Iivesi zeBhayibhile ezithandwayo ezisuka Matiɔ 7

Yabelana

«E yü tshuku ərə, əndje sə kə za kə e; e prä ərə, e sə kə sɔtə̂ nə; e ngë manda, əndje sə kə krɔ nə kə e.

Mbrə ə̂në, əzü ə̂në tshə yu tshuku ərə, əndje sə kə za kə ətshə; əzü ə̂në tshə pra ərə, tshə sə kə sɔtə̂ nə; əzü ə̂në tshə nge manda, əndje sə kə krɔ nə kə ətshə.

«Rəkɔ, mə pa kə e, əzü nɔ̂ ə̂në tshə dji əpʉ sə̂ ə̂në mə pa kɔ â ma tə̂ ye Lïndə̂ nə, tshə sə mata əyï kə wusə̂ ərə ə̂në tshə mâ anda nə̂ ye gâ pâ əkpʉ.

«Ərə nɔ̂ ə̂në e yində nə ə pa azü mbrə kə e, e-e ndje, e mbrə̈ kʉtə̂ nə kə əndje. Mbrə ə̂në ərə ə̂në âgbɔ̂ əpʉ nə̂ Mayïzə də afraka nə̂ aawopandəma Ndjapä zâ ama ndə kə ma kɔ kə sə̂.»

Bale, əngʉ tshelə manda də äwä ə̂në ə sə teashe kɔ na də əzü gâ ə̂sə̂ sorô. Azü ə̂në əndje sə kə sɔtə̂ äwä səkɔ əndje ngba ngba ne.»

«E lï lə əngʉ manda, mbrə ə̂në əgerə tshelə manda də âgbɔ̂ äwä na də əzü gâ ə̂sə̂ kuzu. Azü ngbatshe kə za äwä səkɔ.

Kədə, e-e ə̂në e sə tə aəmbrʉ azü kɔ, e wusə̂ kə ko aə̂rɔ̂ aərə kə aneshe nə̂ e, Abä e ə̂në tshə sə mâ lafɔ kɔ lï lï ndə kə ko aə̂rɔ̂ aərə kə azü ə̂në əndje yu tshuku nə kə ətshə kɔ ə ro ne a?»

«E wä ngbanga wä gâ lə kumu azü ne, ka Ndjapä wa ngbanga wa gâ lə kumu e ne. Mbrə ə̂në, Ndjapä sə kə wa ngbanga gâ lə kumu e Lïndə̂ ngbanga ə̂në e wa gâ lə kumu azü kɔ. Ərə ə̂në e sə kə za ndə kə to də ərə kə angâ e kɔ də̂ Ndjapä sə kə za ndə kə to də ərə kə e.

Bale, əzü nɔ̂ ə̂në tshə dji əpʉ sə̂ ə̂në mə pa kɔ, ə ma tə̂ ye ma Lïndə̂ nə ne, tshə sə mata ngo tə̂ ə̂në tshə mô anda nə̂ ye gâ pâ mindu.

Mbrə yekɔ də̂ bə wu aya ebe ə̂në ə sə lə ala aye zə â wu ayɔ ə̂në ə sə lə ala zə kɔ wu ne kɔ? Mbrə yekɔ də̂ bə pa kə aye zə ə pa: “Kä ə kä mə ma aya ebe ə̂në ə sə lə ala zə kɔ”, əbə ə̂në bə wu ndje ayɔ ə̂në ə sə lə ala zə kɔ wu ne kɔ?

«Ala e në tə̂ aafrɔ aawopandəma Ndjapä. Əndje sə kə na gâ tə̂ e də akwa andalimi tə̂ əndje. Bale, djoko lə əndje, əndje sə tə aəmbrʉ atshɔndjɔ. E sə kə yerɔ əndje tə̂ äwä kə ma tə̂ əndje. Əndje kɔ ə̂lê vinyə lə ndukû əshi wala figə lə ayɔ əshi a?

Ə̂rɔ̂ ayɔ le ə̂rɔ̂ leyɔ, bale, əmbrʉ ayɔ le ndje əmbrʉ leyɔ.

Ə̂rɔ̂ ayɔ le əmbrʉ leyɔ le ne, əmbrʉ ayɔ le ndje ə̂rɔ̂ leyɔ le ne.

Ayɔ nɔ̂ ə̂në ə le ə̂rɔ̂ leyɔ le ne kɔ, əndje sə kə de nə ə wli gâ ala əwo.