Àwọn Ẹsẹ Bíbélì Tí Ọ̀pọ̀ Èèyàn Mọ Wlɔ 12

Pín

A 'la gɩlɩa 'bhlɛsʋ ‑naa 'la nʋnʋgbɩa. ‑Ma, 'naa a 'lɩ dɩgalɩ ‑lelia ‑ɩ cɩ ka 'lɛ anyɩ kaci na, ɩya a 'ka ɩmɩa Laagɔ ‑wa 'lɛ na cibhlili. Ɩmɩa ‑ɩ nanɩ 'lɛ, ‑ɩ ‑kɔɔ 'lɛ 'tʋ 'nyɩ ‑ɩ ‑kʋ 'lɛ 'fɩkɔfɩkɔ na.

Na, bholiecɩnyɩ, Laagɔ 'la ŋaazɩɩnlɩlɩɛa 'la gbʋ, n zʋ anyɩ 'tɛtɩɩn le a 'ma acɩ ɩya a va Laagɔ le ‑teyiyimla ‑ɩ ‑ja 'lɛ, ‑ɩ ‑kplɔ 'lɛ, 'nyɩ ‑ɩ ‑ka 'lɛ Laagɔ 'tʋ na 'bhisa. Ɩmɩ ‑ɩ ‑cɩ ‑ka 'lɛ gʋgwlalɩɛa 'titia a cɩ 'kɔɔ 'lɛ gʋgwla na 'plɩ.

A ‑ka 'lɛ pɔlɛkʋtɛlɔ na, 'naa pɔlɛ 'kʋ mɛma anyɩ, 'kwlɩbhɩɛ nɩkplaan, a kla pɔlɛ ɩya a 'la sɛa bhibhieli 'kʋ.

Na, ‑naa 'talɩa ncɩ 'cin ɩya nyinyi 'la ‑sɩɔ, ‑ma 'maa 'plɩlɩ 'nanɩnʋlɩɛ 'kʋ ɩya ‑n ‑sɩa nyinyi.

'Naa ‑walʋ kʋ anyɩ ‑gbaaglɩɩn, bholiecɩ 'bhisa ɩya a 'tɩtlakʋ ɩya a zʋzʋlʋ.

'Naa ala ‑walʋa, 'plɩ ‑walʋ 'titi. A zɔbhɛlɩ ‑abhɔlɛ ɩya wabha 'nanɩ.

A ‑ka nʋsa ‑ka na, a nʋ saa 'fɩan a cɩ 'lɛ mino na, ɩya pupue kʋ aya ncɛlɩa 'fɩan ‑gbaaglɩɩn.

'Na ‑wawabholiecɩnyɩ, a 'la ‑sa acɩ 'la kpa, ‑ma a te Laagɔ 'la dɔgbɛa ne ɩya ɛ nʋ. Sa, ɩ ‑zieo lebhe: ‑Kwlenyɔa nabhe, ‑Amʋ ‑ɔ ‑glɩ 'lɛ kpasanyɔa, ‑amʋ ‑ɔ cɩ ka 'lɛ nclɔɔ nclɔɔ, ɔla dlua ‑plʋ.

A lobho ‑Kwlenyɔ ala pɔlɛa 'ciin, ‑nwɔvilie ɩya kplaankplaannʋlɩɛ nɩkplaan.

Na, 'nanɩa Laagɔ nʋʋn 'lɛ le n 'plɩ Klisi 'la lobhulobhunyɔ* na ɩla 'sasʋʋn, n cla 'lɛ nclɔɔ nclɔɔ lebhe ɔ 'la 'maa ɔcɩ saa ɔ 'ta 'lɛ ‑kʋ na, ‑ma 'naa nclɔɔ nclɔɔ cibhlili ɔla saa ɔ ‑kʋkʋ 'lɛ na, daa pɔɔtɛtɛa Laagɔ 'nyɩɔ 'lɛ na cɩ 'lɛ ŋeni na ɩla 'sasʋʋn.

A 'la 'maa nyinyi ɩya a 'la ‑plʋa nyinyi dlu. A 'matɩ lebhe a 'ka ɩmɩa ‑ɩ nanɩ 'lɛ na nʋ, ncɛlɩa 'fɩan 'ci 'kʋ.

A kalɩ wɔɔnebhlo. A lia ‑tutule, ‑ma a ‑la ‑acɩ ‑dʋdʋ 'kʋ. A 'la laa acɩ dɩgalɩnya.

‑Ma, gbazɩ ŋɔmʋ ‑ka ‑naa ‑zɔbhɛlɩgbanyɔ 'bhla na, 'maa 'nyɩɔ 'nyɩ ɩya ɔ 'ka li. 'Nyɩ 'nyutʋ ‑ʋ ‑kɔɔ 'bhla na, 'maa 'nyɩɔ 'nyu ɩya ɔ 'ka 'mla. ‑Masa, ‑n ‑ka sɛɛ nʋ na, ka ɩla gbɩa palalɩ le saa ‑n gbɔtɔlʋɔ 'lɛ ‑kosuunpɔzalɩ 'wlu na.

A palɩ maa ‑ɔ sa 'lɛ anyɩ gbaylɩ na 'nyu. A palɩ 'nyu, ‑ma a 'la 'paa gbalʋ. Aya maa ‑ɔ nʋ 'lɛ ‑pɔpʋɛ na, nʋ ‑pɔpʋɛ, ɩya aya maa ‑ɔ tu 'lɛ na, 'tulu nebhlo.

A klalɩ a bholiecɩa ‑ɔ ‑mie 'lɛ na, ɩya a kla lowie 'kʋkpatɔlɩɛ nɩkplaan.

‑Masa, saa 'nyɛkɛa bhlogbɩɩ ‑ka 'lɛ 'blɩ ‑bhutukpa, 'nyɩ ɩmɩa ‑tɛtɛa 'ta 'lɛ lobholia 'kʋ 'wlalɩ na, 'sɛtɛɛ bhlogbɩɩ ‑anyɩ ‑ma ‑a ‑zu 'lɛ, 'nyɩ ‑a ‑glɩ 'lɛ 'nyɛkɛ bhlo Klisi nɩkplaan. ‑A ‑plaplalɩɔ nɩkplaan 'bhlɩmɔɔn, ‑ma nclɔɔ nclɔɔ ‑kʋ ɔla da.