If you would like a copy of this version please contact info@davaraudiobibles.org

Matengo Bible, CC-BY-SA-4.0, The Word for the World International and Matengo Language Translation, 2020. (Text)
Matengo New Testament Audio Bible, CC-BY-SA-4.0, Davar Partners International, 2024. (Audio)

Matengo New Testament

<div class="version vid3941 iso6393mgv" data-vid="3941" data-iso6393="mgv">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Lilobi lahengika kuba mundu</div><div class="p"> 1Pakwatumbuliya kwabiya ni Lilobi, ni lilobi heli labiya kwaka Sapanga nalombi ndi labiya Sapanga. 2Toka pu utumbuli jakabii pamu na Sapanga. 3Kupete jombi, Sapanga jabomba hindu yoti, wala nga sindu sokapi sesabombika sanga jombi. 4Jombi ndi utumbulii gwa womi, na womi gola guletiki unang'anu kwa bandu. 5Unang'anu gola gwanang'ana pa lwii, na lwii ngaselwawesiki kususua.</div><div class="p"> 6Sapanga antuma mundu jumu, lihina laki Yohana. 7Hoju jahika kaapwagi bandu majambu gu unang'anu. Jahika ili bandu boka ajoana malobi gaki nu kunhobale. 8Yohana we hoju ngasejabii unang'anu gola, lakini jahika pee kaapwagi bandu kupete unang'anu gola. 9Gongo ndi unang'anu wa sakaka, goguhika pundema pani, kwaanang'anii bandu boka.</div><div class="p"> 10Ndienu Lilobi jabii pundema nu kupete jombi, Sapanga jabomba nndema hogu, lakini bandu bupundema ngasebummanyiki. 11Jahika kwa bandu baki, lakini bandu baki ngasebunzopike. 12Lakini boka babunzopa, ndi bala babuhobali, jaapekia uwesu gakuba bana baka Sapanga. 13Bababi bana baka Sapanga nga ngati easaliwa bandu bangi, ngasebasaliwi ngati mundu ejupala ila ngati ejupala Sapanga, ila Sapanga mweni babii Atati babu.</div><div class="p"> 14Lilobi jwabiya mundu, jwatama pamu natwepani. Natwepani tugubona ukolongu waki, ulumbii waki jombi jojubii Mwana wakajika wa Atati a Sapanga, jutweli wamboni na sakaka.</div><div class="p"> 15Yohana jaapwajila bandu majambu gaki, japwaga sukujamali, &#8220;Jonzo ndi jonapwaga majambu gaki panapwaga, &#8216;Juhika mundu jumu munyuma jangu nkolongu kupeta nepani, ndaba jabii kabula jukusaliwa nepani.&#8217; &#8221;</div><div class="p"> 16Ngati ejubii jwaamboni ngamaa, natwepani kuhuma kwaki tujopiki mbenge hingi ngamaa. 17Ndaba Sapanga japia Malagalakilo kupete Musa, lakini umboni waka Sapanga na usakaka yahika kwii indela jaka Yesu Kilisitu. 18Nga mundu joambweni Sapanga. Lakini Mwana wa kajika, jojubii Sapanga jojupaliwi na Atati baki, jonioju ndi jojutupwagi majambu gaka Sapanga.</div><div class="s">Majambu gaka Yohana mbatisa</div><div class="r"> Matei 3:1-12; Maluko 1:1-8; Luka 3:1-18</div><div class="p"> 19Ganga ndi malobi gaka Yohana gajaapwagila aka kilongosi ba Ayaudi buku Yelusalemu pababi baatumiki kwaki agolu na Alawi ili bundalukiya, &#8220;Boo we wa nyanye?&#8221;</div><div class="p"> 20Yohana ngasejakaniki kujibu liswali lela, ila japwaga pee hotuhotu, &#8220;Nepani nga ni Kilisitu nkombosi?&#8221;</div><div class="p"> 21Ndienu bundalukiya, &#8220;Boo henu we wanyanye? Boo weapa lee wa Elia?&#8221;</div><div class="p">Yohana jajibua, &#8220;Nganenga!&#8221;</div><div class="p">Bundalukiya babe, &#8220;Boo Mlota waka Sapanga jola ndi lee weapa?&#8221;</div><div class="p">Yohana jajibua, &#8220;Nganenga!&#8221;</div><div class="p"> 22Henu bupwagila, &#8220;Henu we wanyanye? Boo gupwaga bole kuhusu wamwete? Utupwagila ili tujenda takapwagila bala babututumiki.&#8221;</div><div class="p"> 23Yohana japwaga, &#8220;Nepani ndi jojanongaliya Mlota Isaya pajapwaga,</div><div class="q">&#8216;Mundu jujamali pulukoba.</div><div class="q">Mujinyosa indela jaka Bambu.&#8217; &#8221;</div><div class="p"> 24Likundi laka Afalisayu ndi bababii baatumiki bandu haba, 25bundalukiya Yohana, &#8220;Ana we nga wa Kilisitu wala nga wa Elia, wala nga u Mlota, henu ndaba ja kii gutenda kabatisa bando?&#8221;</div><div class="p"> 26Yohana jajibua, &#8220;Nepani numbatisa kwa masi. Lakini pikilanda jinu jubii mundu mwanganya ngasemumanyike. 