Iivesi zeBhayibhile ezithandwayo ezisuka Hch 17

Yabelana

'Ixta tzyutj Dios, sec wach' ax eb' 'anma', 'oj sayc' eb', toq'ue 'oj 'ilchjoc yuj eb'. Palta wal yel, man̈ najtoc 'ayc' Dios, la'n yaj 'a qui tz'ey junjn on̈ec.

Atn b'ojnac jun b'ab'l winac, yin̈tl junjn chon̈b'al. Yuj cha, 'ayn̈j 'anma 'a smasnil yolyib'n̈q'uinl tic. An̈j tzalni, 'aja tiempoal tzq'ue wan junjn chon̈b'al. A tz'a'n slugar junjn chon̈b'al eb' 'anma 'aj tzcan cajan.

A jun Dios cha, a b'ojnac yolyib'n̈q'uinl tic, yet' smasnil tas 'ay 'a 'a. Atn yajl yaj 'a satcha'an̈, yajl pax yaj 'a sat lum tic. A Dios cha, matz 'aj 'a junc n̈a tzb'o eb' 'anma'.

Yujto yaljnac cani, to 'ay jun c'ual 'oj sb'eyc'ojloc smasnil 'anma'. Tojl 'oj yutc sb'eyc'ojlani, a tzyala tas tzb'o junjn mach. Ax jun sic'b'il can 'el yuj Dios, atn 'oj b'eyc'ojlanc eb'. 'Ix ch'ox Dios 'a smasnil 'anma', to caw yel jun tic, yic 'ix ya'n pitzwc pax jun mach sic'b'il 'el chi 'a scal eb' chamnac, xchi Pablo 'a eb'.

Yel ton tzyal eb', yunnaln̈ec Dios. Yuj cha, man̈xtoc tzqui na'a, to Dios jun tzo'n̈ yechl tic b'ob'il yet' q'uen oro, q'uen plata, q'uen q'ue'en. A jun tzo'n̈ yechl tic, yujn̈ej sjelnal 'anma', tzb'o'i.