Матта 24
24
Иса Алланынъ Сарайы бозуладжагъы акъкъында эвельден айта
1 #
Мк 13.1-2; Лк 21.5-6 Иса Алланынъ Сарайындан чыкъып кетеяткъанда, Онынъ янына шегиртлери келип, Сарайнынъ биналарына дикъкъатыны джельп эттилер.
2 #
Лк 19.44
Иса оларгъа:
– Буларнынъ эписини коресизми? Сизге догърусыны айтам: бу ерде таш устюнде таш къалмайджакъ, эписи бозуладжакъ, – деди.
Беля ве къувгъунлыкълар акъкъында
3 #
Мк 13.3-13; Лк 21.7-19 Иса бир Озю Зейтюн дагъында отургъан вакъытта шегиртлери Онынъ янына келип, сорадылар:
– Бизлерге айт: бу шейлер не вакъыт оладжакъ? Сенинъ келишинъни ве ахыр заман якъынлашкъаныны косьтерген бельги насыл оладжакъ?
4 #
1 Юх 3.7; Кол 2.8; 2 Тес 2.3 Иса джевап берип оларгъа:
– Ич кимсе сизлерни алдатмасын деп, сакът олунъыз! 5#Йрм 14.14Чокъ адамлар Меним Адым иле келип: «Мен Месихим», – деп, чокъ адамларны алдатаджакълар, – деди. 6#Йрм 51.46– Сиз якъын дженк шаматасыны ве узакъ дженк акъкъында хаберлерни эшитирсиз. Амма къоркъманъыз: ойле олмакъ керек. Лякин бу даа сонъу дегиль. 7#2 Тар 15.6; Фаал 11.28; Сыр 6.4, 8, 12Халкъ халкъкъа къаршы, падишалыкъ падишалыкъкъа къаршы котериледжек. Тюрлю топракъларда ачлыкълар ве ер тепренювлери оладжакъ. 8Буларнынъ эписи исе – тек буюк азапларнынъ башланувы. 9#Мт 10.22; Юх 15.18О вакъытта сизлерни къыйнайджакълар ве ольдюреджеклер. Мен ичюн эписи халкъларнынъ адамлары сизлерден нефретленеджек. 10#Мт 10.21Чокъ адам иманындан вазгечеджек, бир-бирини сатаджакъ, бир-бирини кореджек козьлери олмайджакъ. 11#Мт 7.15Чокътан-чокъ ялан пейгъамберлер пейда олып, чокъ адамларны алдатаджакъ. 12Адалетсизлик чокълашкъаны себебинден чокъусынынъ севгиси пек азлашаджакъ. 13#Якъ 5.11; Сыр 2.10Лякин сонъунадже сабыр эткен адам къуртарыладжакъ. 14#Мт 28.19; Рим 10.18; Кол 1.6, 23Ондан эвель исе бутюн дюньяда Алла Падишалыгъы акъкъында бу Къуванчлы Хабер илян этиледжек. Бу хабер эписи халкъларгъа шаатлыкъ оладжакъ. О вакъыт сонъу келеджек.
Буюк беля
15 #
Мк 13.14-23; Лк 21.20-24 #Дан 9.27; 11.31; 12.11Шунынънен, Даниял пейгъамбер айткъан «пис арамлыкъ» Азиз Ерде тургъаныны корьсенъиз (окъугъан адам озю анъласын!), 16Еудиеде олгъан адамлар дагъларгъа къачсынлар. 17#Лк 17.31Дам устюнде тургъан адам эвинден бир шей алмакъ ичюн ашагъа тюшмесин. 18Тарлада олгъан адам усть урбасыны алмагъа къайтып бармасын. 19#Лк 23.29О куньлерде юклю ве бала эмиздирген къадынларгъа беля оладжакъ! 20Къачувынъыз къышта я да раатлыкъ куню олмасын деп, дувалар окъунъыз. 21#Йрм 30.7; Дан 12.1; Сыр 16.18О вакъытта, дюньянынъ биринджи куньлерден башлап бу куньлерге къадар олмагъан ве даа бир кере олмайджакъ буюк белялар оладжакъ.
22 #
Еш 65.8; Лк 18.7 Эгер о куньлернинъ сайысы азлаштырылмагъан олса, ич бир джан къуртулып оламаз эди. Лякин сайлангъан адамлар ичюн о куньлернинъ сайысы азлаштырыладжакъ. 23#Лк 17.23Эгер о вакъыт кимдир сизге: «Бакъынъыз, Месих мында!» я да «О, анда!» – десе, инанманъыз. 24#Текр 13.1; 2 Тес 2.9; Сыр 13.13; 16.14Ялан месихлер ве ялан пейгъамберлер пейда олып, имкяны олса, сайлангъанларны биле ёлдан урмакъ ичюн, буюк аджайип шейлер япаджакълар ве бельгилер косьтереджеклер. 25#Юх 13.19; 14.29Мына, Мен буны сизлерге эвельден айтып бердим. 26Шунынънен, эгер сизлерге: «Бакъса, О сахрада», – деселер, анда барманъыз. Я да «Бакъса, О бу эв ичинде», – деселер, инанманъыз. 27#Лк 17.24Инсан Огълунынъ къайтып келиши шаркътан гъарпкъадже кокте яшнагъан йылдырым киби оладжакъ.
