Зекерья 1
1
Рабби халкъны Озюне къайтмагъа чагъыра
1 #
Нех 12.16; Узеир 4.24; 5.1; 6.14; Хагъ 1.1; Мт 23.35 Дарьявеш падишалыгъынынъ экинджи йылында, секизинджи айында РАББИ Иддонынъ торунына, яни Берекиянынъ огълуна, Зекерья пейгъамберге бойле деди:
2– РАББИ деделеринъизге пек ачувланды. 3#Еш 31.6; Мал 3.7Халкъкъа бойле айт:
Бу – Ордулар РАББИсининъ сёзлери.
– Манъа къайтынъыз, – дей Ордуларнынъ РАББИси.
– Мен де сизге къайтарым, – дей Ордуларнынъ РАББИси. 4#2 Тар 36.15-16; Збр 77.8; Йрм 5.13; Дан 9.6– Деделеринъиз киби олманъыз! Эвельки пейгъамберлер оларгъа бойле айта эдилер: «Ордуларнынъ РАББИси сизлерге: “Яман ёлларынъыздан ве яман ишлеринъизден вазгечинъиз”, – дей». Лякин олар динълемедилер ве Манъа къулакъ асмадылар, – дей РАББИ.
5Къана, деделеринъиз къайдалар? Пейгъамберлер де эбедий яшармы? 6#Текр 28.2; Агъл 2.17Лякин Мен къулларыма пейгъамберлерге айткъан сёзлерим ве буюргъан низамнамелерим деделеринъизнинъ яшайышларында беджерильди. О вакъыт олар Манъа тёвбенен къайтып: «Ордуларнынъ РАББИси бизни яшайыш ёлларымыз ичюн ве япкъан ишлеримиз ичюн джезалады», – дедилер.
Биринджи руя. Атлар
7Дарьявеш падишалыгъынынъ экинджи йылында, 11-инджи айында (Шеват айында), 24-юнджи кунюнде РАББИ Иддонынъ торунына, яни Берекиянынъ огълуна, Зекерья пейгъамберге, Озь сёзлерини ёллады.
8 #
4 Пад 6.17; Зек 6.2-7; Сыр 6.4 Геджесинен корьгеним будыр: мына, сары аткъа минген адам вадийде, мирт тереклери арасында отура. Аркъасында исе сары, къаверенки ве беяз атлар бар эди.
9– Эфендим, олар недир? – деп сорадым мен.
Меннен лаф эткен Мелек:
– Олар не олгъаныны санъа косьтереджегим, – деди.
10Мирт тереклери арасында тургъан адам:
– РАББИ оларны ер юзюни юрип бакъмагъа ёллады, – деди.
11Олар мирт тереклери арасында тургъан РАББИнинъ Мелегине бойле дедилер:
– Ер юзюни юрип бакътыкъ. Бутюн ер юзю раат ве тынчтыр.
12 #
Збр 79.5; 88.47; Йрм 25.11; 29.10; Дан 9.2; Зек 7.5 Сонъ РАББИнинъ Мелеги:
– Ордуларнынъ РАББИси! Ерусалимге ве Ехуданынъ шеэрлерине къаршы ачувлангъанынъ етмиш йылдыр. Оларгъа не вакъыт шефкъатлы бакъаджакъсынъ? – деди.
13О вакъыт меннен лаф эткен Мелекке РАББИ татлы ве мераметли сёзлернен джевап берди.
14 #
Ёэль 2.18; Зек 8.2 Меннен лаф эткен Мелек бойле деди:
– Ордулар РАББИсининъ сёзлерини хабер эт: «Мен Ерусалим ве Сион ичюн пек къасеветлендим. 15#Еш 47.6Тынч яшагъан халкъларгъа къаршы исе ачувым къайнай. Мен чокъ ачувланмагъанымда, олар яманлыкъкъа яманлыкъ къоштылар. 16#Узеир 6.14; Зек 2.2Онынъ ичюн РАББИ бойле дей: Ерусалимге мераметнен къайтаджагъым. Анда Меним Эвим къуруладжакъ, – дей Ордуларнынъ РАББИси. – Ерусалим гъайрыдан къуруладжакъ#1.16 Къ. еуд. сёзю-сёзюне «Ерусалимде бойдан-бой ольчев йипи чекиледжек» демектир.». 17#Еш 14.1; 40.1; Зек 2.12Даа Ордуларнынъ РАББИсининъ бойле сёзлерини илян эт: «Меним шеэрлерим кене боллукъкъа толып ташаджакъ, РАББИ кене Сионгъа теселли береджек, кене Ерусалимни сайлап аладжакъ».
Экинджи руя. Бойнузлар
18Сонъ мен козьлеримни котерип бакътым: мына, дёрт бойнуз. 19#3 Пад 22.11Меннен лаф эткен Мелектен:
– Бу недир? – деп сорадым.
О да манъа:
– Бу – Ехуданы, Исраильни ве Ерусалимни дагъыткъан бойнузлар, – деди.
20Сонъ РАББИ манъа дёрт демирджини косьтерди. 21Мен Ондан:
– Олар не япмагъа келелер? – деп сорадым.
– Шу бойнузлар Ехуданы ойле дагъыттылар ки, кимсе башыны котерип оламай. Бу демирджилер исе Ехуда топрагъыны дагъытмакъ ичюн бойнузларыны котерген халкъларны къоркъузмагъа ве бойнузларыны ерге урмакъ ичюн кельдилер.
Àwon tá yàn lọ́wọ́lọ́wọ́ báyìí:
Зекерья 1: CTB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2016