Àwọn Ẹsẹ Bíbélì Tí Ọ̀pọ̀ Èèyàn Mọ Mataio 5

Pín

E hēai he tino e ia tutua he mōlī ma tuku ai ki lalo o he tānoa; kae e tuku e ia ki luga o he tūgālāmepa, te mea e māina ai ki nā tino uma i loto o te fale. Ke vēnā foki oi māina atu tau mōlī ki tagata, kae ke kitea ai e kilātou au mea lelei e fai, ma vīkia ai te koutou Tamana i te lagi.

“Ko koutou e vē ko he mōlī mo tagata uma o te lalolagi. Ko he kakai e fau i luga o he mauga, e hē mafai ke hē kitea.

Amutia nā tino e loto mamā; auā ka kitea e kilātou te Atua!

Amutia nā tino e fia kakai ma fia inu ki te āmiotonu; auā ka fakamaliegia kātoatoa kilātou e te Atua!

Kae ko au e lea atu nei kia te koutou: alolofa ki nā tino e fai koutou ma o lātou fili, ma tatalo mo kilātou e fakahāuā atu kia te koutou

“Amutia nā tino e kilātou iloa to lātou mātitiva i nā mea tau ki te Atua; auā e o kilātou te Mālō o te lagi!

Amutia nā tino e fakatupua te fīlēmū; auā ka takua kilātou ni fānau a te Atua!

Amutia nā tino e fakanoanoa; auā ka fakamāfanafana kilātou e te Atua!

Amutia nā tino e maua i hāuāga ona e kilātou faia te finagalo o te Atua; auā e o kilātou te Mālō o te lagi!

Amutia nā tino e alolofa ki iētahi tino; auā ka alofagia kilātou e te Atua!

“Amutia koutou kāfai koutou e fakamātagā ma fakaogohia e tagata, ma kilātou faia ni talapepelo kino kehekehe e uiga kia te koutou, ona ko koutou ni hoko e o oku. Koutou ke fiafia ma olioli, auā e i te lagi te koutou taui lahi. Nae vēnei foki lava nā fakahāuāga nae fai e tagata ki nā pelofeta i nā aho kua teka.

Amutia nā tino e loto maulalo; auā ka maua e kilātou nā fakamanuiaga kua uma te folafola e te Atua!

“Ko koutou e vē ko he māhima ki tagata uma o te lalolagi. Kae kāfai te māhima e uma tona kokona, e mafai vēhea nei ke toe fakakokona? E hē toe aogā ki he mea kae nā ko te togi lava ki fafo ma holi i vae o tagata.

E tatau koutou ke lelei kātoatoa—e vē ko te koutou Tamana i te lagi e kātoatoa tona lelei.

Kae lea oioti, ‘Io’ pe ‘Hēai’—ko ho hētahi mea e lea ai koutou, e mai ia Hatani.

“Kua fakalogo koutou ki nā akoakoga, ‘E hui te mata i te mata, ma te nifo i te nifo.’ Kae ko au e lea atu nei kia te koutou: nahe tauia e koutou he mea kino a he tino na fai kia te koutou. Kāfai tō pākōkō taumatau e po e he tino, liliu ki ei tētahi pākōkō.

Ko te mea ia, kāfai ko tō mata taumatau te māfua ai oi agahala koe, gape kehe oi tīaki. E hili atu te māumau o hō itūtino i lo te togi o tō tino kātoa ki Kēna. Ma kāfai ko tō lima taumatau te māfua ai oi agahala koe, tipi kehe oi tīaki. E hili atu te māumau o hō lima i lo te togi o tō tino kātoa ki Kēna.