Àwọn Ẹsẹ Bíbélì Tí Ọ̀pọ̀ Èèyàn Mọ 1 Ịsamụwẹrị 17

Pín

Di Idevidi tụ́ Anihwirisiti ọnọọ ohi dị ọ ka, “Wa sị ụhwọ ọnịrị ọha irenyi-irenyi aa tụra ka mị vẹ, ama ẹmị vị ana sị ayị tụra Ohomorihi Ochẹtẹẹngụ di mee vee tù wu. Ọnị ọ vị Ohomorihi isoja Anisirẹrị ọnị ụ maanị aa sịị mẹ ịyẹyẹ nị.

Avaba aza ana gụ aanị vaa yẹ ka ẹ yị vị ụhwọ àa vị ọha Ẹnẹyịmavara sịị dọ ọzaa tụ́. Ịrẹkụ ọnọnị vị ịrẹkụ Ẹnẹyịmavara, ọ vaa sị wụ nịnị chire yi ụvọ.”

Di Idevidi rẹ ka Ohomorihi ama dọ ọnị hụrẹ ụvọ idu ọnịrị ọdụmị rẹ vavọọ vaa dọ ọnị hụụnị ụvọ Anihwirisiti ọnọnị. Dị Ịsọọrụ ka Idevidi ọ̀ọ na, ka Ẹnẹyịmavara vaa yàa pe e.

Ẹnẹyịmavara aa sị wụụ chire mị ụvọ ịzẹnị ka ma wụ̀ wụ ajịnị. Maa wụ̀ wụ, dị mị jị wụ ịrẹsụ kwooze. Ajịnị mi maa sị oku isoja Anihwirisiti yi inomi ene hi ẹbẹẹba ọnịrị uye ịnị avị nị. Avaba anẹhẹ vaa yẹ ka Anisirẹrị ệ nyị Ohomorihi.

Di Idevidi si okutẹ anị rị ụvọ nị. Dị ọ tọ̀ọ́ ịrẹta nyọọnyọrọ ẹẹhị hụụnị okuha, dị ọ kụ́ o hi ini ampo ọnị ọ́ọ zaa zi èe sere ịsụpa nị. Ampo ọnọọ vị ana yarị ọ. Dị ọ sị ọnanta anị rị ụvọ, di ee teree pe Anihwirisiti nị.

Idevidi mè tù ịda Ịsọọrụ dị ọ kà a yị Ịsọọrụ dị ọ ka asị a nyị ọza ana ayị hụrẹ ịnẹ agụvị Anihwirisiti ọnọọ. Ọ kà ọnị Idevidi ozida Ịsọọrụ ve nee pe Anihwirisiti ọnọọ kụ̀ ịrẹkụ.