Àwọn Ẹsẹ Bíbélì Tí Ọ̀pọ̀ Èèyàn Mọ MATHAYO 28

Pín

Kwoogu îthiini bûgatuîkithie antû ba nthîgûrû cionthe arutwa baakwa, bûkîbabaatithagia kwa riîtwa rîa Baaba, rîa Mwana na rîa Kîrundu Ûmûtheru. Na bûbarutanage kwathîkagîra mantû monthe mara mbwathîîte. Na ûkeegagua ndî amwe naabi kinya îgiita rîa mûthiro wa nthîgûrû.”

Rîra Yiesû aayire abeera, “Impeetwe wathani bunthe îgûrû na nthîgûrû.

Mûraîka eera eekûrû babu, “Tigaani kûmaka. Imbiyî i Yiesû ûra arambîîtwe bûgûcûa. Îndî atirî gûkû nariûkire wata bûra augire. Ncûûni bwone ara araigîîtwe.

Yiesû abeera, “Tigaani gûkuthûka. Îthiini bwîre aruayia bathi Gariiri i noogo tûkoonanîra.”

Athînjîri bara banene ba Ngai na akûrû baarûtha mûceemanio. Baarûtha mûbango baanenkera acikaarî mbia inyingî mûno. Babeera bakaaya kûûrua i muntû bamwîre n'arutwa ba Yiesû baraayire ûtugû bamaami baiya mwîrî wake baathi na uu. Babeera, “Weegua mantû mama magaakinyîîra ngabana tûkamwoneeria wabu i bu kûrî kaingo bûtoona thîîna.” Acikaarî baathûkia mbia baarûtha wabûra beerirwe. Na rûru i ru rûgono rûra Ayaundi baatambiirie mwanka îmunthî tûrî.