Imizekeliso

IE Ngokulandelelana kweziganeko

IZIBHALO EZINGCWELE

<div class="version vid281 iso6393xho" data-vid="281" data-iso6393="xho">
 <div class="book bkLUK">
 <div class="chapter ch5" data-usfm="LUK.5.17+LUK.5.18+LUK.5.19+LUK.5.20+LUK.5.21+LUK.5.22+LUK.5.23+LUK.5.24+LUK.5.25+LUK.5.26+LUK.5.27+LUK.5.28+LUK.5.29+LUK.5.30+LUK.5.31+LUK.5.32+LUK.5.33+LUK.5.34+LUK.5.35+LUK.5.36+LUK.5.37+LUK.5.38+LUK.5.39">
 <div class="p">17Kwathi ke ngamini ithile wafundisa. Kwaye kuhleli abaFarisi nabafundisimthetho, ababephume kuyo yonke imizana yelaseGalili, neyelakwaYuda, naseYerusalem; aye ekho amandla eNkosi ukuba abaphilise.</div><div class="p"> 18Kwabonakala amadoda ethwele ngokhuko umntu onedumbe; ayefuna ukumngenisa, ambeke phambi kwakhe. 19Athi, akuba engafumani ndawo angamngenisa ngayo ngenxa yesihlwele, akhwela phezu kwendlu, agqobhoza ezifulelweni, amhlisa ndawonye nokhuko, ambeka phakathi, phambi koYesu. 20Akulubona ke ukholo lwawo, wathi kuye, Mntundini, &#249;zixolelwe izono zakho. 21Baqala ukucamanga ababhali nabaFarisi, besithi, Ngubani na lo uthetha izinyeliso? Ngubani na onako ukuxolela izono, ingenguye uThixo yedwa?</div><div class="p"> 22Eziqiqile ke uYesu izicamango zabo, waphendula wathi kubo, Nicamanga ntoni na ezintliziyweni zenu? 23Okhona kulula kukuphi na: kukho ukuthi, &#217;zixolelwe izono zakho; kukho nokuthi, Vuka uhambe? 24Ke ukuze nazi, ukuba unalo igunya uNyana woMntu lokuxolela izono emhlabeni apha (selesithi konedumbe), ndithi kuwe, Vuka, uthabathe ukhuko lwakho, uye endlwini yakho. 25Usuke wema kwangoko phambi kwabo, wayithabatha loo nto abelele kuyo, wemka waya endlwini yakhe, ezukisa uThixo. 26Besuka bathi nqa bonke, bamzukisa uThixo, bazala kukoyika, besithi, Sibone izanga namhlanje.</div><div class="s1">Ukubizwa kukaLevi</div><div class="r">(UMat. 9:9-13)</div><div class="p"> 27Ke kaloku, emveni kwezi zinto waphuma, wabona umbuthi werhafu, ogama linguLevi, ehleli endaweni yerhafu, wathi kuye, Ndilandele. 28Washiya konke, wesuka wamlandela. 29Waza uLevi wamenzela isidlo esikhulu endlwini yakhe. Kwaye kukho iqela elikhulu lababuthi berhafu nelabanye, ababehleli ngasesithebeni nabo.</div><div class="p"> 30Baye ababhali babo nabaFarisi bebakrokrela abafundi bakhe, besithi, Kungani na ukuba nidle nisele nababuthi berhafu naboni? 31Waphendula uYesu wathi kubo, Akufuneki gqirha kwabaphilileyo, lifuneka kwabafayo. 32Andiz&#233; kubiza malungisa, ndize kubiza aboni, ukuba baguquke.</div><div class="s1">Ukuzila ukudla</div><div class="r">(UMat. 9:14-17)</div><div class="p"> 33Ke kaloku bathi kuye, Kungani na ukuba abafundi bakaYohane bazile ukudla futhi, benze nezikhungo; benjenjalo nababaFarisi; kanti ke bona abakho bayadla basele? 34Wathi ke kubo, Ninako yini na ukubazilisa ukudla abegumbi lomtshakazi, xa asenabo umyeni? 35Kodwa kofika mihla awoza asuswe kubo umyeni, bandule ke ukuzila ngaloo mihla.</div><div class="p"> 36Ke kaloku wabethetha nomzekeliso kubo esithi, Akukho ubeka isiziba sengubo entsha engutyeni endala; okanye w&#243;ba ukrazula leyo intsha, sithi nesiziba eso sentsha singavumani nendala. 37Kanjalo akukho utha iwayini entsha ezintsubeni ezindala; okanye yozigqabhuza iintsuba iwayini entsha, iphalale yona, zitshabalale neentsuba. 38Yona iwayini entsha ifanele ukuthiwa ezintsubeni ezintsha zigcinakale ezo zinto zombini. 39Kanjalo akukho uthi, ebesele endala, athande entsha kwaoko; ngokuba uthi, Endala yeyona inencasa.</div>
 </div>
 </div>
</div>

Funda iTestamente eNtsha iphelaIsampulu

IsiBhalo

Malunga nesi Sicwangciso

Izicwangciso eziyeleleneyo

Imizekeliso

IE Ngokulandelelana kweziganeko