27Jojuhika munyuma jangu hoju, nepani ngasembalika hata kukonga lunyusi lwii latu saki.&#8221;</div><div class="p"> 28Majambu haga gahengika ku musi uku Betania kwii ja losi luku Yoludani, kojabii Yohana jwakabatisa bandu.</div><div class="s">Mwana Likondoo waka Sapanga</div><div class="p"> 29Lisoba la pili Yohana ambona Yesu akuhikila, japwaga, &#8220;Linga lende ndi, Mwana Likondoo waka Sapanga, jojuijukua mahakau ga bandu bupundema! 30Jonzo ndi jonalandila majambu gaki kupwaga, &#8216;Jwiihika mundu munyuma jango ndi jombi nkolongu kupeta nepani, ndaba jombi jabii kabula nepani ngasenzaliwi.&#8217; 31Nenamwete ngasenumanyiki, lakini nahika kabatisa bandu kwa masi ili bandu buku Izilaeli amanya.&#8221;</div><div class="p"> 32Yohana japwaga kabee gala gajagabona, &#8220;Nijimbweni Loho jaka Sapanga jakahuluka ngati ngunda kuhuma kunani kwaka Sapanga nukutama panani jaki. 33Wala nepani ngasenumanyiki, lakini jombi jojandumiki kubatisa bandu kwa masi, jombi jambwajila, &#8216;Mundu jowambona Loho jakahuluka nukutama panani jaki, hoju ndi jojubatisa kwa Loho jaka Sapanga.&#8217; &#8221; 34Yohana japwagaa, &#8220;Numbweni, kabee numpwaji jonujuwe ndi Mwana waka Sapanga.&#8221;</div><div class="s">Banafunzi bakwanza baka Yesu</div><div class="p"> 35Kilabu jaki Yohana jabii jujemiki papuje kabee pamu na banafunzi baki abeli, 36eambona Yesu jakapeta japwaga, &#8220;Linga, lende ndi Mwana Likondoo laka Sapanga!&#8221;</div><div class="p"> 37Banafunzi abeli bala bunzowini Yohana ejapwaga malobi gala, bajenda pamu na Yesu. 38Yesu ejang'alumbuka, jabona bukunzengaliya, jaapwagila, &#8220;Ntaputa kike?&#8221;</div><div class="p">Nabombi bunzibua, &#8220;Labi maana jaki Mbola, gutama kwako?&#8221;</div><div class="p"> 39Yesu jaapwajila, &#8220;Nhikaniya nanamu nndinga.&#8221; Banafunzi bala bajendaniya balinga pajutama, ndaba sabii saa komi pakamii, batama kwaki lisoba lela.</div><div class="p"> 40Andilea, mmbeli waka Simoni Petili, jakabii jumu ja abeli bala babunzowa Yohana jakapwaga ganga nukujenda na Yesu. 41Sindu sa kwanza sejahenga Andilea sabiya kuntaputa nndonguwaki joakema Simoni nukupwagi, &#8220;Tumbweni Masia.&#8221; Ndi kupwaga, &#8220;Kilisitu Nkombosi&#8221; 42Ndipala ampelika Simoni kwaka Yesu.</div><div class="p">Najombi Yesu andingaliya nukupwagi, &#8220;Weapa wa Simoni mwana waka Yohana, nawe bagukema wa Kefa.&#8221; Kefa kukigiliki Petili maana jaki &#8220;Lilibu.&#8221;</div><div class="s">Yesu jakema Pilipi na Nataneli</div><div class="p"> 43Kilabu jaki Yesu japala kujenda ku musi uku Galilaya. Najombi ambona Pilipi, Yesu apwagila, &#8220;Gumbwata nenga!&#8221; 44Pilipi jabii mundu juku Betisaida mwenei jwa musi kobabiya atama Andilea na Petili. 45Ndipala Pilipi ataputa Nataneli, naeambona ampwagila, &#8220;Tumbweni mundu jola joahandiki Musa mukutabu sa Malagalaki, na alota baka Sapanga babahandiki majambu gaki, hoju ndi Yesu mwana waka Josepu, kuhuma ku musi uku Nazaleti.&#8221;</div><div class="p"> 46Nataneli andalukiya Pilipi, &#8220;Boo sindu sa sapi kihuma ku Nazaleti?&#8221;</div><div class="p">Pilipi ampwagila, &#8220;Hika gulinga.&#8221;</div><div class="p"> 47Ndipala Yesu ambona Nataneli jakahika kwaki, jakalandila majambu gaki, &#8220;Linga hoju Mwizilaeli wa sakaka ngasejubii niisoli nkati jake!&#8221;</div><div class="p"> 48Nataneli andalukiya, &#8220;Gumanyiki kwa bolee?&#8221;</div><div class="p">Yesu anzibua, &#8220;Kabula Pilipi ngasejugu kemiki, nugubweni pawabii pai ju nkongu wu ntini.&#8221;</div><div class="p"> 49Nataneli ampwagila kabee, &#8220;Mbola, weapa wa Mwana waka Sapanga, weapa ndi wa Bambu nkolongu uku Izilaeli.&#8221;</div><div class="p"> 50Yesu jajibua, &#8220;Boo guhobali ndaba nugupwaji nugubweni pawabii pai junkongu gu nkoju? Wagabona majambu makolongu kupeta ganga.&#8221; 51Yesu jajonzukiya kupwaji, &#8220;Numpwaji sakaka, mwakubona kunani kwaka Sapanga kwakahoguka na Atumi bu kunani kwaka Sapanga bakakwela nukuhuluka panani jaka Mwana waka Mundu.&#8221;</div>
 </div>
 </div>
</div>

