Àwọn Ẹsẹ Bíbélì Tí Ọ̀pọ̀ Èèyàn Mọ YAKUB 1

Pín

Ɓosiyonna, wakka tara'a tara'a ta nigi min ŋaf hiɗi na'ta nigi ma ziya' hiɗi firita, Kay nigi wi ala wakka vi vida vigiya vuɗ so-tuwta

May la sa jargiya yalla valam may asɗina, hinim job yalla tam Lawna ma vul hiɗi firita bay lawta, yalla ma vulis talamu kaw.

Nigi ɓosiyon sa hayan kigina, nigi ma wi ala, san gigekaw ma jak humamu kay hum gosoyo, may di gosoyɗi, muɗ ɦiy gosoyɗi kaw.

May la nanige kaw so-tuwta hob vun lop ma pasiyakŋa, kay nigi ma muɗ goy pasiyaki, va ma makgi mayɗi.

May ligi kuɗ yoboyna, nigi ma humum ɦawa'a kay ɗut tuwgi goyɗi.

Sle'ta ka kay sa ma col dono'o hay nemda, kay hay li ma wakka valamu vatawa, nam ma fi bogorayna vi irita ma Lawna ŋaɓam tam nisi sa minimna.

vulda jifiyta ta ŋaata hiɗi vulda ɦawata ta pasiyakka may kulo wuralawn pa; nam may kulo vi Lawna ma bum haraŋa, Lawn ma mu'ɗina, haraŋa valamu may mu'ɗi kaw.

Kay la san hum yoboyna, may li kuɗumɗi, nam ŋray ca ki sa ma ɗuw ir tuwamu hay kotoromna, hay li ma nam ɗuw ir tuwamawa, nam kal goy kayni, wulini wulini yalam jok ala nam ay ir nanige.

Vida gasita bay gese vok Lawna Bumna kayn ala: Sar guro sa kuyuna hiɗi boy sa duhulla hay lasta visiya, ŋom tuwaŋu kay liwisna vi nagata kaw.

La hay li ma san ka hay nemda, nam ma di ala Lawn nemanuɗi, kay joota fi nem Lawnɗi, Lawna kay tuwamu nem saɗi kaw. May nemda vi san gigekaw, hay li ma darta vi tuwamu naram goyo hiɗi nilamda.

May hin ɓasuki ma hawna subur tuwamu kay ŋolda valamu