Матта 17
17
Исанынъ корюниши денъише
1 #
Мк 9.2-13; Лк 9.28-36 #Мк 5.37; 14.33Алты кунь кечкен сонъ, Иса янына Пётрны, Якъупны ве онынъ къардашы Юханны алды ве тек оларнен берабер бир дагъгъа котерильди. 2#Дан 7.9; Сыр 1.16Исанынъ бутюн корюниши оларнынъ козьлери огюнде денъишти: Онынъ бети кунеш киби парылдады, урбасы исе козь къамаштырып бем-беяз олды. 3#Мал 4.5Бакъса, оларнынъ огюнде Муса ве Ильяс пейда олдылар да, Исанен субетлешип башладылар.
4Пётр Исагъа:
– Раббим, бу ерде бизге не яхшы я! Эгер истесенъ, мен мында учь чалаш къурайым: бириси Санъа, бириси Мусагъа ве бириси Ильяскъа олсун, – деди.
5 #
Текр 18.15; Еш 42.1; Мт 3.17; 2 Пётр 1.17 Пётр бу сёзлерни даа айткъанда, апансыздан бир нур сачкъан булут пейда олып, оларны кольгесинен къапатты. Шу булут ичинден бир сес чыкъты:
– Бу Меним севимли Огълумдыр, Мен Ондан разым! Оны динъленъиз!
6Бу сесни эшиткен шегиртлер буюк бир къоркъуда юзьлерини ерге берип йыкъылдылар. 7Иса оларнынъ янына келип, оларгъа тийди де:
– Къоркъманъыз, турунъыз! – деди.
8Шегиртлер козьлерини котерип, янларында Исадан гъайры кимсени корьмедилер. 9#Мт 8.4; 9.30; Мк 1.44Дагъдан тюшкенде, Иса шегиртлерине:
– Инсан Огълу олюлерден тирильмегендже, мында корьген шейлерни кимсеге айтманъыз, – деп буюрды.
10Шегиртлери Ондан:
– Не ичюн Къанун оджалары: «Башта Ильяс кельмек керек», – дейлер? – деп сорадылар. 11#Мал 4.5Иса оларгъа джевап берип:
– Бу керчек, башта Ильяс келип, эр шейни азырламакъ керек, – деди. 12#Еш 53.7– Мен сизлерге айтам: Ильяс энди кельди, амма оны танымадылар ве онен истеген шейлерни яптылар. Шойле де Инсан Огълу оларнынъ къолларындан чокъ азап чекмеге меджбур.
13 #
Мт 11.14; Лк 1.17 О вакъытта шегиртлер, Иса оларгъа Сувгъа Батырыджы Ягъя акъкъында айткъаныны анъладылар.
Иса джин ургъан баланы тедавийлей
14 #
Мк 9.14-29; Лк 9.37-43 Олар халкъкъа къайтып кельгенде, Исагъа бир адам якъынлашып, тиз чёкти де:
15– Эфендим, огълума мерамет эт! Онда тутарыкъ хасталыгъы бар, о пек чекише. Сыкъ-сыкъ де атешке, де сувгъа дала, – деди. 16– Баламны Сенинъ шегиртлеринъе кетирдим, амма олар оны тедавийлеп оламадылар.
17– Эй, имансыз ве бозукъ адамлар! Не вакъыткъадже сизлернен оладжам?! Не къадаргъадже сизлерге даянаджам?! Баланы бу ерге, Меним алдыма кетиринъиз! – деди Иса.
18 #
Мк 1.26; Фаал 8.7 Иса джинге чыкъмагъа эмир берди, ве джин чыкъты, бала исе шу ань тедавийленди. 19Сонъ шегиртлер, Иса бир Озю къалгъанда, Онъа якъынлашып:
– Биз джинни не ичюн къувып чыкъаралмадыкъ? – деп сорадылар. 20-21#Мт 13.31; Мк 11.23; Лк 17.6Иса оларгъа:
– Сизинъ иманынъыз аз. Сизге догърусыны айтам: сизинъ бир хардал урлугъы къадар иманынъыз олгъанда, сиз мына бу дагъгъа: «Бу ерден о ерге кочь», – дейджексиз, ве о кочеджек. Сонъ сиз япалмайджакъ шей олмайджакъ, – деди.
