Àwọn Ẹsẹ Bíbélì Tí Ọ̀pọ̀ Èèyàn Mọ Mataayo 28

Pín

Mbe, mugende ku‑bhaanu bha amaanga goone mubhakore okubha abheeyigisibhwa bhaani. Mugende mukore kutyo kwa okubhabhatiija kw‑isiina rya Raata, na erya Omwana na erya Mwoyo Mweru, na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

Mbe, Yeesu ˆnaabhafogera‑ko, ˆnaabhabhwira ati, “Nyamuwanga anaaye obhuturo bhwone bhwa mu‑rwire na obhwa ku‑chaaro.

Nawe maraayika oyo, ˆnaabhwira abhagasi bharya ati, “Musige okuubhaya! Enimenya ati mwijire okuyenja Yeesu unu ꞉bhaabhumiiriiye ku‑musarabha. Atari‑wo anu! Aasuuruka okusooka mu‑bhafuuwe, rwa kutyo aariga abhabhwiriiye. Muuje murore anu bhaariga bhamumaamiisye.

Niwo Yeesu ˆnaabhabhwira ati, “Musige okuubhaya! Mugenda mubhwire abhayiri bhaani bhagende Gariraaya, eyo niyo abhaja okundora.”

Niwo abhakuru bha abhagabhisi abho nibhabhugana aamwi na abhakuru bha Abhayawudi, nibhaayikana na okuramura kutyo abhaja okukora. Nibhayaana abhasirikare abho jipirya nyafu, nibhabhabhwira ati, “Araabha omuunu woonewoone akabhabhuusya inguru ya gunu gwakorekana, mwayike ati, ‘Mu‑ngeta bhunu chaari chiwongeeye, abheeyigisibhwa bhaaye bhaaja nibheebha omutumbi gwaye.’ Araabha Piraato akoongwa omusango ogwo, eswe echija okusimura nage, korereki mwasiga okubhona inyaako.” Niwo abhasirikare nibhagega jipirya nibhakora rwa kutyo ꞉bhaabhwiriiywe na abhakuru abho. Emisango jeebhwe ja orubheeyi ejo nijiswirana muno mu‑Bhayawudi na bhachaajitonda okukingira reero.