Àwọn Ẹsẹ Bíbélì Tí Ọ̀pọ̀ Èèyàn Mọ Khiav Dim 7

Pín

Tus TSWV hais rau Mauxes tias, “Kuv yuav ua kom koj zooli Vajtswv rau Falaus, thiab koj tus tijlaug Aloos yuav ua koj tus cevlus.

Tiamsis Kuv yuav ua kom Falaus muaj lub siab tawv heev, txawm yog nws yuav pom Kuv ua tej txujci txaus ntshai heev nyob hauv tebchaws Iziv no npaumtwg los nws yuav tsis mloog koj tej lus. Thaum ntawd Kuv yuav tsa Kuv txhais tes rautxim hnyav rau cov Iziv thiab yuav coj Kuv haivneeg Yixalayees txhua xeem tawm hauv tebchaws Iziv mus.

Thaum Kuv tsa Kuv txais tes los tawmtsam cov neeg Iziv thiab coj haivneeg Yixalayees tawm hauv lawv lub tebchaws mus, lawv yuav paub tias Kuv yog tus TSWV tiag.”

Falaus txawm hu nws cov neeg txawjntse thiab cov txawj ua yeessiv tuaj, thiab lawv ua tau yeessiv ib yam li Mauxes nkawd ua. Lawv muab lawv tej pas pov rau hauv av, tej pas ntawd txawm hloov ua nab tag li thiab. Tiamsis Aloos tus pas nrig muab lawv tej pas nrig nqos tag huv tibsi lawm.

Falaus, tus TSWV hais tias zaumno koj yuav paub tias Nws yog leejtwg los ntawm tej txujci uas Nws tseem tabtom yuav ua no. Koj saib nawb, kuv yuav muab tus pas nrig no nplawm tus Dej Nais, mas tus dej yuav hloov ua ntshav.

“Yog Falaus hais kom neb ua txujci rau nws saib, ces koj kom Aloos muab nws tus pas nrig povrhees rau ntawm Falaus xubntiag, ces tus pas ntawd yuav hloov kiag ua ib tug nab.” Yogli ntawd, Mauxes thiab Aloos txawm mus cuag Falaus thiab ua rawsli tej uas tus TSWV tau xaaj tseg rau nkawd. Aloos muab nws tus pas nrig povrhees rau ntawm Falaus thiab nws cov nomtswv xubntiag, ces tus pas ntawd txawm hloov kiag ua ib tug nab.