Pakwatumbuliya kwabiya ni Lilobi, ni lilobi heli labiya kwaka Sapanga nalombi ndi labiya Sapanga. Toka pu utumbuli jakabii pamu na Sapanga. Kupete jombi, Sapanga jabomba hindu yoti, wala nga sindu sokapi sesabombika sanga jombi. Jombi ndi utumbulii gwa womi, na womi gola guletiki unang'anu kwa bandu. Unang'anu gola gwanang'ana pa lwii, na lwii ngaselwawesiki kususua.
Sapanga antuma mundu jumu, lihina laki Yohana. Hoju jahika kaapwagi bandu majambu gu unang'anu. Jahika ili bandu boka ajoana malobi gaki nu kunhobale. Yohana we hoju ngasejabii unang'anu gola, lakini jahika pee kaapwagi bandu kupete unang'anu gola. Gongo ndi unang'anu wa sakaka, goguhika pundema pani, kwaanang'anii bandu boka.
Ndienu Lilobi jabii pundema nu kupete jombi, Sapanga jabomba nndema hogu, lakini bandu bupundema ngasebummanyiki. Jahika kwa bandu baki, lakini bandu baki ngasebunzopike. Lakini boka babunzopa, ndi bala babuhobali, jaapekia uwesu gakuba bana baka Sapanga. Bababi bana baka Sapanga nga ngati easaliwa bandu bangi, ngasebasaliwi ngati mundu ejupala ila ngati ejupala Sapanga, ila Sapanga mweni babii Atati babu.
Lilobi jwabiya mundu, jwatama pamu natwepani. Natwepani tugubona ukolongu waki, ulumbii waki jombi jojubii Mwana wakajika wa Atati a Sapanga, jutweli wamboni na sakaka.
Yohana jaapwajila bandu majambu gaki, japwaga sukujamali, “Jonzo ndi jonapwaga majambu gaki panapwaga, ‘Juhika mundu jumu munyuma jangu nkolongu kupeta nepani, ndaba jabii kabula jukusaliwa nepani.’ ”
Ngati ejubii jwaamboni ngamaa, natwepani kuhuma kwaki tujopiki mbenge hingi ngamaa. Ndaba Sapanga japia Malagalakilo kupete Musa, lakini umboni waka Sapanga na usakaka yahika kwii indela jaka Yesu Kilisitu. Nga mundu joambweni Sapanga. Lakini Mwana wa kajika, jojubii Sapanga jojupaliwi na Atati baki, jonioju ndi jojutupwagi majambu gaka Sapanga.


