ယောဟန် နိဒါန်း
နိဒါန်း
ယောဟန် ရေးဟှားဟှူ ခရစ်တော်ရဲ့ ဒန်းကောန်းဟှာ ယေရှုခရစ်တော်ရဲ့ သတ်တော်စဉ်ဟှို ဖော်ပြဟှားဟှူ ဓမ္မသစ်ကျမ်းထဲမာ ကျမ်းလေးစောန်ထဲဟှ တစောန်ဖြစ်ဟှယ်။ အယ်ကျမ်းတစောန်စီဟှို “ဧဝံဂေလိ” ဆိုဘီး ခေါ်ဟှယ်။ “ဒန်းကောန်း” ဆိုဘီး ဓိပါယ်ရဟှယ်။ ယေရှုသေဆောင်းဘီးန အယ်ကျမ်းလေဟှို မဿဲ၊ မာကု၊ လုကာန ယောဟန်ဟှ ရေးဟှားဟှယ်။ ယောဟန်ရေးဟှူ ဒန်းကောန်းဟှာ ခရစ်တော် မွီးဘီးန ၉၀ ခုနှစ်လော့‑က်မာ တမန်တော် ယောဟန်ဟှ ရေးဟှားဇာ ဖြစ်နိုင်ဟှယ်။ အယ်ကျမ်းမာ ယောဟန်ဟှာ ကျမ်းရေးသူ ဖြစ်ဟှယ် ဆိုဘီး ပြောဟှားဘေမဲ့လည်း စာရေးသားပေါင်စံဟှာ ယောဟန်ရဲ့ ပထမပေးစာ၊ ယောဟန်ရဲ့ ဒုတိယပေးစာ၊ ယောဟန်ရဲ့ တတိယပေးစာန ရရာတိုင်း တူညီလေဟှယ်။ ယောဟန်ဟှာ အယ်ခီဒူးဟှ ဧဖက်ဗြို့မာ နေဟှူကြောန့် အယ်ကျမ်းဟှို ဧဖက်ဗြို့မာ ရေးဟှားဇာဖြစ်မယ် ဆိုဘီး ရှေးခေတ် စာရေးဆရာလေဟှ သတ်မှတ်ဂေ့ဟှယ်။
ယေရှုဟှာ သတ်ရှင်ဟှူ ဘုရားသခင်ရဲ့ သားတော် (၂၀.၃၁)၊ ခရစ်တော် ဖြစ်ဟှယ် ဆိုဇာဟှို လူလေယောင်ကြည်အောန် ကူညီဟှို့တွပ် ဖြစ်ဟှယ် ဆိုဘီး ယောဟန်ဟှာ အယ်ကျမ်းရဲ့ ရည်ရွယ်ချစ်ဟှို ရှင်းရှင်းလန်းလန်း ဖော်ပြဟှားဟှယ်။ အယ်မျိုး ယောင်ကြည်ဇာအားဖြင့် နို့လေဟှာ ကိုယ်တော်နာမနှိုက် သတ်ဟှို ရဂေ့မယ်။ အယ်ကျမ်းဟှာ ယုဒလူမျိုးလေန ယုဒလူမျိုးမှုဘဲဟှူ စာဖတ်မားလေ နှေ့မျိုးလောင်းတွပ် ရေးဟှားလေဟှယ်။ ယောဟန်ရဲ့ ဒန်းကောန်းကျမ်းဟှာ တချို့နေရာလေမာ တခြားဒန်းကောန်း သောင်းစောန်န ရရာတိုင်း ကွာခြားလေဟှယ်။ သူဟှာ ယေရှုလောက်ဆောန်ဟှားဟှူ နိမိတ်လတ်ခဏာဟှို ရေးဟှားဘီး ကိုယ်တော်ရဲ့ ပေါန်ဥပမာလေကြောန်းဟှို ဘောင်ဂီးရေးဟှမ်း။ ယေရှုရဲ့ ဗတ္တိဇံခံဇာန တောကန္တာရထဲမာ စောင်ဇမ်းခံရဇာလေမျိုးနတူဟှူ တခြားဓိကဖြစ်ပျစ်လေဟှိုလည်း အယ်ဒန်းကောန်းထဲမာ ရေးဟှမ်း။
ကြောန်းရာ ကျဉ်းချောက်
၁။ ယောဟန်ဟှာ အယ်ဒန်းကောန်းကျမ်းဟှို စပြုဟှားဟှူကြောန်း (၁.၁–၁၈)
၂။ သူဟှာ ယေရှုလောက်ဆောန်ဟှားဟှူ နိမိတ်လတ်ခဏာလေ ဘောန်းဇောင်ဟှို ရေးဟှားဟှူကြောန်း (၁.၁၉—၁၂.၅၀)
၃။ နော့‑က်ဘီးဟှာ သူဟှာ ယေရှုရဲ့ သတ်တော်စဉ်ထဲမာ ဖြစ်ပျစ်လေ ဘောန်းဇောင်ဟှို ဖော်ပြဘီး ကိုယ်တော်ရဲ့ သေခံဇာန ထမြော့‑က်ဇာထိ ဆွဲခေါ်ဟှားဟှူကြောန်း (၁၃.၁—၂၀.၃၁)
၄။ ယောဟန်ဟှာ ယေရှုရဲ့ သေရာဟှနေ ထမြော့‑က်ဘီးန လူလေဟှို ထန်ရှားပြဇာလေ ဘောင်ဂီးထဲဟှ တခုဟှို ပြောပြဘီးဟှာ အယ်ကျမ်းရေးဟှားဟှူ သူ့ရဲ့ ရည်ရွယ်ချစ်ဟှို ဖော်ပြလိုက်ဘီး အယ်ဒန်းကောန်းဟှို ဆောန်းသတ်လိုက်ဟှူကြောန်း (၂၁.၁–၂၅)
Ekhethiweyo ngoku:
ယောဟန် နိဒါန်း: NTDWB24
Qaqambisa
Yabelana
Kopa
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© The Word for the World International, 2024.