Iivesi zeBhayibhile ezithandwayo ezisuka Col 3

Yabelana

Matz tac' qui pacnec qui b'a 'a eb'. Toto 'ay pax eb' 'ijn tzcac' owl yet'oc, yowlal tzca'c niwnc'ojlal 'a eb'. 'Icha xyutj Cristo ya'n niwnc'ojlal 'ayn̈ec, 'ixta tzcutjec qui b'a ca'n niwnc'ojlal jun xo.

Yowlal an̈j tas 'ay 'a satchan̈ 'aj 'ayb't qui nab'enec ticnec. Man̈x ca'c 'och qui nab'en 'a tas 'ay 'a sat lum tic

Jantcn̈ej tas tze b'o'o, tze b'o wal 'a smasnil e c'ojol. 'Icha cab' to a 'a Cajlilec tzex munlji, man̈ocn̈ej 'a junc 'anma cha.

A Dios, caw 'ay schamc'ojlal 'ayn̈ec. On̈ si'c 'och yico'oc. Yuj cha, caw wach' cab' tzcutjec qui b'eyb'al 'a sat. Tz'o'ch qui c'ojlec 'a eb' quit 'anma'il, wach' tzcutjec qui b'a 'a eb'. 'Emmquilal tzlaj cutquec qui b'a. Tzca'nec niwnc'ojlal 'a eb' tzlaj 'och smul 'ayn̈ec.

Tzin nib'j tze wach' 'a'j 'och e nab'en 'a spaxti Cristo. Caw jeln tzlaj eyutc e cuylan e b'a, tzlaj e jucb'tzan e b'a. Tzlaj e b'itnoc jun tzo'n̈ salmo, yet' himno, yet' jun tzo'n̈ xo b'it yic Dios. A yic tzex b'itni, tzeyal wach' paxti 'a Dios 'a smasnil e c'ojol. Tzann̈j tas tze b'o'o, yet' tas tzeyala, 'icha wal tznib'j Cajlil Jesús, 'ixta tzeyutj e b'a. An̈jtona yu'uj, tzlaj eyac' yuj diosal 'a qui Mam Dios.

Yet' wal junx tic, yowlal tzlaj qui chamc'ojloquec qui b'a. Toto 'ay qui chamc'ojlal, c'uxn 'oj qui b'oc jun tzo'n̈ xwal tic. To 'ixta', tz'acn tzqui yicljec smasnil.

A ticnec, pitzwnacn̈ec pax yet' Cristo 'a sat Dios. Yuj cha, yowlal tzca'c 'at qui nab'en 'a jun tzo'n̈ tas 'ay 'a satcha'an̈, 'a 'aj wocn 'ejm Cristo 'a swach' c'ab' Dios.

A Dios a 'awtjnacn̈ec 'och yico'oc, sec junc'ojlal tzon̈ 'ajc qui masnil, yujto junxn̈ej cajc 'a yol sc'ab' Cristo. Yuj cha, caw wach' tzlaj cutquec qui b'a 'a qui cal, sec tzyac' Cristo sjunc'ojlal 'a qui pixnec. An̈jtona', tzca'nec yuj diosal 'a 'a.

Yuj cha, jantcn̈ej e b'eyb'al yic yolyib'n̈q'uinl tic, 'actjec can smasnil, satc can 'el 'a jun 'ejmn̈ej. Caw man̈x e b'o 'ajmulal, mto junc xo tzann̈j maysch'olnil yet' e niwnal. Man̈xtzac stac' eya'n 'och e nab'en 'a 'ajmulal, mto 'a junc xo tu'al. An̈jtona', matz tac' e nib'n 'och ricoal. Yujto a yic tzqui nib'nec 'och ricoal, a 'a sat Dios, wan caln 'och jun chi qui diosaloc.

yujto chamnc on̈c xo yet' Cristo 'a sat Dios. Ax qui q'uinlec, molb'il yet' 'a 'aj junn̈j yaj yet' Dios.

Ax ticnec, yowlal 'oj e wach' 'actc can pax jun tzo'n̈ xo tic 'oj walb't tic: Atn owal, chichnc'ojlal, tu'al, b'ajwal, yet' tzann̈j tu paxti'al.

Man̈ eyac' 'es 'a junc xo mach. Man̈ e b'o jun tzo'n̈ xwal tic, yujto a wal qui nab'enec 'a yic yalan̈, yet' qui b'eyb'alec, tox xcactjec cani. A ticnec, caw xjelmj qui nab'enec. Wan swach' b'o qui nab'enec tic, sec lajn tzon̈ 'ajc yet' jun b'ojnacn̈ec, sec wach' 'oj qui wach' 'ojcoc 'el jun b'ojnacn̈ec cha.

Ax xo pax ex 'ichmilab'il, chamc'ojlejc eyistl junjn ex, matz tac' ow tzeyutj e b'a 'a 'a.

Yet' pax ex 'unnab'il, yicljec jantcn̈ej tas tzyal e mam e nun 'ayex, yujto caw tzalj Cajlilec eyet' 'ixta'.

Ax xo ex 'istlab'il, yicljec tas tzyal eyichmil 'ayex, smoj tzeyiclej, yujto 'aych e c'ojl 'a Cajlilec.