Ganga ndi malobi gaka Yohana gajaapwagila aka kilongosi ba Ayaudi buku Yelusalemu pababi baatumiki kwaki agolu na Alawi ili bundalukiya, “Boo we wa nyanye?”
Yohana ngasejakaniki kujibu liswali lela, ila japwaga pee hotuhotu, “Nepani nga ni Kilisitu nkombosi?”
Ndienu bundalukiya, “Boo henu we wanyanye? Boo weapa lee wa Elia?”
Yohana jajibua, “Nganenga!”
Bundalukiya babe, “Boo Mlota waka Sapanga jola ndi lee weapa?”
Yohana jajibua, “Nganenga!”
Henu bupwagila, “Henu we wanyanye? Boo gupwaga bole kuhusu wamwete? Utupwagila ili tujenda takapwagila bala babututumiki.”
Yohana japwaga, “Nepani ndi jojanongaliya Mlota Isaya pajapwaga,
‘Mundu jujamali pulukoba.
Mujinyosa indela jaka Bambu.’ ”
Likundi laka Afalisayu ndi bababii baatumiki bandu haba, bundalukiya Yohana, “Ana we nga wa Kilisitu wala nga wa Elia, wala nga u Mlota, henu ndaba ja kii gutenda kabatisa bando?”
Yohana jajibua, “Nepani numbatisa kwa masi. Lakini pikilanda jinu jubii mundu mwanganya ngasemumanyike. Jojuhika munyuma jangu hoju, nepani ngasembalika hata kukonga lunyusi lwii latu saki.”
Majambu haga gahengika ku musi uku Betania kwii ja losi luku Yoludani, kojabii Yohana jwakabatisa bandu.

