Àwọn Ẹsẹ Bíbélì Tí Ọ̀pọ̀ Èèyàn Mọ Nk 31

Pín

Ô lôô, me nga loone Besalél mona Uri, mona Ur ya *nda bôte Yuda a jôé dé. Me nga jalé nye a nsisime Zambe, wu ya fek, wu ya atyeñ a ñyemane mam ya yeme bo bisaé bi atyeñ mevale mese, mfa'a ya bôndé mefek ya bo bisaé bia sili atyeñ, mfa'a ya saé mvot, silba a bidima *mekok, mfa'a ya kpwelé *mekok a bilé a bo mevale bisaé mese.

Wo, kobô'ô bôte ya Israél a jô be na: E ne fo'o na, mia ye ba'ale besabat bam amu da ye bo ndem e zañe jenan a ma, e miaé mienan mise, nalé bôt ba ye yeme na me ne Nti, nyô a telé mia étyi.

Jam di da ye bo ndem ja ye tabe nnôm éto e zañe jam a bôte ya Israél; amu Nti a nga té yôb a si môse misaman, ve môse zamgbwale ñwô a nga telé ésaé jé a wo'on.