Àwọn Ẹsẹ Bíbélì Tí Ọ̀pọ̀ Èèyàn Mọ Rɔmënyüü 4

Pín

Wiili Nyɔsʋa 'saalɩ nɩ, 'ɔnyɩ 'iin dɛrɩ ‑a sɔ, 'ɔ toro 'ɔɔn plɛa 'doo. 'Ɔa nyɔsʋaplɛ nya nyɔnyrɔ ‑gböösa 'sɔɔwʋ ‑bɛ 'ɔ 'bʋala Nyɔsʋa. Wiili kä 'doo 'ɔ 'piea' plɛ ‑gälɩ 'iibä: Nyɔsʋa 'mrɛɛ ɔ nʋ wiili 'ɔ 'daaa'.

'sɩrɩ 'i ‑jɩjraa' nyɔsʋapɔɔkʋ 'lɩ ‑maa: «'N nrörö ‑mɩ 'plä 'kɔkɔmlɛa tʋ 'lɩ .» Abraamë bä ana tʋ Nyɔsʋalɔ 'ɔ toroa' plɛa 'klɔɔtrʋ. 'A Nyɔsʋalɔ tɛrɛa' jäjänyüü 'kä ‑bɛ ɔ wea' diili ‑kaapɩɔa' 'plä 'wʋ bä ‑bɛ ibäa' 'plä 'wʋ.

'Ɔ 'sara ana ‑balʋa ‑gʋ; Nyɔsʋa 'ba 'ɔɔn 'kuaabre 'ɔmä amɩ 'klɩgä 'ɔa 'klɔɔtrʋ.

‑Plɩɩlɩ plɛ ‑kanyɩa' 'piesa bä nɩ, 'ɔa plɛ ‑ka 'pi 'lɩ 'ɔ toro Nyɔsʋa plɛ. 'Asɩ 'ɔ nʋ 'plä 'kɔkɔmlɛa tʋa bäbäkʋ 'sɩrɩ Nyɔsʋa ‑gbala käa' 'ɔɔn ‑maa: «'Asɩ ‑na 'jü 'mä bä .»

'A 'ia ‑gʋ nyɔɔa nyɔsʋaplɛtorokʋ kälɩ 'ɔ ‑srörö 'kä 'ɔ jö ‑jaaa, 'ia ‑toko 'mä Nyɔsʋaa ‑gbinanakʋ bä. ‑Bɛ wiili Nyɔsʋa 'daaa' 'ɔmäa' nʋ ‑bɛ 'imäa' Abraamëa 'jüa 'fɩɔa dɛɛ bä nɩ, ‑mää ‑mülü kä 'doo ‑trääräa' 'lɩ ‑dɔ ‑a, ‑maa nyüülü toroa' bɩa Nyɔsʋa plɛ 'sɩrɩ Abraamë toroa' 'ɔɔn plɛ. 'Ɔɔ bä ana 'fɩɔa tʋ

Dɔrʋ 'blaa nyüülü kä bʋbɔgbi Nyɔsʋa cerea'; nyüülü kä ‑balʋ 'ɔ 'baaa' 'lɩ. Dɔrʋ 'blaa nyɔɔlɔ kä ‑balʋ 'Pläkänyɔɔ 'nyɩ 'daraa' wii !

‑Asɩ nyɔsʋapɔɔkʋ ‑gbala amɩ le? 'U nɩnɩa: «Abraamë toro Nyɔsʋa plɛ, 'a 'ia ‑gʋ Nyɔsʋa 'dara 'ɔɔn 'klɩgänyɔɔ .»