Àwọn Ẹsẹ Bíbélì Tí Ọ̀pọ̀ Èèyàn Mọ Matayo 5

Pín

Naho wantu khawawasha taa na kuigubika na nyungu iya waiika uwanga ya kintu cha kuikia taa iyo, ili iwamuikie wantu wose weumo mwe nyumba. Viyaviya mng'ao wenu na uwamuike wantu, naho waone ntendwa zenu ntana, wamtogoe Tati yenu ekuwaye uwanga uko kwa Muungu.

“Nywie ni ung'azi wa inusi! Mzi wekuzengwao uwanga ya muima khaudaha kwefisa.

Wenda wawe na nyemi wada wenao moyo mtana, Kwaviya awo wenda wamwone Muungu.

Wenda wawe na nyemi wada wenye saa na khiu ya kugosoa akundavyo Muungu, Kwaviya wenda weguswe.

Akini miye nawamba, wakundiseni wamasa wenu na kuwavika wada wawasuumizao nywie

“Wendawawe na nyemi wada wantu wamanyao kuwa wamkunda Muungu mwe wekazi wao, Mana useuta wa uwanga kwa Muungu ni wao.

Wenda wawe na nyemi wada waetao uivanisi, Kwaviya awo wenda wetangwe wana wa Muungu.

Wendawawe na nyemi wada wekuwao na hovu, Mana awo wenda wahongezwe.

Wendawawe na nyemi wada wasuumizwao kwaajii ya kugosoa viya akundavyo Muungu, Kwaviya Useuta wa uwanga uko kwa Muungu ni wao.

Wendawawe na nyemi wada wenye mbazi, Kwaviya wenda wafiiwe mbazi.

“Mwenda muwe na nyemi nywinywi wantu wendaho wawabee na kuwasuumiza na kuwagombeka ya ufyaimi wa mbai yoyose kwa uhokho kwaajii ya miye. Muwe na nyemi muno kwaviya funge yenu ni khuu uko uwanga kwa Muungu. Ivyo nee wekuwasuumizavyo waoni wa Muungu wekuwaaho kisingi khamzati kuwaaho.

Wenda wawe na nyemi wada wahuhusi, Mana wendawahokee si ambayo Muungu ekuwaikiayo kiaga endaawekhe.

“Nywie ni munyu wa inusi. Akini munyu ukaza umwiiye wakwe khaidahika vituhu kuvuza umwiiye wakwe, iya kwasigwa chongoi na kujatwa ni wantu.

Naho mwesekuhungukiwa na kintu chochose inga Tati yenu wa uwanga kwa Muungu ambavyo khekuhungukiwa.

Ukagombeka, ‘Eehe, naiwe eehe’ Na ukagombeka, ‘Khio kwei naiwe khio.’ Chochose kitendesacho chalawa kwa yuda Ibiisi.

“Mtegeeza nee igombekwa, ‘Ziso kwa ziso, zino kwa zino.’ Iya miye nawamba, usekuiha masa kwa mntu ekukugosoeaye mafyaimi. Mntu akakutoa kofi funda da kuume, mhituiye na dakumoso.

Ziso dako da kuume dikakutenda ugosoe mavigaviga diuse ukadase hae. Ni ebae kwaza kimamo kimwe cha mwii wako kusima mwii wako wose utambikwe mwe tubwi diwakado moto wesaokukomeka. Na inga mkono wako wa kuume ukakutenda ugosoe mavigaviga usenge na uwase hae. Ni ebae hako kwaza kimamo kimwe cha mwii wako, kusima mwii wako wose utambikwe mwe tubwi diwakado moto wesaokukomeka.