Lisoba la pili Yohana ambona Yesu akuhikila, japwaga, “Linga lende ndi, Mwana Likondoo waka Sapanga, jojuijukua mahakau ga bandu bupundema! Jonzo ndi jonalandila majambu gaki kupwaga, ‘Jwiihika mundu munyuma jango ndi jombi nkolongu kupeta nepani, ndaba jombi jabii kabula nepani ngasenzaliwi.’ Nenamwete ngasenumanyiki, lakini nahika kabatisa bandu kwa masi ili bandu buku Izilaeli amanya.”
Yohana japwaga kabee gala gajagabona, “Nijimbweni Loho jaka Sapanga jakahuluka ngati ngunda kuhuma kunani kwaka Sapanga nukutama panani jaki. Wala nepani ngasenumanyiki, lakini jombi jojandumiki kubatisa bandu kwa masi, jombi jambwajila, ‘Mundu jowambona Loho jakahuluka nukutama panani jaki, hoju ndi jojubatisa kwa Loho jaka Sapanga.’ ” Yohana japwagaa, “Numbweni, kabee numpwaji jonujuwe ndi Mwana waka Sapanga.”

Kilabu jaki Yohana jabii jujemiki papuje kabee pamu na banafunzi baki abeli, eambona Yesu jakapeta japwaga, “Linga, lende ndi Mwana Likondoo laka Sapanga!”
Banafunzi abeli bala bunzowini Yohana ejapwaga malobi gala, bajenda pamu na Yesu. Yesu ejang'alumbuka, jabona bukunzengaliya, jaapwagila, “Ntaputa kike?”
Nabombi bunzibua, “Labi maana jaki Mbola, gutama kwako?”
Yesu jaapwajila, “Nhikaniya nanamu nndinga.” Banafunzi bala bajendaniya balinga pajutama, ndaba sabii saa komi pakamii, batama kwaki lisoba lela.
Andilea, mmbeli waka Simoni Petili, jakabii jumu ja abeli bala babunzowa Yohana jakapwaga ganga nukujenda na Yesu. Sindu sa kwanza sejahenga Andilea sabiya kuntaputa nndonguwaki joakema Simoni nukupwagi, “Tumbweni Masia.” Ndi kupwaga, “Kilisitu Nkombosi” Ndipala ampelika Simoni kwaka Yesu.
Najombi Yesu andingaliya nukupwagi, “Weapa wa Simoni mwana waka Yohana, nawe bagukema wa Kefa.” Kefa kukigiliki Petili maana jaki “Lilibu.”

Kilabu jaki Yesu japala kujenda ku musi uku Galilaya. Najombi ambona Pilipi, Yesu apwagila, “Gumbwata nenga!” Pilipi jabii mundu juku Betisaida mwenei jwa musi kobabiya atama Andilea na Petili. Ndipala Pilipi ataputa Nataneli, naeambona ampwagila, “Tumbweni mundu jola joahandiki Musa mukutabu sa Malagalaki, na alota baka Sapanga babahandiki majambu gaki, hoju ndi Yesu mwana waka Josepu, kuhuma ku musi uku Nazaleti.”
Nataneli andalukiya Pilipi, “Boo sindu sa sapi kihuma ku Nazaleti?”
Pilipi ampwagila, “Hika gulinga.”
Ndipala Yesu ambona Nataneli jakahika kwaki, jakalandila majambu gaki, “Linga hoju Mwizilaeli wa sakaka ngasejubii niisoli nkati jake!”
Nataneli andalukiya, “Gumanyiki kwa bolee?”
Yesu anzibua, “Kabula Pilipi ngasejugu kemiki, nugubweni pawabii pai ju nkongu wu ntini.”
Nataneli ampwagila kabee, “Mbola, weapa wa Mwana waka Sapanga, weapa ndi wa Bambu nkolongu uku Izilaeli.”
Yesu jajibua, “Boo guhobali ndaba nugupwaji nugubweni pawabii pai junkongu gu nkoju? Wagabona majambu makolongu kupeta ganga.” Yesu jajonzukiya kupwaji, “Numpwaji sakaka, mwakubona kunani kwaka Sapanga kwakahoguka na Atumi bu kunani kwaka Sapanga bakakwela nukuhuluka panani jaka Mwana waka Mundu.”

Feti si Yohana 1