Юнус 3
3
Юнус Аллагъа бойсуна
1РАББИ Юнускъа экинджи кере шай деди:
2 #
Юнус 1.1-2
– Тез буюк Ниневе шеэрине кет. Анда санъа берген хаберимни айт.
3РАББИ айткъаны киби, Юнус Ниневе шеэрине ашыкъып кетти. Ниневе шеэри пек буюк шеэр эди. Бутюн шеэрни айланып чыкъмакъ ичюн, учь кунь керек эди. 4Юнус шеэрге кирип, кунь бою шеэрде юрип олгъаны къадар юре ве бойле айта эди:
– Къыркъ куньден сонъ Алла Ниневе шеэрини ёкъ этеджек!
5 #
2 Тар 20.3; Узеир 8.21; Йрм 36.9 Ниневелилер Аллагъа иман этип, бир шей ашамайджакъ-ичмейджеклерини илян эттилер, оларнынъ буюги-уфагъы эписи къаба токъулгъан басмадан урба кийдилер. 6#Эюп 2.8; Ехез 27.30Хабер Ниневенинъ падишасына барып етти. О, тахтындан турып, урбаларыны чыкъарды, къаба токъулгъан басмадан урба кийди ве куль обасына отурды. 7Сонъ падиша озь адындан ве буюк адамларынынъ адындан бойле илян этмеге буюрды:
– Халкъ бир шей ашамасын-ичмесин. Айванлар, туварлар ве къой-эчкилер де бир шей ашамасын, отлакъкъа бармасын, сув ичмесин. 8#Йрм 18.8-11; 36.3Эм адамлар, эм айванлар къаба токъулгъан басмадан урба кийсинлер ве гъайретнен ярдым сорап, Аллагъа ялварсынлар. Эр кес озь яман ёлундан чевирильсин ве озь акъсызлыгъыны къалдырсын. 9#2 Пад 12.22; Ёэль 2.13-14; Ам 7.3, 6; Юнус 1.6Ким бильсин, бельки Алла къарарыны денъиштирир ве бизге языкъсыныр, Озь атешли гъазабыны бизден чевирир, ве биз эляк олмамыз.
10 #
Чыкъ 32.14; 2 Пад 24.16; Йрм 18.8 Алла оларнынъ ишлерини, яман ёлларындан чевирильгенлерини корип, оларгъа эвельден айткъан фелякетни ёллайджагъына языкъсынды ве беляны ёлламады.
Àwon tá yàn lọ́wọ́lọ́wọ́ báyìí:
Юнус 3: CTB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2016