Àwọn Ẹsẹ Bíbélì Tí Ọ̀pọ̀ Èèyàn Mọ 1 Tim 2

Pín

Sa Laagɔ ‑glɩ bhlo, 'nyɩ cɩzʋlʋnyɔ bhlogbɩɩ ‑kʋ 'lɛ ɔya ncɛlɩ ‑gbaaglɩɩn, ɔmɔ ‑ɔ ‑glɩ 'lɛ Zozi Klisi, nclɔɔa ‑ɔ ‑sa 'lɛ ɔcɩ ncɛlɩa 'fɩan 'la nɩkplaankplɩlɩɛ 'la gbʋ na. 'Lɩka ‑danʋfʋɛa ɔ li 'lɛ daa clɩɩa ‑ɩ ‑zʋɔ 'lɛ na, ɩ ŋeni 'lɛ na.

Na, n 'clalɩ ‑bɛɛ lebhe ma 'clalɩ Laagɔ, ma bhibhieo, ma zɩzlalɩɔ wlɩɩn ɩya ma bhɔlʋɔ ncɛlɩa 'fɩan 'la da. Ɩ ‑fata lebhe ma bhibhie nyɩbhɛlɩa ɩya ‑kwletocɩa 'fɩan 'la da ɩya ‑a ka pupueen kʋ ɩya -a 'ka Laagɔ gɩlɩ, -acɩ 'la zʋlɩɛ nɩkplaan.

Na, n ‑wa lebhe ŋodiea bhibhieli daa 'fɩan, ma ‑tla sɩ ‑laagɔɔn, ma kalɩ ‑kplɔkplɔpɔlɛ ɩya ma 'la kalɩa dɔgbɛ ɩya 'slaagbʋwugo. ‑Ɔ ‑glɩ 'lɛ 'ŋwlɛa na, n ‑wa lebhe ma falɩ mala nɩkplaanplalɩɛ ɩya mala cɩzʋzʋlɩɩa pɔlɛ cɩ. Ma 'la 'matɩlɩa mala nanɔa yooyo nyɩ 'la bhlalɩɛ, ‑asɩkɛ ɩya ‑blaazɩ ‑mizimizi nɩkplaan ɩya ma 'la plaa 'pɛlʋtɛtʋloku nɩkplaan, ‑ma nʋnʋgbɩ 'nyɩ ‑ɩ 'plɩ mala cɩzʋzʋlɩɩ, saa ɩ ‑fata 'lɛ lebhe 'ŋwlɛa ‑ɔ gɩlɩ 'lɛ Laagɔ na, nʋ na.