28 #
Лк 17.37
Олю беден къайда олса, леш къарталлары да шу ерде топланаджакълар.
Инсан Огълунынъ келюви
29 #
Мк 13.24-27; Лк 21.25-28 #Еш 13.10, 13; 34.4; Ёэль 2.31; Хагъ 2.6; Ам 8.9; Фаал 2.20; Сыр 6.13Бирден шу куньлернинъ буюк мусибетинден сонъ
«Кунеш къара оладжакъ,
ай да ярыкъ бермейджек.
Йылдызлар коктен тюшеджеклер
ве коклердеки кучьлер сарсыладжакълар».
30 #
Дан 7.13; Зек 12.10-12; Мт 16.27 О вакъытта кокте Инсан Огълунынъ бельгиси пейда оладжакъ. Ер юзюндеки эписи миллетлер окюр-окюр агълайджакълар, коктеки булутлар устюнде къудрет ве буюк шан-шурет иле келеяткъан Инсан Огълуны кореджеклер. 31#Еш 27.13; Мт 13.41; 1 Кор 15.52; 1 Тес 4.16; 2 Тес 2.1; Сыр 11.15О, Озюнинъ мелеклерини ёллайджакъ. Олар, кучьлю бору чалдырып, сайлагъан адамларыны кокнинъ бир четинден башкъа четинедже, дюньянынъ дёрт тарафындан топлап келеджеклер.
Инджир терегининъ орьнеги
32 #
Мк 13.28-31; Лк 21.29-33 Инджир тереги сизге кинаели дерс олсун: онынъ пытагъы къабарып, япракълары ачылгъанда, яз якъынлашкъаныны билесиз. 33Сиз де буларнынъ эписини корсенъиз, билинъиз: О энди якъын, босагъада тура.
34 #
Мт 16.28
Сизлерге догърусыны айтам: шимдики несиль ёкъ олмаздан эвель, буларнынъ эписи оладжакъ. 35#Збр 101.26-27; Еш 51.6; 2 Пётр 3.10Кок ве ер из къалдырмайып кечерлер, лякин Меним сёзлерим кечмез.
Кунь ве саат акъкъында кимсе бильмей
36 #
Мк 13.32-37; Лк 17.26-30, 34-36 #Зек 14.7Бу къайсы куню ве саат къачта оладжагъы акъкъында не Огъул, не коклердеки мелеклер билелер. Тек Баба биле. 37#Баш 6.5Нух куньлеринде насыл олгъан олса, Инсан Огълу келеджек куньлеринде де ойле оладжакъ. 38Сув ташкъыны кельмезден эвель олгъан куньлерде, Нух сандыкъкъа кирмегендже, адамлар ашап-иче, эвлене ве акъайгъа чыкъа эдилер. 39#Баш 7.21Сув ташкъыны келип, эр кесни ёкъ этмегендже, асыл да тюшюнмей эдилер. Инсан Огълу келеджек кунюнде тамам ойле де оладжакъ.
40 #
Зек 14.2
О вакъытта эки адам тарлада олгъанда, Алла бирисини аладжакъ, экинджисини исе къалдыраджакъ. 41Дегирмен ташында ун чеккен эки къадындан бириси алынаджакъ, бириси къалдырыладжакъ. 42#Мт 25.13Бунынъ ичюн эр заман азыр олунъыз. Раббинъиз не заман келеджегини бильмейсинъиз. 43#2 Пётр 3.10; 1 Тес 5.2Лякин шуны билинъиз: эв саиби хырсыз гедженинъ къайсы саатинде келеджегини бильсе, юкъламайып, хырсызгъа эвине кирмеге ёл бермез эди. 44#Сыр 3.3; 16.15Бойледже, сизлер де азыр олунъыз. Инсан Огълу сиз беклемеген саатте къайтып келеджек.
Ишанчлы ве яман къуллар акъкъында
45 #
Лк 12.41-48
Ишанчлы ве акъыллы къул ким? Эфендиси оны эв къуллары устюнде башлыкъ этип, оларгъа керек вакътында ашларыны бермеге къойды. 46#Мт 25.21; Юх 13.17Эфендиси кельгенде, онынъ бойле япкъаныны корьсе, о къул не къадар бахтлы! 47Сизге догърусыны айтам: эфенди оны озюнинъ бутюн мал-мулькюне бакъыджы этип къояр. 48#Мт 25.5Эгер де бу яман къул озь гонълюнде: «Эфендим якъын арада кельмейджек», – деп тюшюнсе, 49башкъа къулларны урмагъа башласа, ичкиджилернен берабер ашап-ичсе, 50о къулнынъ эфендиси бекленильмеген бир куньде, тюшюнмеген бир саатте къайтып келир 51#Мт 8.12ве оны къылычнен экиге болип, онъа экиюзьлюлернинъ арасында ер береджек. Анда агълав ве тиш гъыджыртысы оладжакъ.
Àwon tá yàn lọ́wọ́lọ́wọ́ báyìí:
Матта 24: CTB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2016
