मत्ती 7
7
बीजा पोर गुनो नी लगाड़वा
(लुका 6:37,38,41,42)
1“गुनो ना लगाड़ो, ता गुनो तमारी पोर बी नी लगाड़े। 2#मरकुस 4:24काहाके जे रीते तमु गुनो लगाड़ो, तीहयी रीते तमारी पोर बी गुनो लगाड़हे; अने जे माप सी तमु मापहु, ते माप सी तमारी वाटु बी मपायहे।” 3“तु ह़ुका तारा भाय ना डोळा मे वाळु कचरु देखे, अने तारा डोळा मे वाळु खटकु तने नी देखातु। 4तु तारा भाय ने कीकम की सकत्लो, ‘लाव’ मे तारा डोळा मे गेथु कचरु नीकाळ देम, पण देख, खटकु ते तारा डोळा मे से?” 5ए ढोंगड़ा करन्या, पेले आह़फा ना डोळा मे वाळु खटकु नीकाळ ले, ता तारा भाय ना डोळा मे वाळु कचरु नीकाळवा करीन वारु देख सकही।
6“चोखली चीज कुतरा ने ना आपो, अने आह़फाम ना मोती ह़ुवर्या ना अगळ ना नाखो, कंखर ईसम नी हय जाय के तीहया तीने तीमना पोगु तळे डाबहे अने पासा फीरीन तमने फाड़ देहे।”
मांगहे ता जड़हे
(लुका 11:9-13)
7मांगहु ता तमने आपहे, ह़ोदहु ता जड़हे; झापलु ठोकहु, ता तमारी वाटु उगड़हे। 8काहाके जे कोय मांगे, तीने आपे; अने जे ह़ोदे, तीने जड़े; अने जे झापलु ठोके, तीनी जुगु झापलु उगाड़हे। 9तमारी माय्न एवो कानो माणेह से, कदीम तीनो सोरो तीनी पांह रोट्लो मांगे, ता तीने दगड़ो आपे? 10अने माछला मांगे, ता तीने गड़हो आपे? 11कदीम तमु गांडा हय्न, बी तमारा सोरा ने वारली चीज आपवा जाणो, ता तमारो ह़रग वाळो बाह बी मांगवा वाळा ने वारली चीज काहा नी आपहे?
12 #
लुका 6:31
अने जे वेहवार नी हेर तमु बीजा सी कर र्या; तीहयो वेहवार तमु बीजा ह़ाते बी कर्या करो; काहाके मुसा नो नेम अने भगवान वगे गेथा केण्या नी ह़ीकापण आहयी से?
ह़ाकड़ो अने चवड़ो रोहो
(लुका 13:24)
13ह़ाकड़ला झापले माय्न चालो, काहाके चवड़लो रोहो से तीहयो रोहो अळी वारु से तीहयो रोहो नास भणी लीजत्लो से; अने ढेरेत से जे तीनी सी चालत्ला से। 14काहाके ह़ाकड़ु से तीहयु झापलु अने काठो से तीहयो रोहो जे जीव ने तां ली जाय; अने थोड़ाक से जे तीने हात करे।
जेवु झाड़ तेवु फोळ
(लुका 6:43-44-46; 13:25-27)
15“झुटा भगवान वगे गेथी वात केण्या माणहु सी चेतीन रेवो, अने जे गाडरान तेम तमारी ह़ाते आवे, पण अळतेण फाड़वा वाळा लेंड्या से। 16तीना फोळ सी तमु तीने ओळखी लेहु। माणहु कटाळस्या झाटवा सी अंगुर, नीता गोखरा काटान वेले गेथा गुलर तोड़े ह़ु। 17एमेत कानु बी वारलु झाड़ वारलु फोळ लावे अने रीकामा झाड़ खोड़लो फोळ लावे। 18वारलु झाड़ खोड़लु फोळ कदी नी लावे, अने नी खोड़लु झाड़ वारलु फोळ लावे। 19#मत्ती 3:10; लुका 3:9जे-जे झाड़ वारलु फोळ नी लावे तीहया झाड़ ने वाडीन आक्ठु मे नाखे। 20#मत्ती 12:33ता तीमना फोळ सी तमु तीमने ओळखी लेहु।”
मे तने नी जाणतो
(लुका 13:25-27)
21जे मने “ए मालीक! ए मालीक! केय, तीमनी माय्न कोय बी ह़रग राज मे भराय नी सके, पण तीहया एतरा जे मारा ह़रग वाळा बाह नी मरजी पोर चाले।” 22तीहया नीयाव ना दाड़े घणा ढेरका माणहु मने केहे, मालीक! आमु तारु नाम लीन भगवान वगे गेथी वात नी केदा ह़ु? तारु नाम लीन भुत ने नी नीकाळ्या ह़ु? अने तारु नाम लीन सक्ती ना काम नी कर्या ह़ु? 23तत्यार मे तीमने चोखुझण की देही, “मे तमने नी ओळखु। ए पाप करन्या! मारीन्तां गेथा सेटा हय जावो।”
अक्कल वाळो अने गांडो
(लुका 6:47-49)
24जे मारी आहयी वात ने ह़मळीन तीनीन तेम जीवे, तीहयो तीना ह़मजदार माणेह ने तेम से, जे आह़फा नु घोर चाफर्या पोर वारु पायो खोदीन बणायो। 25पाणी पड़्यो, अने नंदी आवी, अने आंजी बी आवी अने तीना घोर ने अफठायी। ते बी तीहयो घोर नी ओदर्यु; काहाके तीनो नीव चाफर्या मे खोदीन बणावलु हतु।
26जे मारी आहयी वात ह़मळीन तीनीन तेम नी जीवे, तीहयो तीहया वण-अकल्या माणेह ह़रको से, जे रेत पोर पायो खोदीन आह़फा नु घोर बणायो। 27पाणी पड़्यो, नंदी आवी, अने आंजी बी आवी अने तीना घोर ने अफठायी। तीहयु घोर ओदरी ज्यु अने खत्तम हय ज्यु।
ईसु नो हक
28 #
मरकुस 1:22; लुका 4:32 जत्यार ईसु आहयी वात की देदो, ता माणहु तीनी ह़ीकापण ह़मळीन वहराय ज्या। 29काहाके तीहयो चोखली सास्तर ह़ीकाड़न्यान तेम नी, पण एक अदीकारीन तेम ह़ीकापण आप्तो हतो।
Ekhethiweyo ngoku:
मत्ती 7: PPt2025
Qaqambisa
Kopa
Thelekisa
Yabelana
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
The Paliya Bible © The Word for the World International and Yisu Por Bherho Karanya Paliya Mandli, Rajpur, Barwani, MP, 2025