Иса кене Озь олюми ве тирилюви акъкъында айта
22 #
Мк 9.30-32; Лк 9.43-45 Иса шегиртлеринен Галилеяда олгъанда, О, оларгъа:
– Инсан Огълуны адамларнынъ къолуна тутып береджеклер 23#Мт 16.21; 20.19ве ольдюреджеклер, амма учюнджи куню О, тириледжек, – деди. Сонъ шегиртлерни буюк бир гъам басты.
Алла Сарайынынъ салымы акъкъында
24 #
Чыкъ 30.13; 38.26; Мт 22.17; Мк 9.33 Олар Къафарнаумгъа кельгенлеринде, Алла Сарайынынъ салымыны#17.24 Алла Сарайынынъ салымы – къ. юн. «дидрахмон», яни эки драхме. Еудийлер Алланынъ Сарайы ичюн эр йыл эки куньлюк иш акъкъына тенъ кельген салымны бере эдилер. топлайыджылар Пётрнынъ алдына келип:
– Сизлернинъ Оджанъыз Сарай салымыны береми? – деп сорадылар. Пётр:
– Бере! – деди.
25О эвге кирген сонъ, Иса биринджи лаф ачты:
– Симон, сенинъ фикиринъ насыл? Бу дюнья падишалары салым я да бергини кимден алалар? Озь огъулларынданмы я да ябанджыларданмы?
26– Ябанджылардан, – деди Онъа Пётр.
– Ойле олса, озь огъуллары салымдан азат экен де, – деди Иса. 27#Рим 13.7– Амма салым топлайыджыларнынъ джаныны агъыртмамакъ ичюн, сен гольге барып балыкъ къармагъы ташла. Биринджи тутулгъан балыкъны алып, агъзыны ачсанъ, бир акъча#17.27 Акъча – къ. юн. «статер», демек, дёрт драхме. тапарсынъ. Акъчаны алып, экимиз ичюн оларгъа салым бер, – деди Иса.
Àwon tá yàn lọ́wọ́lọ́wọ́ báyìí:
Матта 17: CTB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2016
Матта 17
17
Исанынъ корюниши денъише
1 #
Мк 9.2-13; Лк 9.28-36 #Мк 5.37; 14.33Алты кунь кечкен сонъ, Иса янына Пётрны, Якъупны ве онынъ къардашы Юханны алды ве тек оларнен берабер бир дагъгъа котерильди. 2#Дан 7.9; Сыр 1.16Исанынъ бутюн корюниши оларнынъ козьлери огюнде денъишти: Онынъ бети кунеш киби парылдады, урбасы исе козь къамаштырып бем-беяз олды. 3#Мал 4.5Бакъса, оларнынъ огюнде Муса ве Ильяс пейда олдылар да, Исанен субетлешип башладылар.
4Пётр Исагъа:
– Раббим, бу ерде бизге не яхшы я! Эгер истесенъ, мен мында учь чалаш къурайым: бириси Санъа, бириси Мусагъа ве бириси Ильяскъа олсун, – деди.
5 #
Текр 18.15; Еш 42.1; Мт 3.17; 2 Пётр 1.17 Пётр бу сёзлерни даа айткъанда, апансыздан бир нур сачкъан булут пейда олып, оларны кольгесинен къапатты. Шу булут ичинден бир сес чыкъты:
– Бу Меним севимли Огълумдыр, Мен Ондан разым! Оны динъленъиз!
6Бу сесни эшиткен шегиртлер буюк бир къоркъуда юзьлерини ерге берип йыкъылдылар. 7Иса оларнынъ янына келип, оларгъа тийди де:
– Къоркъманъыз, турунъыз! – деди.
8Шегиртлер козьлерини котерип, янларында Исадан гъайры кимсени корьмедилер. 9#Мт 8.4; 9.30; Мк 1.44Дагъдан тюшкенде, Иса шегиртлерине:
– Инсан Огълу олюлерден тирильмегендже, мында корьген шейлерни кимсеге айтманъыз, – деп буюрды.
