Àwọn Ẹsẹ Bíbélì Tí Ọ̀pọ̀ Èèyàn Mọ Jeelim 20

Pín

Ko daare BAŋA Wɛ ma ta de Moses de Aron o we, “Abam nam wo ke á wo-dedoa de amo se ko pa Isarele tiina bam lɔre we, amo yɔɔre a ye wose. Á wo-dedoa kam na muri to ŋwaane, a daa bá pa abam chwoŋa se á ja amo nɔn-kɔgɔ kom á vo á zo tega kalo a na lage a pa-ba to wone.”

“Zaŋe n kwei n nacheiga kam se nmo de n zembaaro Aron vo á la kɔ-fɔrɔ kom maama á ke daane. Laam zege ba yiga ne n ŋɔɔne de peo kolo na zege tento to. Na wó ta ba nwoŋi ko yera ne. Chega to, nmo wó pa na taa nwoŋi peo kom wone ba pae nɔn-kɔgɔ kom de ba vara bam se ba taa nyɔa.”

O laam ma zeiŋi o jeŋa wɛɛne ye o kwei o nacheiga kam o ma mage peo kom kuni belei. Na-fɔrɔ ma pɔpɔ ba wuura ye ba chuura, pa se nɔɔna bam de ba vara nyɔ.

O de Aron ma ja nɔn-kɔgɔ kom maama ba vo ba zege peo kom yiga ne. Moses laam ma ta de nɔɔna bam o we, “Abam zwabani-nyena banto, cheigi-na! Debam mo jege se dé pa se na ta ba nwoŋi peo konto ne se á nyɔ na?”