Iivesi zeBhayibhile ezithandwayo ezisuka matiyu 6

Yabelana

Ama a kã ɗekn pɛjo Ɗalapa koo roonɛ a vi tɔ̃vɨng gbete Ɗalapa nɛ shɔu pɛliyɛ, vim piti kpai Ɗalapa yɛ ãwɔtɔ.

Aru nankɔ mɔkɔ yɔri yuunɛ aru dii ɓuru, dii ɓuru yɛ yɔri yuu jo au yuu. Kopi dii shɔpiya ajo au yuu yɔrinɛni.

<<Aru nankɔ n gelɔɔtɛ, ɔkɔɔ yɔri yuunɛ awɔ ruu surubii ni, nɔgbete ɔ yɛ kpaa vishaanɛ a mii ɓoonɛ ni; ko visenɛbii gbete ɔ tosi yɛ. Surubii ji tɛ vishaanɛ ɓaya, bii ji tɛ visenɛbii gbete ɔ tosi yɛ ɓaya?

Ama akɛ tɔnɛn gakki Ɗa, to yɛti jaa ɓuzɨng, a kunyejaatɔ a gakki mɛye gbete a kolapa a shɔ zɛu ɓayɛ, au zɛ vigbete a pɛliyɛ tɛttɔ, yɛ shoraatɔ.

Shompɛ no gbetewɔ gakki Ɗa yɛː Uɓeye kolapa, shɔu bassaa niitɔ wɔsɔ-wɔsɔ, A koo kpati ɔ̃nɛ u atɔ, vigbete a kasinɛ u pɛli akoo tipi naa shɔ pɛli a kolapa yɛ.

ãu vishaanɛ shɔ nɛm tɔ.

<<A yasiu ruuvini gbete u pɛliyɛtɔ, nagbete u yasi shɔ gbeteyi pɛliu ruuvini yɛ.>>

Mɔkɔ yaa japẽpẽẽ nɛ u ntau sisɨn a vigbete tɛu kakaa yɛni, ama arau kati a shɔ ruuvini naani.

Ɔkɛ yasi shɔ gbeteyi pɛlɔɔ ruuvini nɛ, ɔ ɓeye gbete a kolapa yɛ yasɔɔ ruuvini sɔ̃njo.

Ɔ knnoo pɛ janoyi a lapa; i ɓaa vishaanɛ ɓa, i yee vishaanɛ ɓa i pɔ̃ vi wɔɓa a bmtɛ ni ɓa, piti kpai ɔ ɓeye gbete a kolapa shaariyi tɔ. Ɔ ji tɛ janoyi ɓaya?

<< Ɔkɔɔ pɔ̃ ɔ vinaa nɛ a kotipi, ɗɔ gbete paayi a sasa yɛ lɛsi yɛ, a ɗɔgbete ɓɔyi yɛ ɓɔyɛ.>> Ama ɔ pɔ̃ ɔ vinaa a kolapa, a ɗɔgbete paayi a sasa i yɛ lɛsi ɓayɛ, a ɗɔgbete ɓɔyi yɛ zɛno ɓɔnɛ ɓa. Ɗɔgbete a vinaa ɗɔnyɛ, a sisɨn jo aɗɔwakɔ.

<<Shɔzɛ gbete sii shɔɓa nya taa zitini ɓa. ko a pɛli shonɛ a gbete a yaa gbete a tipi, ko a nta gbete nya a yaa gbete nya a tipi. Shɔ ɓasi Ɗalapa gnnɛ ɓa a saani ɓa.

Naa Ɗalapa kɛ zɛno wisi gbete a jaalaa bii barkinɛ nɛyɛ, vigbete a kpai nɛm a ɗɔwa ɓuru shɔ lokiyi a yaa, a ntasɛrɛ ɔkɔɔ ya, gbee shɔ gbeteyi sisɨn ãnɛ ɓa bam ɓa miyi?

Ama akɛ ã shɔ raayi vinɛ, a ã jo nɔgbete a nagãn yɛ zɛ vigbete a nakn pɛliyɛ ɓa. Aruukɔ a vi ãnɛ yɛ ɔ̃ a nyaba ɓusinɛ. Nɔgbete mɛye gbete u a kolapa, zɛ vigbete a pɛliyɛ tɛttɔ, yɛ shoraatɔ.

Ɔ kɔyuutɔ ɔkɔɔ tasi ɔ vishonɛ tɔ̃vɨng nɛ a shɔ nɔɔ, nɛ shɔu zɛrɛ shɔu tɔnɛ nnɓee nokɔ jaa. Ɔkɛ shonɛ nankɔ, ɔyɛ kpaa vigbete Ɓeye kolapa pɔ̃sɔɔ yɛ ɓa.

Naa ɔkɛ ɔ̃nɛ aɗɔɔ nyamanɛ, ɔkɔɔ ma nokn nɛ naa shɔbiiɓɔnɛyi pɛliyɛ, i ma nokn tɔ nɛ shɔ zɛnɛ i ɗɔ nyamanɛ. N gelɔɔtɛ, i kpai ɓɛɛ tɛttɔ gbotti. Ama ɔkɛ manyanɛ, ɔ pn nɔɔ a yuuni ɔ sɔki nokntɔ, Nogbete shɔwɔ yɛ zɛɓa nɛ a ɗɔ nyamanɛ ɓa, ama ɔ ɓeye gbete shɔ zɛu ɓa yɛ sheeli; ɔ ɓeyeu gbete a kolapa zɛ vigbete a pɛliyɛ tɛttɔ, yɛ shoraatɔ.