Àwọn Ẹsẹ Bíbélì Tí Ọ̀pọ̀ Èèyàn Mọ Jeelim 21

Pín

BAŋA Wɛ ma ta de Moses o we, “Nam yɔɔre n mɔ basankwea, se n daare n kwei-ka n lei daa yera ne. Basankwe sem ná done wolo maama, kotu wó kwoni o nii-ka se o ma jwoŋi o ŋwea.”

Moses ma kwei channa o ma o mɔ basankwea o daare o lei-ka daa yera ne o zege-ka deiki. Wolo maama basankwe sem na done ye o kwoni o nii channa basankwea kam to mo jwoŋi o ŋwea o yage.

Ba maa ŋwaane Wɛ de daane Moses ye ba we, “Moses, bɛ mo ye nmo yɔɔre n ja debam n nwoŋi Ejipti wone, se dé ba dé te kagoa kanto wone? Wodi-laao tera ywo-seeni. Na de maa tera se dé nyɔ. Dé yera de laam chɛ de wodi-yɔɔ konto.”

BAŋA Wɛ ma pa se basankwe selo ni na chana to to Isarele tiina bam wone, ye se done ba dedɛ se go.

Nɔɔna bam badwonna ma vo Moses tei ba ta ba we, “Dé na ŋɔɔne dé chɔge BAŋA Wɛ de nmo to, ko ye wɛleere mo dé kea. Nam lwoori BAŋA Wɛ n pa debam, se o pa se basankwe sento viiri se daare debam.” Moses de ma lwoori Wɛ o pa nɔɔna bam.