чобанлар да оларны аджымайлар.
6 #
Йрм 13.14
Бу ерде яшагъанларны башкъа аджымайджагъым, – дей РАББИ. – Мына, Мен эр кесни якъын адамнынъ ве падишанынъ къолуна береджегим. Олар мемлекетни хорлайджакъ, Мен исе оларны оларнынъ къолундан къуртармайджагъым.
7Соймакъ ичюн айырылгъан, керчектен де заваллы къойларнынъ чобаны олдым. Озюме эки таякъ алдым, бирини – Мерамет деп, башкъасыны – Бирлик деп адландырдым. Оларнынъ ярдымынен къойларны бакътым. 8Бир айда учь чобанны ёкъ эттим. Мен олардан бездим, олар да Менден юзь чевирдилер. 9#Йрм 15.2Къойларгъа бойле айттым: «Сизни башкъа бакъмайджагъым. Олеяткъан ольсюн, гъайып оладжакъ гъайып олсун, къалгъанлар исе бири-бирининъ этини ашасын».
10Сонъ Мерамет таягъыны алдым ве экиге сындырдым. Бойле этип, бутюн халкъларгъа берген васиетимни боздым. 11О куню васиетим бозулды, ве Мени беклеген заваллы къойлар бу, РАББИнинъ сёзю олгъаныны анъладылар.
12 #
Чыкъ 21.32; Мт 26.15 Оларгъа: «Бу сизинъ козюнъизде яхшы олгъаны корюнсе, къазанчымны беринъиз, истемесенъиз – берменъиз», – дедим. Олар манъа къазанч оларакъ отуз кумюш бердилер.
13 #
Мт 27.9-10
РАББИ манъа: «Параны чёльмекчиге ат#11.13 Септ.: «Параны Сарай хазинесине ат»., – деди. – Манъа бойле бир юксек фиятны кестилер!»
Мен отуз кумюшни алдым ве РАББИнинъ Эвине аттым, о, чёльмекчи ичюн олсун.
14Сонъ экинджи таягъымны, Бирлик таягъыны, экиге сындырдым. Бойле этип, Ехуда иле Исраиль арасындаки къардашлыгъыны боздым.
Ялан пейгъамберлерге къаршы олгъан Алланынъ ачувы
15РАББИ манъа бойле деди:
– Кене акъылсыз чобаннынъ алетлерини къолунъа ал. 16#Ехез 34.3-4Мен бу топракъта даа бир чобанны къояджагъым. О, олеяткъанларнынъ къасеветини чекмейджек, яш къозучыкъларны къыдырмайджакъ, хасталарны бакъмайджакъ, сагъламларгъа аш бермейджек, лякин семиз къойларнынъ тырнакъларыны къопараджакъ ве этини ашайджакъ.
17 #
1 Пад 11.2; Йрм 23.1; Юх 10.13 Къойларны ташлагъан
ярамай чобаннынъ башына беля!
Къылыч онынъ къолуны ве онъ козюни урсун!
Къолу бутюнлей къуруйджакъ,
онъ козю кёр оладжакъ.
Àwon tá yàn lọ́wọ́lọ́wọ́ báyìí:
Зекерья 11: CTB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2016
Зекерья 11
11
Месихнинъ келюви ве ред этилюви акъкъында
1 #
Еш 2.13
Эй, Ливан, къапуларынъны ач,
атеш кедрлеринъни якъып ёкъ этсин.
2 #
Еш 2.13; Ехез 27.6 Эй, кипарис тереги, агъла!
Кедр тереги йыкъылды,
юксек тереклер ёкъ олды!
Агъланъыз, эй, Башан эменлери!
Чытырман дагъ йыкъылды!
3 #
Ехез 19.1-3; Йрм 25.34 Чобанларнынъ агълагъанлары эшитиле,
чюнки отлакълары бошап къалды.
Яш арсланларнынъ ырылдысы эшитиле,
чюнки Иорданнынъ гъуруры ёкъ олды.
4РАББИ-Таалям бойле дей:
– Соймакъ ичюн айырылгъан къойларны отлат. 5#Ехез 34.3; Хош 12.8; Сыр 3.17Сатын алгъан адамлар къойларны соялар, амма джеза къазанмайлар. Саткъанлар исе: «Аллагъа шукюр, бай олдым!» – дейлер. Чобанлар да оларны аджымайлар.
6 #
Йрм 13.14
Бу ерде яшагъанларны башкъа аджымайджагъым, – дей РАББИ. – Мына, Мен эр кесни якъын адамнынъ ве падишанынъ къолуна береджегим. Олар мемлекетни хорлайджакъ, Мен исе оларны оларнынъ къолундан къуртармайджагъым.
7Соймакъ ичюн айырылгъан, керчектен де заваллы къойларнынъ чобаны олдым. Озюме эки таякъ алдым, бирини – Мерамет деп, башкъасыны – Бирлик деп адландырдым. Оларнынъ ярдымынен къойларны бакътым. 8Бир айда учь чобанны ёкъ эттим. Мен олардан бездим, олар да Менден юзь чевирдилер. 9#Йрм 15.2Къойларгъа бойле айттым: «Сизни башкъа бакъмайджагъым. Олеяткъан ольсюн, гъайып оладжакъ гъайып олсун, къалгъанлар исе бири-бирининъ этини ашасын».
10Сонъ Мерамет таягъыны алдым ве экиге сындырдым. Бойле этип, бутюн халкъларгъа берген васиетимни боздым. 11О куню васиетим бозулды, ве Мени беклеген заваллы къойлар бу, РАББИнинъ сёзю олгъаныны анъладылар.
12 #
Чыкъ 21.32; Мт 26.15 Оларгъа: «Бу сизинъ козюнъизде яхшы олгъаны корюнсе, къазанчымны беринъиз, истемесенъиз – берменъиз», – дедим. Олар манъа къазанч оларакъ отуз кумюш бердилер.
13 #
Мт 27.9-10
РАББИ манъа: «Параны чёльмекчиге ат#11.13 Септ.: «Параны Сарай хазинесине ат»., – деди. – Манъа бойле бир юксек фиятны кестилер!»
Мен отуз кумюшни алдым ве РАББИнинъ Эвине аттым, о, чёльмекчи ичюн олсун.
14Сонъ экинджи таягъымны, Бирлик таягъыны, экиге сындырдым. Бойле этип, Ехуда иле Исраиль арасындаки къардашлыгъыны боздым.
Ялан пейгъамберлерге къаршы олгъан Алланынъ ачувы
15РАББИ манъа бойле деди:
– Кене акъылсыз чобаннынъ алетлерини къолунъа ал. 16#Ехез 34.3-4Мен бу топракъта даа бир чобанны къояджагъым. О, олеяткъанларнынъ къасеветини чекмейджек, яш къозучыкъларны къыдырмайджакъ, хасталарны бакъмайджакъ, сагъламларгъа аш бермейджек, лякин семиз къойларнынъ тырнакъларыны къопараджакъ ве этини ашайджакъ.
17 #
1 Пад 11.2; Йрм 23.1; Юх 10.13 Къойларны ташлагъан
ярамай чобаннынъ башына беля!
Къылыч онынъ къолуны ве онъ козюни урсун!
Къолу бутюнлей къуруйджакъ,
онъ козю кёр оладжакъ.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2016