Dị Ịsọọrụ hị́ ọza anaā za ẹnya ịrẹkụụ gụ ọ dị ọ ka ọ̀ tụ̀ ụhwọ anị dị ọ̀ sị wụ ọnị nị. Ịsọọrụ ka à yị vị avọọ ẹẹmẹ ẹnẹ ẹ̀ yị ma jị ụvẹvẹnẹ aanị va wụ ọnị, dị ẹ yaa sị ọnịị mẹ ịyẹyẹ. Ama angwa ee hi ọza ọnọọ anaā za ẹnya ịrẹkụụ gụ Ịsọọrụ, ọ yị nyayịnẹ mẹ ịsị Ịsọọrụ ka ọ̀ mẹ. Dị Ịsọọrụ ọnị ụvọta tụ̀ ụhwọ anị, dị ọ sị wụ ẹngụ anị nị. Ịjị ọza ọnọọ anaā za ẹnya ịrẹkụ gụ Ịsọọrụ aanị re ka Ịsọọrụ ô wusu, dị ọnị rẹ tụ̀ ụhwọ anị dị ọ sị wụ ẹngụ anị nị.