Àwọn Ẹsẹ Bíbélì Tí Ọ̀pọ̀ Èèyàn Mọ Rɔmënyüü 3

Pín

Nyüüa 'fɩɔ nʋ ‑balʋ, 'ia ‑gʋ Nyɔsʋa 'ba 'üün 'ɔa 'wliklɩbʋabʋakʋ kälɩ. ‑Maa Nyɔsʋaa ‑gbinanakʋ 'lɩ 'ɔ ‑gä 'üün 'klɩ 'flɛɛlɩ. Jesu 'Kriisë 'ɔ ‑srörö kälɩ 'ɔnya 'balɩ 'üün mlɩ.

'Klɩgägäkʋlʋ sɔa' 'ɔɔn kälɩ nɩ, Jesu 'Kriisëa plɛtorokʋ 'lɩ 'u ‑srörö 'kä 'u jrä nyüülü kä 'fɩɔ toroa' Nyɔsʋa plɛ ‑gälɩ; 'be nyüüa 'fɩɔ bä dɛɛ 'dee.

'A 'Kriisëlɔ Nyɔsʋa ja 'ɔ nrörö ‑gbɔ 'lɩ, 'ɔa ‑toru 'mä 'kägblɔɔ ‑bɛ 'ɔa 'crɛ 'mä 'wʋcie, nyüülü toroa' 'ɔɔn plɛ, 'üa ‑gʋ. Nyɔsʋa nʋ 'imɩ 'ɔmä nyüü ‑gbala 'sɩrɩ 'ɔ ‑gäa' 'klɩ, 'be ‑kätɩsa nɩ, ‑balʋlʋ nyüü ma nöa' nɩ, 'ɔ ma nö 'sɩrɩ 'ɔnyɩ 'jäa' 'üün 'wʋ, 'be ‑glaaa 'ɔ ma ‑glaaa. 'Ɔ nʋ 'imɩ 'ɔmä 'saarɩ nyüü 'ɔa 'klɩgägäkʋ srara. 'Ia 'taɩn 'lɩ nɩ, 'ɔ ‑gäklɩ ‑bɛ 'ɔ ‑gäää bɩa nyɔɔlɔ toroa' Jesu plɛ 'klɩ.

Nyɔɔ 'doo nyɔɔ 'doo ‑nëmä 'klɩ ‑a ‑gä 'ɔa 'klɔɔtrʋ ‑dɔa 'lɩträäräkʋ ‑a ‑gʋ; 'be ‑dɔ srara nyɔɔ dɛɛlɛ bäa' ‑balʋ.

'sɩrɩ 'i ‑jɩjraa': 'Klɩgänyɔɔ 'doo 'doo 'nyɩ 'lɩ ‑a bä; 'Lɩglanyɔɔ 'nyɩ 'lɩ ‑a bä, nyɔɔlɔ 'mäa' Nyɔsʋa 'bata, 'ia nyɔɔ 'nyɩ 'lɩ ‑a bä; 'Üa 'fɩɔ 'a 'mʋfanyʋfɔ 'wʋsɔ, 'üa 'fɩɔ 'a bʋblɔ; nyɔɔlɔ 'mäa' 'cɩcagbi nʋ, 'ia nyɔɔ 'doo 'doo 'nyɩ 'lɩ ‑a bä .

‑Jäsɩ a ‑gbaa' nɩ: nyɔsʋaplɛtorokʋa ‑gʋ nyüü ‑gäklɩ, ‑maa ‑mää ‑dɔa 'lɩträäräkʋa ‑gʋ ‑a.

'Büa! A kä amä 'saa jre Nyɔsʋa bä 'cɩcasa, ‑bɛ nyüüa 'fɩɔ kä ‑gbagblɛ 'sɩrɩ 'i ‑jɩjraa' Nyɔsʋaa ‑pɔɔkʋ 'lɩ: Nyüü 'mä 'iin jre 'sɩrɩ ‑bäa' 'cɩcasa ‑na 'papawiia 'mlɩ, ‑bɛ ‑mä 'wʋsi 'taɩn 'lɩ 'ümäa' ‑na ‑gä ‑tʋ .