10Шегиртлери Ондан:
– Не ичюн Къанун оджалары: «Башта Ильяс кельмек керек», – дейлер? – деп сорадылар. 11#Мал 4.5Иса оларгъа джевап берип:
– Бу керчек, башта Ильяс келип, эр шейни азырламакъ керек, – деди. 12#Еш 53.7– Мен сизлерге айтам: Ильяс энди кельди, амма оны танымадылар ве онен истеген шейлерни яптылар. Шойле де Инсан Огълу оларнынъ къолларындан чокъ азап чекмеге меджбур.
13 #
Мт 11.14; Лк 1.17 О вакъытта шегиртлер, Иса оларгъа Сувгъа Батырыджы Ягъя акъкъында айткъаныны анъладылар.
Иса джин ургъан баланы тедавийлей
14 #
Мк 9.14-29; Лк 9.37-43 Олар халкъкъа къайтып кельгенде, Исагъа бир адам якъынлашып, тиз чёкти де:
15– Эфендим, огълума мерамет эт! Онда тутарыкъ хасталыгъы бар, о пек чекише. Сыкъ-сыкъ де атешке, де сувгъа дала, – деди. 16– Баламны Сенинъ шегиртлеринъе кетирдим, амма олар оны тедавийлеп оламадылар.
17– Эй, имансыз ве бозукъ адамлар! Не вакъыткъадже сизлернен оладжам?! Не къадаргъадже сизлерге даянаджам?! Баланы бу ерге, Меним алдыма кетиринъиз! – деди Иса.
18 #
Мк 1.26; Фаал 8.7 Иса джинге чыкъмагъа эмир берди, ве джин чыкъты, бала исе шу ань тедавийленди. 19Сонъ шегиртлер, Иса бир Озю къалгъанда, Онъа якъынлашып:
– Биз джинни не ичюн къувып чыкъаралмадыкъ? – деп сорадылар. 20-21#Мт 13.31; Мк 11.23; Лк 17.6Иса оларгъа:
– Сизинъ иманынъыз аз. Сизге догърусыны айтам: сизинъ бир хардал урлугъы къадар иманынъыз олгъанда, сиз мына бу дагъгъа: «Бу ерден о ерге кочь», – дейджексиз, ве о кочеджек. Сонъ сиз япалмайджакъ шей олмайджакъ, – деди.
Иса кене Озь олюми ве тирилюви акъкъында айта
22 #
Мк 9.30-32; Лк 9.43-45 Иса шегиртлеринен Галилеяда олгъанда, О, оларгъа:
– Инсан Огълуны адамларнынъ къолуна тутып береджеклер 23#Мт 16.21; 20.19ве ольдюреджеклер, амма учюнджи куню О, тириледжек, – деди. Сонъ шегиртлерни буюк бир гъам басты.
Алла Сарайынынъ салымы акъкъында
24 #
Чыкъ 30.13; 38.26; Мт 22.17; Мк 9.33 Олар Къафарнаумгъа кельгенлеринде, Алла Сарайынынъ салымыны#17.24 Алла Сарайынынъ салымы – къ. юн. «дидрахмон», яни эки драхме. Еудийлер Алланынъ Сарайы ичюн эр йыл эки куньлюк иш акъкъына тенъ кельген салымны бере эдилер. топлайыджылар Пётрнынъ алдына келип:
– Сизлернинъ Оджанъыз Сарай салымыны береми? – деп сорадылар. Пётр:
– Бере! – деди.
25О эвге кирген сонъ, Иса биринджи лаф ачты:
– Симон, сенинъ фикиринъ насыл? Бу дюнья падишалары салым я да бергини кимден алалар? Озь огъулларынданмы я да ябанджыларданмы?
26– Ябанджылардан, – деди Онъа Пётр.
– Ойле олса, озь огъуллары салымдан азат экен де, – деди Иса. 27#Рим 13.7– Амма салым топлайыджыларнынъ джаныны агъыртмамакъ ичюн, сен гольге барып балыкъ къармагъы ташла. Биринджи тутулгъан балыкъны алып, агъзыны ачсанъ, бир акъча#17.27 Акъча – къ. юн. «статер», демек, дёрт драхме. тапарсынъ. Акъчаны алып, экимиз ичюн оларгъа салым бер, – деди Иса.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2016