Àwọn Ẹsẹ Bíbélì Tí Ọ̀pọ̀ Èèyàn Mọ Nk 32

Pín

Eyoñe bôt be yeneya na Môze a boya te ji'a bulan e nkôle si, ane be nga sulane vôm Aron a nga too a jô nye na: Kôlô'ô si a bo bia bezambe ba ye wulu ôsu viangan, amu Môze, nyô a nga bo na bi bet a kôlô Ejipte; bi nji yem jam e kuiya be nye.

Ane Nti a nga jô Môze na: Bo'o avôle ya sis, amu bôt ô nga soo be Ejipte be boya nsem. Be ji'aya li'i *zen me nga liti be; be boya bebien mone nyak a mvot é ne nyeman, be kuteya meboñ si ôsu vié, a be veya mimvean, a be jôya na: A Israél! Tame yen bezambe be nga soo wo Ejipte.

Eyoñ Aron a nga yene jame di ane a nga lôñe ata'a metuna'a ôsu vié a yôtane na: A akiti, abôk da ye bo mfa'a duma Nti. Tyé kpwaa, be nga kôlô si ndibe ntyé, a ve mimvean mi ne mingumba, a liti mimvean ya nlatane ngbwa. Ane bôt be nga tabe si a di a nyu; ane be nga kôlô si a bo mevak.

Tyé kpwaa, Môze a nga jô bôte na: Mi boya beta nsem. Eyoñ ji ma zu bet be Nti, éyoñ éziñ ma zu bo na Zambe *a jamé minsem mienan.