Iivesi zeBhayibhile ezithandwayo ezisuka Ro 11

Yabelana

Yujto smasnil tas, an̈j 'a Dios tzcoti. Smasnil tas b'ob'il yu'uj, sec tzcheclj 'el swach'il. Niwn cab' yel'ch Dios 'a smasnil tiempo. 'Ixta cab' tz'aji.

A Dios, man̈ jantcoc swach'il, man̈ jantcoc sjelnal. Caw yojcn̈ej smasnil tas. May junc mach tztac' snachj 'el yu'uj, tas tzyutj Dios snan 'el tas tzb'o'o. May pax junc mach tznachj 'el sb'eyb'al Dios yu'uj.

'Icha tzyal 'a Ch'an̈ U'un̈: ¿Toc 'ay junc mach 'oj stac' yojcan 'el snab'en Cajlilec? ¿Toc 'ay junc mach 'oj stac' ya'n snab'enoc?

An̈jtona', 'ixta pax ticnec. 'Ay eb' yic xon Dios 'a scal eb' wit israelal. Atn eb' sic'b'il can 'el yuj Dios yuj swach'c'ojlal. Yuj wal swach'c'ojlal cha, si'n can 'el eb', man̈ yujoc junc tas tzb'o eb'. Q'uinloc yuj tas tzb'o eb', si'n 'el eb', to 'ixta', man̈ yujoc swach'c'ojlal Dios tzcolchj eb'.

Palta 'ay eb' wit israelal 'elnc 'a yol sc'ab' Dios. 'Icha junc sc'ab' te olivo tzu'x 'el 'a snun, 'ixta 'ajnc eb' yeli. Ax xo, 'icha sc'ab' junc te olivo mun pa'nac, 'ixta 'ex, yujto man̈ ex israeloc. Palta 'icha to ex c'on̈x can 'och sjelc eb' 'a jun sc'ab' 'aj tzuc'b'il 'elt 'a snun cha, yujto 'ay eyaln eyic yet' eb' qui mam quichm an̈ israel on̈ tic on̈. Palta matz tac' e nani, to caw yel xo wach'x 'a yib'n̈ eb' wit israelal cha. Yujto 'icha junc sc'ab' te', 'ixta exn̈ej. A junc sc'ab' te', matz tac' a tz'a'n yaxb'oc te yib' cha, palta a sch'an̈lyib', a tz'a'n yaxb'oc te sc'ab' cha.